Արարատի մարզ

 2012 թվականի հուլիսի 12-ին տեղի ունեցավ ԱԺ պատգամավոր Ռուզաննա Մուրադյանի հանդիպումը <Հերթական ատեստավորման ենթակա ուսուցիչների մասնագիտական զարգացման, վերապատրաստմանը> մասնակցող Արարատի մարզի Արարատ գյուղի, Այնթապի, Արտաշատի, Մասիսի, Այգեշատի, Սուրենավանի և մի շարք այլ գյուղերի  հիմնական դպրոցների ուսուցիչների հետ: Քննարկվեցին ուսուցիչներին հուզող, նրանց մասնագիտական կարիքներից բխող հարցեր:

 Մանկավարժները հանդես եկան հետևյալ առաջարկություններով. 

• Պարբերաբար ուսուցիչների աշխատավարձերը բարձրացնելու փոխարեն պետական ուսումնական հաստատության ուսուցչի մեկ դրույքի լրիվ ուսումնական ծանրաբեռնվածությունը (դասավանդման ծավալը) շաբաթական քսաներկու դասաժամից պակասեցնել մինչև տասնութ դասաժամ: Մի կողմից սա կնվազեցնի ուսուցչի շաբաթական ծանրաբեռնվածությունը և կնպաստի որակի բարձրացմանը, մյուս կողմից կհանդիսանա աշխատավարձի բարձրացման մեկ այլ և ավելի արդյունավետ մոտեցում: 
• Համացանցում առկա մանկավարժական գրականությունը օտար լեզուների չիմացության պատճառով մնում են անհասանելի: Առաջարկվում է ապահովել դրանց թարգմանությունը և հասանելիությունը:
• Դպրոցները ապահովել բավարար քանակությամբ համակարգիչներով, որպեսզի ուսուցիչները կարողանան դրանք արդյունավետ օգտագործել դասի ընթացքում:
• Ուսուցիչներին տրամադրել արտոնյալ վարկեր` անձնական օգտագործման համակարգիչներ ձեռք բերելու համար:

 

Լոռու մարզ

2012 թվականի հուլիսի 19-ին տեղի ունեցավ ԱԺ պատգամավոր Ռուզաննա Մուրադյանի հանդիպումը <Հերթական ատեստավորման ենթակա ուսուցիչների մասնագիտական զարգացման, վերապատրաստմանը> մասնակցող Լոռու մարզի Ստեփանավանի, Վանաձորի,  Ամրակիցի, ՈՒռուտի,  Լեջանի, Գյուլագարակի,  Գար-Գառի,  Վարդաբլուրի,  Արմանիսի և մի շարք այլ գյուղերի  հիմնական դպրոցների ուսուցիչների հետ: Քննարկվեցին ուսուցիչներին հուզող, նրանց մասնագիտական կարիքներից բխող հարցեր:

 Մանկավարժները հանդես եկան հետևյալ առաջարկություններով. 

• Ստեղծել հեռուստատեսային հաղորդումներ, որտեղ կներկայացվի ուսուցիչ աշխատանքի, երեխաների դաստիարակության, ծնողների հետ համագործակցության այնպիսի օրինակներ, որոնք հասարկությանը ցույց կտան ուսուցչի աշխատանքի դժվարություններն ու հաջողությունները:
• Պարբերաբար ուսուցիչների աշխատավարձերը բարձրացնելու փոխարեն պետական ուսումնական հաստատության ուսուցչի մեկ դրույքի լրիվ ուսումնական ծանրաբեռնվածությունը (դասավանդման ծավալը) շաբաթական քսաներկու դասաժամից պակասեցնել մինչև տասնութ դասաժամ:
• Դասագրքերում ուսումնական նյութի շարադրանքը դարձնել ավելի պարզ, մատչելի`երեխայի կողմից այն հեշտությամբ հասկանալու, ընկալելու և յուրացնելու համար: 

 

Երևան

 2012 թվականի հուլիսի 17-ին տեղի ունեցավ ԱԺ պատգամավոր Ռուզաննա Մուրադյանի հանդիպումը <Հերթական ատեստավորման ենթակա ուսուցիչների մասնագիտական զարգացման, վերապատրաստմանը> մասնակցող Երևանի հիմնական դպրոցների ուսուցիչների հետ: Քննարկվեցին ուսուցիչներին հուզող, նրանց մասնագիտական կարիքներից բխող հարցեր:



Մանկավարժները հանդես եկան հետևյալ առաջարկություններով. 

• Պետական ուսումնական հաստատության ուսուցչի մեկ դրույքի լրիվ ուսումնական ծանրաբեռնվածությունը (դասավանդման ծավալը) շաբաթական քսաներկու դասաժամից պակասեցնել մինչև տասնութ դասաժամ: 
• Կազմակերպել դպրոցի և ուսուցչի վարկանիշի բարձրացմանը ուղղված միջոցառումներ:
• Կրթության որակը բարձրացնելու համար պակասեցնել աշակերտների թվաքանակը դասարաններում:

Արմավիրի մարզ

 2012 թվականի հուլիսի 14-ին տեղի ունեցավ ԱԺ պատգամավոր Ռուզաննա Մուրադյանի հանդիպումը <Հերթական ատեստավորման ենթակա ուսուցիչների մասնագիտական զարգացման, վերապատրաստմանը> մասնակցող Արմավիրի մարզի Վաղարշապատի, Արմավիրի, Ալաշկերտի, Այգեվանի, Արգավանդի, Արտաշարի, Բամբակաշատի, Գետաշենի  և մի շարք այլ գյուղերի  հիմնական դպրոցների ուսուցիչների հետ: Քննարկվեցին ուսուցիչներին հուզող, նրանց մասնագիտական կարիքներից բխող հարցեր:

 Մանկավարժները հանդես եկան հետևյալ առաջարկություններով. 

• Պետական ուսումնական հաստատության ուսուցչի մեկ դրույքի լրիվ ուսումնական ծանրաբեռնվածությունը (դասավանդման ծավալը) շաբաթական քսաներկու դասաժամից պակասեցնել մինչև տասնութ դասաժամ: 
• Բնագիտական առարկաների համակարգում բարձրացնել քիմիա առարկայի կշիռը` ավելացնելով առարկայի ժամաքանակը, ԲՈՒՀ-երում ավելացնելով քիմիա առարկայով ընդունելության տեղերը: