Ելույթ, Սեպտեմբեր 9, 2012թ.

0:58:28
http://www.parliament.am/live.php?year=2012&month=09&day=11&part=3&lang=arm

Հանդիպում Երևանի և ՀՀ մարզերի ավագ դպրոցների տնօրենների հետ

Հոկտեմբերի 26-ին ՀՀ ԱԺ պատգամավոր, <<Դպրոց կենտրոնների միության>> նախագահ Ռուզաննա Մուրադյանը հանդիպել է Երևանի և ՀՀ մարզերի ավագ դպրոցների տնօրենների հետ: Հանդիպմանը մասնակցում էին նաև Կրթության ազգային ինստիտուտից Անահիտ Բախշյանը, Մելանյա Դավթյանը, Համաշխարհային բանկի ներկայացուցիչ Անուշ Շահվերդյանը և այլք: Հանդիպման ընթացքում խմբային աշխատանքների միջոցով փորձեցին վեր հանել բոլոր այն խնդիրները, որոնք առկա են ավագ դպրոցներում և մշակեցին առաջարկություններ: Ավագ դպրոցի տնօրենները գոհ էին հանդիպումից և հույս հայտնեցին, որ նմանատիպ հանդիպումները կունենան շարունակական բնույթ:

Հարակից զեկույց, 23 հոկտեմբեր,2012թ.

Հարակից զեկույց՝

ՀՀ կառավարության կողմից օրենսդրական նախաձեռնությամբ ներկայացված «Հանրակրթության մասին» ՀՀ օրենքում փոփոխություններ և լրացումներ կատարելու մասին» և «Կրթության մասին» ՀՀ օրենքում փոփոխություններ և լրացումներ կատարելու մասին» ՀՀ օրենքի նախագծի վերաբերյալ

0:41:21
http://www.parliament.am/live.php?year=2012&month=10&day=23&part=2&lang=arm

Հրապարակումներ մամուլում

Նաիրա Զոհրաբյան. «Քանի՞ դպրոց ունի հասարակ թեքահարթակ»

Այսօր ԱԺ-ում համընդհանուր ներառական կրթություն ներդնելու քննարկումների ժամանակ ՀՀԿ պատգամավոր Ռուզաննա Մուրադյանը ողջունեց, որ ուսուցիչները, փաստորեն, արդեն դառնալու են բազմաֆունկցիոնալ, այսինքն՝ մեծանալու է ուսուցչի դերը եւ մեծանալու է նաեւ մեթոդական պատրաստվածությունը եւ ողջունեց, որ ավելանալու է ուսուցչի օգնականի հաստիքը. «Ուսուցչի օգնականի հաստիքը իրոք անհրաժեշտ է, բայց նրա գործառույթներն ու դերը սահմանված չեն օրենքով: Մանկավարժական բուհերում նոր մասնագիտացում պետք է լինի, կրթության ծրագրի վերանայում»:

Տիկին Մուրադյանը նշեց, որ գիտության, կրթության, մշակույթի, երիտասարդության եւ սպորտի հարցերի հանձնաժողովը կողմ է  եղել այդ օրինագծին: Նա խնդրեց առաջին ընթերցմամբ կողմ քվեարկել:

ԲՀԿ խմբակցության քարտուղար Նաիրա Զոհրաբյանը նշեց, որ այդ հեղափոխական նախագիծը շատ կարեւոր է, շատ կարեւոր խնդիր է լուծում, եթե այն, ինչ կա նախագծում, հնարավոր լինի հաջողել, այսինքն՝ հաշմանդամ երեխաների իտեգրացիայի խնդիրը հնարավոր լինի լուծել. «Նախագիծը երեւի թե ավելի վաղ պիտի ներկայացվեր: Մի հարց է հետաքրքրում՝ Հայաստանի հանրակրթական դպրոցերից քանիսն է, որն ունի տարրական թեքահարթակ, ես չեմ խոսում ավելի բարդ խնդիրների մասին: Մեր դպրոցները, այսպես ասած, կաբինետային դպրոցներ են հիմնականում, որտեղ հնարավոր չէ սայլակից տեղափոխվել, ասենք, մեկ կաբինետից մյուսը: Քանի՞ դպրոց ունի հասարակ թեքահարթակ: Եվ երկրորդ հարցը՝ եթե օրենքը սկսի աշխատել, առաջանալու է բազմապրոֆիլ ուսուցիչների խնդիր: Այսօր մեր բուհերը կարո՞ղ են պատրաստել այդպիսի մասնագետներ, որոնք կարող են միաժամանակ աշխատել երկու տարբեր ընկալունակություն եւ երկու տարբեր սոցիալական ստատուս ունեցող աշակերտների հետ»: Ռուզաննա Մուրադյանը թիվ չասաց, թե քանի դպրոցներում կա, միայն նշեց, որ բոլոր այն դպրոցներում, որտեղ կա ներառական կրթություն: Իսկ Արմեն Աշոտյանը հաստատեց. «Իսկապես կա ներառական դպրոցներում միայն: 107 ներառական դպրոց ունենք, որոնք ունեն թեքահարթակ»:

Ըստ Նաիրա Զոհրաբյանի, դպրոցները պիտի ունենան այնպիսի պայմաններ, որպեսզի երեխան իրեն նվաստացած չզգա: Պետք է լինեն նաեւ նորմալ մասնագետներ. «Այստեղ մենք լրջագույն անելիքներ ունենք: Չի կարելի առանց այդ էլ որոշակի պրոբլեմներ ունեցող երեխային ինչ-ինչ փորձությունների ենթարկել՝ չպատրաստված մանկավարժների կողմից»:

Ռուզաննա Մուրադյանն ասաց, որ այնպես չի, որ այդ դաշտը դատարկ է, պարզապես պետք է կարճաժամկետ դասընթացների միջոցով լրացնել պակասը:

Հանդիպում տնօրենի՝ ուսումնական աշխատանքների գծով տեղակալների հետ

Հոկտեմբերի 19-ին Աժ պատգամավոր, <<Դպրոց-կենտրոնների միություն>> իրավաբանական անձանց միության նախագահ Ռուզաննա Մուրադյանի նախաձեռնությամբ Երևանի Տ.Ժամկոչյանի անվան Հ. 119 դպրոցում աշխատանքային հանդիպում կազմակերպեց Երևանի և ՀՀ տարբեր մարզերի դպրոցների տնօրենի՝ ուսումնական աշխատանքների գծով տեղակալների հետ: Հանդիպմանը մասնակցում էին նաև տնօրեններ,նախարարության ներկայացուցիչներ ՝ ի դեմս ԿԳՆ հանրակրթության վարչության պետ Նարինե Հովհաննիսյանի, ԿԳՆ հանրակրթության վարչության մասնագետ Սամվել Պեպանյանի, ԿԾԿ ԾԻԳ-ի ենթածրագրերի ղեկավար Կարեն Մելքոնյանը, ինչպես նաև ներկայացուցիչներ տարբեր միջազգային կառույցներից : Հանդիպման ընթացքում մասնակիցները ներկայացրին տնօրենի՝ ուսումնական աշխատանքների գծով տեղակալի աշխատանքի կազմակերպման իրենց փորձը:Հարց ու պատասխանի միջոցով վեր հանվեցին իրենց գործունեության ընթացքում առաջացող դժվարությունները: Լսեցին բոլոր մասնակիցների առաջարկությունները հետագայում նրանց գործունեությանը աջակցելու և բարելավելու նպատակով: Բոլոր մասնակիցները շնորհակալություն հայտնեցին իրենց ընձեռնված այդ բացառիկ հնարավորության համար և ցանկություն հայտնեցին շարունակելու փորձի փոխանակումն ու հետագա համագործակցությունը:

Պետական եւ ծառայողական գաղտնիքի մասին» Հայաստանի Հանրապետության օրենքում փոփոխություններ կատարելու մասին

Հեղինակներ` Գալուստ Սահակյան, Էդուարդ Շարմազանով,Մնացական Մնացականյան, Ռուզաննա Մուրադյան, Հերմինե Նաղդալյան, Արփինե Հովհաննիսյան

Պ-019-11.07.2012,07.09.2012-ՊԻ-010/0

Պետական ոչ առեւտրային կազմակերպությունների մասին» Հայաստանի Հանրապետության օրենքում փոփոխություն կատարելու մասին

Հեղինակներ` Գալուստ Սահակյան, Կարինե Աճեմյան, Էդուարդ Շարմազանով, Մնացական Մնացականյան, Ռուզաննա Մուրադյան,Հերմինե Նաղդալյան

Պ-020-11.07.2012-ԳԿ-010/1

http://www.parliament.am/drafts.php?sel=onagenda&lang=arm

Հայաստանի Հանրապետության քրեական օրենսգրքում փոփոխություններ եւ լրացումներ կատարելու մասին

Հեղինակներ` Գալուստ Սահակյան, Հերմինե Նաղդալյան, Էդուարդ Շարմազանով, Մնացական Մնացականյան, Ռուզաննա Մուրադյան,Արփինե Հովհաննիսյան

Փաստաթղթի կոդ` Պ-018-11.07.2012-ՊԻ-010/0
http://www.parliament.am/drafts.php?sel=onagenda&lang=arm

Ուսուցիչների պարգեւատրման հանդիսավոր արարողությանը:

Հոկտեմբերի 16-ին ՀՀ ԱԺ նախագահ Հովիկ Աբրահամյանը մասնակցեց ՀՀԿ կանանց խորհրդի կազմակերպած կուսակցության անդամ ուսուցիչների պարգեւատրման հանդիսավոր արարողությանը:

«Հանրակրթության մասին» ՀՀ օրենքում լրացումներ եւ փոփոխություններ կատարելու մասին օրենքի նախագծի հարակից զեկուցող

«Երևանն է կանչում» երիտասարդ կատարողների երևանյան առաջին մրցույթ

«Էրեբունի-Երևան-2794»-ին ընդառաջ «Երևանն է կանչում» երիտասարդ կատարողների երևանյան առաջին մրցույթն ավարտվեց հոկտեմբերի 13-ին Սունդուկյանի անվան ազգային ակադեմիական թատրոնում ամփոփիչ գալա-համերգով:Բոլոր մասնակիցները  ՀՀԿ կանանց խորհրդի կողմից՝ ի դեմս Ռուզաննա Մուրադյանի, արժանացան նվերների:

Ամեն տարի ուսուցչի օրվա կապակցությամբ ՀՀԿ կանանց հանձնախումբը այցելություններ է կազմակերպում Երևանի վարչական շրջանների վաստակաշատ մանկավարժներին: Ինչպես նախորդ տարիներին այս տարի ևս մատուցվեցին գեղեցիկ նվերներ եւ անակնկալներ:

Ելույթ, 02 հոկտեմբեր, 2012թ

0:52:55
//www.parliament.am/live.php?year=2012&month=10&day=02&part=3&lang=arm

Անցյալում բոլոր լուսեղեն մարդկանց ուսուցիչ անունն են տվել:Իսկ այսօր…

Այսօր թվում է, թե ուսուցչի վարկանիշն ընկել է, փոխվել են մարդկանց և հասարակության պատկերացումները ուսուցչի կերպարի մասին:Ինչու՞..Սա մտածելու տեղիք է տալիս բոլորիս:Մենք պետք է մտահոգվենք այս խնդրով, քանի որ բոլորս ենք ուսուցիչ ունեցել:

Իմ 30 տարիների մանկավարժական փորձառությունը հնարավորություն է տալիս փաստելու, որ բոլոր ժամանակներում էլ դժվարին և պատասխանատու է եղել մանկավարժի աշխատանքը, քանի որ  փոխվել են թե՛ ժամանակները, թե՛ աշակերտները եւ թե՛ ուսուցչին ներկայացվող պահանջները: Այն հատկապես դժվար է մեր օրերում, երբ բարոյական ու հոգևոր արժեքների վերաարժեքավորում է տեղի ունենում, և սոցիալական հակասություններն իրենց  ազդեցությունն են փորձում թողնել դպրոցի և մանկավարժի հեղինակության վրա: Բայց միևնույն է հայ ուսուցիչը միշտ էլ եղել և և մնում է պատկառանքի առարկա:

Անշուշտ, դպրոցի նկատմամբ հավատի վերականգնումը մեծապես պայմանավորված է մանկավարժների մասնագիտական ու մարդկային բարձր որակներով, որովհետև լավագույն դպրոցի ապագան խելացի, զարգացած, գիրքն ու գիտելիքը գնահատող աշակերտական հզոր բանակ ունենալու մեջ է, մասնագիտական պատշաճ պատրաստվածություն ունեցող և համակողմանի զարգացած, ինքնակազմակերպման ընդունակ, հայրենասիրության, պետականության և մարդասիրության ոգով  քաղաքացիներ դաստիարակելու մեջ է:  

Հայ ուսուցիչը միշտ էլ եղել է հարգանքի ու պատկառանքի առարկա, իսկ այսօր հայկական անկախ պետականության պայմաններում հայ ուսուցչի կերպարն աղավաղված է: Վերջին ժամանակներս հասունանում է այն պատկերացումը, որ մանկավարժական կրթությունը ոչ միայն գիտելիքների, վերլուծական տրամաբանության և գործունեության տարբեր ձևերի յուրացում է, այլև մշակույթի, բարոյական և հոգևոր արժեքների մեջ ներթափանցում, ակամա մասնակցություն դրանց ստեղծմանը և զարգացմանը: Այսօր  մանկավարժն ավելին է, քան տեղեկություն հաղորդողը, նա անձի մշակույթի ու հոգևոր դաստիարակության առաջնորդ է:

Ուսուցչի տոնը ձեռք է բերել պետական և համազգային տոնի մեծ հնչեղություն, քանի որ յուրաքանչյուր անհատի կյանքում կարևոր տեղ ունի ուսուցիչը:Ուսուցչին է վստահված մեր երկրի ապագան;Գիտելիքն ու կրթությունը ամենաթանկ կապիտալն ու առաջընթացի ամենակարևոր նախապայմաններն են:

Սիրելի մանկավարժներ, դուք եք այդ ամենը արժանավայել փոխանցում սերունդներին:

Շնորհակալության և շնորհավորանքի խոսքեր են հղում կրթության գործի բոլոր նվիրյալներին:

Մաղթում եմ Ձեզ առողջութուն, երջանկություն անձնական կյանքում և անթաքույց երախտագիտություն բոլոր սաների աչքերում:

Հարց ՀՀ ԿԳ նախարարին, հոկտեմբերի 4, 2012թ.

1:27:11

http://www.parliament.am/live.php?year=2012&month=10&day=04&part=3&lang=arm

«Բլից հարցազրույցներ ԱԺ պատգամավորի հետ» շարքի շրջանակներում NEWS.am-ը ներկայացնում է իր հերթական հարցազրույցը: Այս անգամ զրուցել ենք Ազգային ժողովի Հանրապետական խմբակցության պատգամավոր Ռուզաննա Մուրադյանի հետ:

Ինձ համար տղամարդու իդեալական կերպարը Գեւորգ Մարզպետունին է. ԱԺ պատգամավոր, Ռ.Մուրադյան

Ի՞նչ կարծիքի եք ինքներդ ձեր մասին: Բնութագրեք Ռուզաննա Մուրադյանին:

Ես կարծում եմ, որ  աշխատասեր, նպատակասլաց, պատասխանատու մարդ եմ, ով նվիրված է իր հայրենիքին եւ ընտանիքին:

Ձեր առավելությունները եւ թերությունները:

Իմ առավելությունն ու թերությունը այն է, որ ամեն ինչում ձգտում եմ  կատարելությանը:

Ձեր թուլությունները կամ խոցելի կողմերը:

Եվ թուլությունը, եւ խոցելի կողմը իմ չափից ավելի խղճով լինելն է:

Կյանքից ստացած դասեր:

Անհրաժեշտ է միշտ հիշել, որ երբ պարտվում ես, չես կորցնում կուտակած փորձը:

Ինչո՞վ եք դուք տարբերվում մյուս կանանցից եւ կին պատգամավորներից, որո՞նք են ձեր առանձնահատկությունները:

Բոլորս իրարից տարբերվում ենք մեր անհատականությամբ, իսկ իմ առանձնահատկությունների մասին թող խոսեն գործընկերներս: Շատ ուրախ եմ, որ կանանց թիվն ավելացել է խորհրդարանում, առավել եւս, որ խորհրդարան են եկել խելացի եւ բանիմաց կանայք:

Հայելու առաջ: Ի՞նչ կփոխեիք ձեր արտաքինում:

Ոչինչ չեմ փոխի, կմնամ այնպիսին, ինչպիսին որ կամ:

Ի՞նչ հատկանիշներ եք ամենից շատ գնահատում տղամարդու եւ կնոջ մեջ:

Մարդու մեջ ամենից շատ գնահատում եմ անկեղծությունը:

Ի՞նչը չեք ներում ձեզ:

Չեմ ներում, որ ընդամենը երկու երեխա եմ ունեցել:

Ի՞նչ սխալներ եք գործել:

Մարդը անսխալական չէ, բայց առ այսօր այնպիսի սխալներ չեմ գործել, որ հիշեմ:

Ինչի՞ համար եք զղջում:

Զղջում եմ չարած բաների համար:

Ի՞նչ երբեք չեք անի:

Երբեք խղճիս դեմ չեմ գնա:

Երբեւէ ամաչե՞լ եք ինչ-որ ձեր արածի կամ ասածի համար:

Ոչ, չեմ ամաչել:

Ինքներդ ձեզնից գո՞հ եք, եւ եթե այո, ապա` ինչու, իսկ եթե ոչ, ապա հատկապես ինչի՞ց եք դժգոհ:

Ես ինձնից գոհ եմ, որ ժամանակը կարողանում եմ ճիշտ պլանավորել եւ տնօրինել, սակայն դժգոհ եմ, որ այդ պլանավորման մեջ քիչ ժամանակ եմ հատկացնում իմ հանգստին:

Ամենաշատը ի՞նչ թեմաներով եք ստիպված լինում սուտ ասել կամ խաբել ինչ-որ մեկին:

Հարազատներիդ մտահոգություն չպատճառելու եւ խնայելու նպատակով երբեմն փորձում ես խուսափել ճշմարտությունից:

Ինչո՞ւ որոշեցիք պատգամավոր դառնալ եւ ընտանիքի անդամները` ամուսին, երեխաներ, ծնողներ, ինչպե՞ս ընդունեցին ձեր այդ որոշումը:

Ես ընտրվեցի պատգամավոր: Կյանքում իմ ունեցած բոլոր հաջողությունների համար երախտապարտ եմ իմ ընտանիքի անդամներին՝ ամուսնուս, երեխաներիս, ծնողներիս, ովքեր իմ  կյանքի պատասխանատու բոլոր պահերին քաջալերել եւ աջակցել են  ինձ:

Երկար տարիներ աշխատել եք որպես մանկավարժ եւ շփվել երեխաների հետ, այժմ աշխատանքի բերումով շփվում եք պատգամավորների հետ: Ի՞նչ տարբերություն երեխաների եւ պատգամավորների միջեւ, ո՞ւմ հետ է ավելի հեշտ եւ հետաքրքիր շփվելը:

Երեխաների հետ աշխատանքի ընթացքում շատ բան եմ սովորել երեխաներից:

Պատգամավորների հետ աշխատանքի ընթացքում էլ շատ բան եմ սովորում նրանցից: Բոլոր դեպքերում էլ հետաքրքիր է շփվելը, եթե տիրապետում ես հաղորդակցման հմտություններին:

Ձեր սիրելի աֆորիզմը:

Եթե հաջողում ես պլանավորումդ, պլանավորում ես հաջողությունդ:՚՚՚՚

Երբեւէ ամաչե՞լ եք ձեր արածի կամ ասածի համար:

Անկեղծ ասած, ես ապրում եմ հույսով, որ երբեք չի ամաչեցնում, հավատքով, որ երբեք չի երկմտում, եւ սիրով, որ երբեք չի վերջանում: 

Զայրանում եք...

Երբ մարդիկ չեն գիտակցում, որ լավ է չասել ոչինչ, քան ասել ոչինչ…

Հոգնում եք...

Միապաղաղությունից...

Հուսահատվում եւ հիասթափվում եք...

Մենք պետք է ընդունենք սահմանափակ հիասթափությունները, բայց երբեք չկորցնենք ահսահման հույսը:

Ինչպե՞ս եք լիցքաթավում` երգել, պարել, շոպինգ, մարզասրահ այցելել:

Լիցքաթափվում եմ ընտանիքիս անդամների համար խոհանոցում համեղ ուտելիքներ պատրաստելով:

Հաջողությունների հասնելու երեք պայման:

Երբ մարդու պատրաստվածությունն ու ցանկությունը հանդիպում է հնարավորությանը:

Ձեր սիրելի զբաղմունքները:

Սիրում եմ զբաղվել ընթերցանությամբ, զբոսնել, ընտանիքիս հետ հետաքրքիր ժամանակ անցկացնել:

Ձեր վատագույն սովորությունը:

Երեկոյան ուշ քնելը:

Մաքս Կաուֆմանը գրում է. «Ես չգիտեի,թե ինչ է երջանկությունը մինչ ամուսնանալը:Իսկ հետո արդեն ուշ էր»: Դուք գիտեք` ի՞նչ է երջանկությունը:

Երջանկությունն այն է, երբ քեզ հասկանում են, մեծ երջանկությունը՝ երբ քեզ սիրում են, իսկական երջանկությունը՝ երբ դու ես սիրում: Եվ ես վայելում եմ այդ երջանկությունը:

Ձեր սիրելի գույնը եւ ծաղիկը:

Իմ սիրելի գույնը սպիտակն է, իսկ ծաղիկը՝ վարդը:

Եթե ոչ դուք, ապա ուրիշ ո՞վ կցանկանայիք լինել:

Ես կցանկանայի մնալ ինքս:

Որտե՞ղ կցանկանայիք ապրել:

Իհարկե իմ հայրենիքում:

Ձեր սիրելի բանաստեղծները:

Պ.Սեւակ, Ե.Չարենց, Հ.Սահյան, Պ.Դուրյան, Շ.Ազնավուր, Ս.Եսենին, Ա.Բլոկ եւ այլ դասականներ:

Ձեր սիրելի նկարիչները եւ կոմպոզիտորները:

Սիրում եմ Հ.Այվազովսկու, Մ.Սարյանի,  Ժան Գառզու, Լեոնարդո դա Վինչիի կտավները եւ նախընտրում եմ լսել Ա.Խաչատրյանի, Ա.Բաբաջանյանի, Բեթհովենի, Մոցարտի ստեղծագործությունները:

Գրականության կամ պատմության մեջ ո՞վ է ձեզ համար տղամարդու իդեալական կերպար:

Ինձ համար տղամարդու իդեալական կերպարը Գեւորգ Մարզպետունին է, որը ոչ միայն պատմական անհատ է, այլեւ նորահայտ առաքյալների նախատիպը: Ազնիվ, առաքինի, վեհանձն, նա դավանում է մարդկային գոյության արժեքներից բարձրագույնը՝ հայրենասիրությունը, որ ինքն անվանում է ՙանձնականը ընդհանուրին զոհելու քաջություն:

Ձեր սիրելի հերոսները իրական կյանքում:

Իրական կյանքում իմ սիրելի հերոսն իմ հայրն է:

Խարխուլ մակույկով հանձնվիր ծովին,քան թե հավատա կնոջ երդումին: Կհիշե՞ք ստեղծագործության եւ հեղինակի անունը: համաձա՞յն եք այս մտքի հետ:

Իհարկե համաձայն չեմ մտքի հետ, իսկ ստեղծագործությունը Ա.Իսահակյանի «Աբու Լալա Մահարի» պոեմից է:

Ինչպիսի՞ն եք խոհանոցում, ի՞նչ  եք սիրում պատրաստել, ի՞նչ` ոչ: Պատգամավոր ընտրվելուց հետո ե՞ւս զբաղվում եք տնային գործերով, թե՞…

Ես սիրում եմ, որ իմ տնային գործերը անում եմ ինքս, անձամբ, իսկ խոհանոցում սիրում եմ ստեղծագործել: Ասում են, որ շատ համեղ է ստացվում:

Ինչպիսի՞ հարաբերություններ ունեք ձեր ամուսնու ծնողների հետ, հարս-սկեսուր «հակամարտությունը» ձեր դուռը չի՞ բախել:

Ամուսնուս ծնողների հետ միշտ եղել ենք ջերմ հարաբերությունների մեջ: Մեզ մոտ երբեք հակամարտություն չի եղել, այլ եղել  է փոխադարձ հարգանք: Ասում են, որ ես իրենց սիրելի հարսն եմ:

Ի՞նչ եք կարծում` ինչպիսի զոքանչ կամ սկեսուր կլինեք, դո՞ւք եք ընտրելու ձեր ապագա հարսին կամ փեսային, թե՞ ոչ: Օրինակ` ձեզ համար սկզբունքա՞յին է, որ հարսը ձեզ «մայրիկով» դիմի, իսկ երեխային անվանեն ձեր անունով:

Ես արդեն երկու հրաշալի փեսաների զոքանչ եմ, որոնց ընտրել են իմ աղջիկները, եւ իրենց ընտրությանը ես չեմ միջամտել: Իսկ թե ինչպիսի զոքանչ եմ ես, պետք է հարցնել իմ փեսաներին:

Ձեր հանդերձարանը, որտեղի՞ց եք ձեզ համար հագուստ գնում:

Ունեմ մի քանի նախընտրած խանութներ, որոնց առաջարկած հագուստները համապատասխանում են իմ ճաշակին:

Շաբաթական ինչքա՞ն գումար է ձեզ անհրաժեշտ գեղեցիկ եւ խնամված տեսք ունենալու համար:

Գեղեցիկ եւ խնամված տեսք ունենալու համար անհրաժեշտ է մեծ ցանկություն եւ քիչ գումար:

Ամենաթանկարժեք իրը, որ ունեք: (ադամանդե վզնոց, մեքենա, տուն, մուշտակ եւ այլն)

Ունեմ առաջին անհրաժեշտության իրեր, բայց ինձ համար ավելի թանկ են հոգեւոր արժեքները:

Ամենառոմանտիկ օրը:

Երբ ամուսինս ինձ սեր խոստովանեց:

Ո՞րն է կյանքում սերը խոստովանելու ամենալավ ձեւը: Ձեզ ինչպե՞ս են սեր խոստովանել:

Լռությամբ, որն ավելի պերճախոս էր:

Անցած սերեր, ինչպիսի՞ն պետք է լինի տղամարդը, որպեսզի կարողանա գրավել ձեր սիրտը:

Իմ սիրտ արդեն գրավված է:

Ինչպիսի՞ն է ձեր ամուսինը, ինչպե՞ս նրան հանդիպեցիք:

Իմ ամուսինը իմ երազած տղամարդու կերպարն է, որին հանդիպել եմ պատահաբար:

Ձեր ընտանիքը: Ընտանեկան վեճերը ի՞նչ թեմաների շուրջ են առաջանում:

Ունեմ երկու դուստր, որոնք ամուսնացած են, կազմել են երկու հրաշալի ընտանիքներ եւ պարգեւել են մեզ երեք տղա թոռնիկներ: Մեր ընտանիքը համերաշխ է, իսկ վեճերը երբեմն ծագում են միմյանց նկատմամբ ուշադրության եւ հոգատարության դրսեւորման արդյունքում:

Օսկար Ուայլդը ասում է, որ պետք է միշտ սիրահարված լինել, ահա թե ինչու երբեք չարժէ ամուսնանալ:

Համաձայն չեմ այդ մտքի հետ, քանի որ կարելի է նաեւ ամուսնանալ, բայց միշտ մնալ սիրահարված:

Շարքին մասնակցող նախորդ պատգամավորը` ԲՀԿ-ից Միքայել Մելքումյանը ձեզ հարցնում է, թե  ի՞նչ փոխեց ձեր կյանքում պատգամավորի կարգավիճակ ստանալը:

Փոխվեց իմ աշխատանքի բնույթը, եւ էլ ավելի մեծացավ պատասխանատվությունը քո անձի եւ հանրության նկատմամբ:

Այժմ նշեք, թե դուք ինչ կցանկանայիք հարցնել շարքին մասնակցող մյուս պատգամավորին, որը չգիտեմ, թե ով կլինի:

Ի՞նչ կմաղթեք ձեր գործընկեր պատգամավորներին:

Նշենք, որ Ռուզաննա Մուրադյանը մասնագիտությամբ ֆիզիկ է, ունի 30 տարվա մանկավարժական փորձ, մանկավարժական գիտությունների թեկնածու է, 13 տարի ղեկավարել է Գր.Զոհրապի անվան հ.43 դպրոցը, իսկ այժմ ՀՀ ԱԺ պատգամավոր է: