2013թ, հոկտեմբերի 24
Ռ.ՄՈՒՐԱԴՅԱՆ
-Պրն Մնացականյան, դուք նշեցիք, որ Եվրամիության հետ համագործակցության այս ծրագրերի շրջանակում մտնում են նաեւ մշակույթի եւ կրթության ոլորտները։ Ես կուզեի իմանալ արդյոք կրթության եւ մշակույթի ոլորտների ծրագրերի քանակը պահպանվե՞լ են։ Եթե այո, ապա որո՞նք են այդ ծրագրերը, թե՞ ընդլայնվել եւ ավելի նոր ծրագրեր են ավելացել։ Շնորհակալություն։
Զ.ՄՆԱՑԱԿԱՆՅԱՆ
-Շնորհակալություն։ Ներկայիս դրությամբ մենք ունենք իրապես բավականին մեծ հետաքրքրություն, թե մեր մշակույթի նախարարության, կողմից, թե կրթության նախարարության կողմից կամ առանձին ծրագրեր։ Մեկը կոչվում է «Հորիզոն 20-20», մյուսը՝ «Կրեատիվ մշակույթ ծրագիր»։ Որքան ինձ ծանոթ է, այս ծրագրի շուրջ գոյություն ունի մեր հետաքրքրությունը։ Կհասկանաք ինձ, դժվար կլինի ձեզ ասել, թե ինչի՞ մասին են այս ծրագրերը, որովհետեւ սա արդեն մասնագիտական է։ Բայց այս երկու օրինակը, որ ինձ մոտ նշված է, միայն օրինակներ են, որ ներկայիս դրությամբ մենք ունենք արդեն արտահայտված հետաքրքրություն մեր համապատասխան նախարարությունների կողմից ներգրվված լինելու կոնկրետ այս ծրագրերում։ Շնորհակալություն։
Հ.ՆԱՂԴԱԼՅԱՆ
-Ռուզաննա Մուրադյան։
Ռ.ՄՈՒՐԱԴՅԱՆ
-Իսկ կրթության ոլորտի՞։
Զ.ՄՆԱՑԱԿԱՆՅԱՆ
-«Հորիզոն 20-20»-ը։
Ռ.ՄՈՒՐԱԴՅԱՆ
-Ինչ վերաբերում է «Էրախնումս» ծրագիրը նորից մտնու՞մ է այդ ծրագրի մեջ, որ նախկինում կար Եվրամիության ծրագրում։ Շարունակվու՞մ է։ Ես լսել եմ, որ այդ ծրագիրը ընդհատվում է եւ նոր ծրագիր է առաջանում, որտեղ Հայաստանը կրթության մասով կարող է մասնակցել։
Զ.ՄՆԱՑԱԿԱՆՅԱՆ
-Հարցը մասնագիտական է եւ վստահ եմ, որ իմ գործընկերները կրթության նախարարից կկարողանան ավելի հստակ պատասխան ստանալ։ Սակայն պետք է ճշտել։
No comments:
Post a Comment