հոկտեմբերի 22, 2013թ.
Հ.ՆԱՂԴԱԼՅԱՆ
-Հաջորդ հարցի համար՝ պատգամավոր Ռուզաննա Մուրադյան, համեցեք։
Ռ.ՄՈՒՐԱԴՅԱՆ
-Պրն նախարար, 1-ին հարցը ուզում եմ հենց ուղղել քիչ առաջ իմ գործընկերոջ հնչեցրած հարցին։ Դուք պատասխանեցիք, որ հարցում եք արել որոշ պատգամավորներից, որոնք գնահատել են իրենց գործունեությունը եւ դա արտահայտվել է աղյուսակում 10 միավորով։ Երեւի ես եմ նոր պատգամավոր, կուզեի իմանալ, ո՞ր պատգամավորներին եք հարցրել, նորերի՞ն, հների՞ն, թե՝ ում, եւ կոնկրետ անուններ, եթե կարելի է։ Սա 1-ին հարցը։
2-րդ հարցը՝ ես ուզում եմ հասկանալ, այս փաթեթի մեջ նախադպրոցական հաստատության օրենքի նախագծից մի հատված կա, որտեղ ասվում է, որ նախադպրոցական հաստատության աշխատակցի աշխատավարձը նվազագույնի կրկնապատիկից պակաս չի կարող լինել։ Սրա մեջ չկա դպրոցի ուսուցչի, իհարկե, հասկանում եմ, որ սա պետական պաշտոններ զբաղեցնող անձանց մասին է, բայց եթե նախադպրոցականը դրված է, նա ինչու՞ չկա։
3-րդ հարցը՝ ուզում եմ ձեր ուշադրությունը հրավիրել աղյուսակում առկա հետեւյալ տողին, որտեղ Սահմանադրության մեջ որքան ես նայել եմ, Ազգային անվտանգության խորհրդի քարտուղար, այսպիսի պաշտոն չկա, մինչդեռ 15 ու 50 գործակից տրված է նրա համար, եւ այն մարմինները, որոնք սահմանադրական մարմիններն են, որոնք են՝ ՀՀ գլխավոր դատախազ, վճռաբեկ դատարանի նախագահ, Վերահսկիչ պալատի նախագահի, Մարդու իրավունքների պաշտպան, նրանցը 15 է գործակիցը։ Ինչո՞վ է սա բացատրվում։
Վ.ԳԱԲՐԻԵԼՅԱՆ
-Ես հարցին պատասխանեմ նույն տրամաբանությամբ, տիկին Մուրադյան։ Հարցը նա է, որ այստեղ բոլոր պաշտոնները չէ, որ որոնք նշված են, Սահմանադրական են։ Եթե մենք ստացել ենք այդպիսի արդյունք, այդ արդյունքն էլ ներկայացված է։ Քանի որ հարցումների արդյունքում մենք ստացել ենք այդ արդյունքը, գամ 1-ին հարցին։
Ցավոք սրտի, հիմա բոլոր անունները չեմ կարող հրապարակել, բայց կարող եմ ասել, որ դա արվել է թե՛ նախկին գումարման, թե՛ ներկա գումարման պատգամավորների հետ հարցումները, այդ թվում եղել են նաեւ գործադիր եւ դատական մարմինների ներկայացուցիչներ։ Ես կթարմացնեմ ցուցակները, ձեզ կտեղեկացնեմ 1-2 անուն եւս։
Ինչ վերաբերում է նախադպրոցական այդ փոփոխություններին, ապա ասեմ, որ ընդունված մոտեցումով բոլոր օրենքներից, որոնք կարգավորում էին համապատասխան ոլորտներ, հանրային ծառայությունների, աշխատավարձերի մասին դրույթները հանվել են եւ բերվել են մեկ մայր օրենքի մեջ, եւ բոլոր հղումներն արված են դրան։ Այդ տեխնիկան է ընտրվել։ Հատկապես այդ հոդվածը, որը դրված էր, այդ հոդվածը չեղյալ է ճանաչվել, քանի որ արդեն նոր կարգաբերում ենք բերել։
Ինչ վերաբերում է դպրոցների եւ նախադպրոցական հիմնարկների ֆինանսավորմանը, ապա այդ ցուցանիշները դուք կարող եք գտնել բյուջեի մեջ։ Այստեղ մենք բյուջեի հաշվարկներով ենք ֆինանսավորում։ Օրինակ՝ կրթական ոլորտում միջին գործակիցը, որ ուսուցչական կազմի համար ընտրված է, 2,3-ն է։ Դա համապատասխանեցված է քաղաքացիական ծառայության սանդղակի որոշակի դասի միջնակետին։ Դրանք մանրամասն բացատրված են բյուջեի նախագծում, ինչը դուք արդեն ամբողջական պատկերացում կազմելու տեսակետից կարող եք ծանոթանալ, երբ որ կծանոթանաք բյուջեի նախագծին, եւ արդեն դրա քննարկումները սկսվեն։
Հ.ՆԱՂԴԱԼՅԱՆ
-Արձագանքի համար՝ Ռուզաննա Մուրադյան։
Ռ.ՄՈՒՐԱԴՅԱՆ
-Պրն նախարար, իրոք, ես կուզեի իմանալ, ովքե՞ր են այդ ընտրյալ պատգամավորները, որոնց դուք նման հարցով դիմել եք, մեզ անտեսել եք։ Հարցս այստեղից է գալիս, որովհետեւ մեզ էլ է հետաքրքրիր ընդգրկվել նմանատիպ հարցադրումների մեջ։
Ես նաեւ ուզում եմ հիշեցնել, որ ուսուցչի աշխատավարձի հետ կապված, որ նշեցիք այդ 2,3 գործակիցը, եւ ձեր ներկայացրած օրենքի 4-րդ հոդվածը, որտեղ պետական պաշտոն զբաղեցնող անձանց վարձատրության հիմնական սկզբունքներն են տրված, որտեղ նաեւ խոսվում է կատարած համապատասխան աշխատանքի դիմաց համապատասխան վարձատրության սկզբունքի մասին... այսօր ուսուցչի գործառույթների մեջ շատ բան է փոխվել, ավելացել են գրավոր աշխատանքների տեսակներ, որոնք նախկինում 2 առարկաների համար վճարվում էին, մաթեմատիկայի եւ հայոց լեզվի, իսկ հիմա արդեն բոլոր առարկաներից այդ գրավորները... արդյոք այդ համապատասխան աշխատանքի փոփոխությունն արտահայտվելու՞ է այդ նոր հաշվարկի մեջ։ Եթե պաշտոնի նկարագիրը նայում ենք, ուսուցչի գործառույթները շատ են, դրանց համապատասխան հաշվարկվա՞ծ է աշխատավարձը։
Վ.ԳԱԲՐԻԵԼՅԱՆ
-Կարծում եմ, որ այդ հարցը ճիշտ կլինի տալ բյուջետային քննարկումների ժամանակ, որովհետեւ սույն օրենքի փաթեթով ուսուցիչների աշխատանքը չի կարգավորվում։ Այն կարգավորգում է ընդամենը ֆինանսավորման մեխանիզմի տեսակետից, ինչն ամրագրված է բյուջեում։ Դա 1աշակերտի հաշվով ֆինանսավորումն է, որի հիմքում ընկած է եւ այլն։ Կարծում եմ, այն ժամանակ շատ ավելի ճիշտ կլինի այդ հարցին անդրադառնալ։
No comments:
Post a Comment