Մասնակցություն միջազգային համաժողովին Սլովենիայում` նվիրված ուսուցիչների ձեռնարկատիարական կրթության զարգացմանը:

‘European Workshop on Enabling Teachers for Entrepreneurship Education - CPD’

«Դպրոց-կենտրոնների միությունը» ազդարարել է գործունեության մեկնարկը

Սեպտեմբերի 22-ին տեղի ունեցած կլոր սեղան-քննարկմամբ ազդարարվել է «Դպրոց-կենտրոնների միություն» իրավաբանական անձանց միության գործունեության մեկնարկը: Միջոցառմանը բացման խոսքով հանդես է եկել ՀՀ կրթության և գիտության նախարար Արմեն Աշոտյանը:

«Կրթական ոլորտում տեղի ունեցող բարեփոխումների բարեհաջող ընթացքն ապահովելու համար նախարարությունը, որպես կրթության ոլորտի քաղաքականությունն իրականացնող մարմին, մասնագիտական հանրույթի աջակցության անհրաժեշտություն ունի: Բազմիցս խոստովանել եմ, որ գրեթե չկա որևէ կրթական նորամուծություն, որի կապակցությամբ մասնագիտական հանրույթի կարծիքը չտրոհվի: Հետևաբար, Հայաստանում հանրակրթության ոլորտի մասնագիտական մտքի համախմբումն առաջնային խնդիր է, որի կարիքը մենք ունենք, որպեսզի դյուրին լինի նախարարության համար իր քաղաքականությունը տեղերում կյանքի կոչել»,- մասնավորապես նշել է նախարարը:

Նա հավելել է, որ նոր միությունը դիտարկվում է որպես գործընկեր, որին նախարարությունը պատրաստ է որոշակի առաքելություն պատվիրակել' հարթակ հանդիսանալու Հայաստանի կրթական համակարգում տեղի ունեցող փոփոխությունները կենտրոնացնելու ու տարածելու համար:
«Այս միությունն իր կարևոր դերակատարությունը կունենա, որպեսզի կարողանանք օբյեկտիվ պատկեր ունենալ տեղի ունեցող գործընթացների մասին, հեշտությամբ կարողանանք տարածել փորձը, նախարարության որոշումները ճիշտ հասնեն հասցեատերերին ու անխափան իրականացվեն»,- ասել է Ա. Աշոտյանը:

Լրագրողների հետ հարցուպատասխանի ժամանակ նախարարը նշել է, որ գալիք տարվանից դպրոցների տնօրենների հավաստագրման գործընթացը կփոփոխվի և ավելի կբարդանա: «Երբ գործընթացը նոր էր մեկնարկում բնականաբար պետք է սահմանավեր նվազագույն շեմ, բայց դա այսօր արդեն բավարար դիտարկել չի կարելի, գնալով նվազագույն պահանջների նշաձողը բարձրացվելու է, ըստ այդմ, տնօրենների քննությունները բարդացվելու են: Պետք է ուշադրություն դարձնենք համակարգչային հմտութուններին, ինչպես նաև օտար լեզվի իմացության պահանջ է դրվելու»,- նշել է Ա. Աշոտյանը և տեղեկացրել, որ անցալ երկու տարիներին դպրոցների տնօրենների հավաստագրման քննությունների արդյունքում շուրջ 200 գործող տնօրեն հավաստագիր չի ստացել, այսինքն զրկվել է կրկին տնօրեն ընտրվելու հնարավորությունից: ՀՀ ԿԳՆ-ի նման մոտեցումը, ըստ նախարարի, տնօրենների համար սթափեցնող նշանակություն է ունեցել. «Ժամանակին տնօրենի աշխատանքը դիտարկվում էր անձեռնմխելի, առանձին դեպքերում նաև ժառանգաբար փոխանցվող: Նախարարները գալիս-գնում էին, տնօրենները մնում էին: Իհարկե, լավ տնօրենը պետք է երկար աշխատի, բայց պետք է բոլորն էլ հասկանան, որ դպրոցները հանրային ինստիտուտներ են, նրանց գլխավոր առաքելությունը համայնքի կրթական կարիքների սպասարկումն է: Դպրոցների տնօրենները, ուսուցիչները, նաև նախարարության աշխատակիցներն ու նախարարը հանրային ծառայողներ են ու պարտավոր են սպասարկել մարդկանց կրթական կարիքները, այլ ոչ թե ավելացնեն սեփական իրավունքները՝ շահադիտական նպատակներ հետապնդելով»,- շեշտել է կրթության և գիտության նախարարը:

Նա հավելել է, որ դպրոցն այսօր դեմքով դեպի երեխան շրջվելու հրամայական ունի, իսկ դպրոցի տնօրենը ստիպված է հաշվի նստել և ապահովել կրթական շուկայի նոր պահանջարկը՝ նոր որակի աշխատանքով:

Կլոր-սեղան քննարկմանը ներկա են եղել նաև «Դպրոց-կենտորնների միություն» իրավաբանական անձանց միության նախագահ, ԱԺ պատգամավոր Ռուզաննա Մուրադյանը, ԱԺ այլ պատգամավորներ, կրթական հաստատությունների տնօրեններ, փորձագետներ: Նորաստեղծ միությունը նպատակ ունի համակարգել Հայաստանում առկա հանրակրթության ոլորտի առաջավոր փորձը, նպաստել դրա տարածմանը և ապահովել զարգացում՝ կարևորելով միջազգային փորձը: Միության աշխատանքների շրջանակն է' մշակել ուսուցչի էթիկայի նորմեր և դպրոցի զարգացման ծրագիր, կազմակերպել ուսուցիչների մարզային և հանրապետական հավաքներ, սեմինարներ և այլն: Այս մասին հայտնում է ՀՀ ԿԳՆ-ն:

«Դպրոց կենտրոնների միության» գործունեության մեկնարկ

Սեպտեմբերի 22-ին տեղի ունեցավ «Դպրոց կենտրոնների միության» մեկնարկն ազդարարող հաշվետու կլոր սեղան-քննարկում, որին մասնակցում էին ՀՀ ԿԳ նախարար Արմեն Աշոտյանը, ԱԺ պատգամավորներ, միջազգային կառույցների ներկայացուցիչներ և կրթական հաստատությունների ղեկավարներ: 

https://www.youtube.com/watch?v=4dHY_wB9hKo

Հայաստանում հերոսացվեց մտքի ճկունությունը, Ադրբեջանում՝ ստորությունը. Ռուզաննա Մուրադյան

Եթե օրեր առաջ Ադրբեջանի նախագահ Իլհամ Ալիևը դափնիներով դիմավորեց հայ սպա Գուրգեն Մարգարյանին Բուդապեշտում 2004թ. կացնահարած Ռամիլ Սաֆարովին, ապա ՀՀ նախագահ Սերժ Սարգսյանը նույն կերպ դիմավորեց օլիմպիական չեմպիոն դարձած հայ շախմատիստներին։

Այս մասին այսօր ելույթ ունենալով Ազգային ժողովի քառօրյայի հայտարարությունների ժամին ասաց «Հայաստանի Հանրապետական կուսակցություն» խմբակցության պատգամավոր Ռուզաննա Մուրադյանը։

«Մի երկրում հերոսացվեց ստորությունը, մյուս դեպքում՝ մարդու մտքի ճկունությունը: Ադրբեջանում հերոսացնում են մարդասպանին: Միշտ երեխաներին դաստիարակելու լավագույն ձևը օրինակի վրա հիմնվելն է: Մեր չեմպիոնները մեր ապագա սերունդների համար լավ օրինակ են հերոսի: Փա՛ռք ու պատիվ Հայաստանին հաղթանակներ բերողներին»,-ասաց նա:

Նա նաև նշեց, որ իրենք դիմել են աշխարհի կանանց՝ դատապարտելու ազգային հողի վրա կատարվող սպանությունները:

Ռուզաննա ՄուրադյանՆ իր խոսքում բարձր գնահատեց հայկական դպրոցներում շախմատի դասընթացներ ներմուծելու կառավարության և ՀՀ շախմատի ֆեդերացիայի որոշումը:

http://www.tert.am/am/news/2012/09/11/ruzanna-muradyan/

Ելույթ` <հերոսին> դափնիներով դիմավորեցին.., 09 սեպտեմբեր, 2012թ

0:58:28

http://www.parliament.am/live.php?year=2012&month=09&day=11&part=3&lang=arm

Հայաստանում հերոսացվեց մտքի ճկունությունը, Ադրբեջանում՝ ստորությունը

Եթե օրեր առաջ Ադրբեջանի նախագահ Իլհամ Ալիևը դափնիներով դիմավորեց հայ սպա Գուրգեն Մարգարյանին Բուդապեշտում 2004թ. կացնահարած Ռամիլ Սաֆարովին, ապա ՀՀ նախագահ Սերժ Սարգսյանը նույն կերպ դիմավորեց օլիմպիական չեմպիոն դարձած հայ շախմատիստներին։

Այս մասին այսօր ելույթ ունենալով Ազգային ժողովի քառօրյայի հայտարարությունների ժամին ասաց «Հայաստանի Հանրապետական կուսակցություն» խմբակցության պատգամավոր Ռուզաննա Մուրադյանը։

«Մի երկրում հերոսացվեց ստորությունը, մյուս դեպքում՝ մարդու մտքի ճկունությունը: Ադրբեջանում հերոսացնում են մարդասպանին: Միշտ երեխաներին դաստիարակելու լավագույն ձևը օրինակի վրա հիմնվելն է: Մեր չեմպիոնները մեր ապագա սերունդների համար լավ օրինակ են հերոսի: Փա՛ռք ու պատիվ Հայաստանին հաղթանակներ բերողներին»,-ասաց նա:

Նա նաև նշեց, որ իրենք դիմել են աշխարհի կանանց՝ դատապարտելու ազգային հողի վրա կատարվող սպանությունները:

Ռուզաննա ՄուրադյանՆ իր խոսքում բարձր գնահատեց հայկական դպրոցներում շախմատի դասընթացներ ներմուծելու կառավարության և ՀՀ շախմատի ֆեդերացիայի որոշումը:

Նյութի աղբյուրը՝

http://www.tert.am/am/news/2012/09/11/ruzanna-muradyan/583603

Ելույթ

0:52:55
http://www.parliament.am/live.php?year=2012&month=10&day=02&part=3&lang=arm

Մայրե′ր, ողջ աշխարհի, միացե′ք…..

Եվրոպան ամբողջ աշխարհում հանդես է գալիս որպես մի օրինակելի մոդել` հիմնված ազատության, ժողովրդավարության, մարդու իրավունքների, օրենքի գերակայության, հանդուրժողականության հիմնարար արժեքների վրա:

Իրեն եվրոպական արժեքներին, մարդու իրավունքների պաշտպանությանը հավատարիմ համարող Հունգարիայի պետությունը մարդասպանին ազատություն շնորհեց….

Երկիր մոլորակի բոլոր մարդկային անհատներին`անկախ նրանց կրոնական, ռասայական, սոցիալական և անհատական արգելքների, միավորում են համընդհանուր արժեքները, որոնք մարդասիրական աշխարհայացքի սկզբունքների մարմնավորումն են և տարածվում են ոչ միայն յուրայինների, այլև բոլոր մարդկանց վրա:Այսօր տեղի ունեցած այս ոճրագործությունը լուրջ սպառնալիք է այդ արժեքների և երկիր մոլորակի համար:

Մենք փորձում ենք դաստիարակել մեր երեխաներին եվրոպական արժեքներով,  որոնք նաև համամարդկային արժեքներ են:Դաստիարակության ամենահզոր ուժը օրինակի հիման վրա դաստիարակությունն է, մենք քարոզում ենք համամարդկային արժեքներ, բայց ականատես ենք լինում մարդկությանը սպառնացող նոր` բացասական արժեքների քարոզմանը, որտեղ փառաբանվում է ոճրագործը, և հերոսանում մարդասպանը:

 Մեր կրթական համակարգը ինտեգրվում է եվրոպական կրթական համակարգին: Եվ այսօր մեզ` մայրերիս, անկախ ազգային պատկանելության, ամենաշատը պետք է մտահոգի, թե ինչպես կարող են մեր երեխաները սովորել Եվրոպայի տարբեր կրթական հաստատություններում, ինչպես կարող ենք ինտեգրվել եվրոպական արժեհամակարգին, երբ էթնիկ հողի վրա կատարված մարդասպանությունը դառնում է դարի վատագույն օրինակը մեր երեխաների ապագայի կերտման ճանապարհին: 

Մայրե′ր ամբողջ աշխարհի, սա համամարդկային արժեքների չնչացմանն ուղղված սպառնալիք է: Տեր կանքնենք մեր զավակների անվտանգությանը, նրանց ապագային:

 Մենք մեր երեխաներին դաստիարակում ենք համամարդկային արժեքներին համահունչ, բայց ունեցանք մարդկությանը սպառնացող սահմռկեցուցիչ օրինակ, որը ծնվեց եվրոպական մարդակենտրոն արժեքների կողքին:

Կոչ եմ անում աշխարհի բոլոր մայրերին միանալ և այս համամարդկային արժեքների ոտնահարմանը տալ մեր մայրական բարոյական գնահատականը: