Հարց ՀՀ ոստիկանության պետի տեղակալ Ա. Օսիկյանին

21.03.2013թ.

Քննարկում ենք կառավարության կողմից ներկայացված «Ավտոտրանսպորտային միջոցների օգտագործումից բխող պատասխանատվության պարտադիր ապահովագրության մասին» Հայաստանի Հանրապետության օրենքում փոփոխություններ եւ լրացումներ կատարելու մասին» եւ «Վարչական իրավախախտումների վերաբերյալ Հայաստանի Հանրապետության օրենսգրքում լրացում կատարելու մասին» օրենքների նախագծերի փաթեթն առաջին ընթերցմամբ ընդունելու մասին հարցը։

Հարցը մեզ որպես հիմնական զեկուցող ներկայացնելու է ՀՀ ոստիկանության պետի տեղակալ պրն Արթուր Օսիկյանը։

Ռ.ՄՈՒՐԱԴՅԱՆ

-Պրն Օսիկյան, իմ հարցը վերաբերում է վթարից հետո ապահովագրական ընկերությունների գնահատման գործընթացին։ Որքանո՞վ է օբյեկտիվ, որ այդ չափերը, վնասի չափը գնահատվի նույն ընկերության կողմից, ով փոխհատուցելու է այդ վնասը, որովհետեւ կան դեպքեր, երբ գնահատումը կատարվում է ի օգուտ իրենց։ Նաեւ, տվյալ պահին, երբ կատարվում է գնահատումը, ի՞նչ ձեւով է հաշվարկվում՝ շուկայական գներով, թե՞ որպես նոր ապրանքատեսակ, ասենք, խանութի գներով։ Այսպիսի խնդրի շուրջ նաեւ ունեցել եմ հարցադրումներ քաղաքացիների կողմից։

2-րդ հարցը վերաբերում է օրենքի 3-րդ հոդվածի 5-րդ կետին, որտեղ ասվում է, որ 8-րդ մասը ուժը կորցրած ճանաչել։ Իսկ 8-րդ մասում ասված է, որ ԱՊՊԱ պայմանագիրը եւ կտրոնը, ինչպես նաեւ դրանց ձեւաթղթերը խիստ հաշվառման փաստաթղթեր են։ ԱՊՊԱ պայմանագրի եւ կտրոնի ձեւաթղթերը իր անդամ ապահովագրական ընկերություններին տրամադրում է բյուրոն։ Բյուրոն կարող է ԱՊՊԱ պայմանագրի կամ կտրոնի ձեւաթղթերը տրամադրել միայն իր անդամ ապահովագրական ընկերություններին։ Այսինքն՝ միգուցե խոսքը վերաբերում է միայն կտրոնին, թե՞ այլեւս ԱՊՊԱ այդ պայմանագրերի ձեւաթղթերը չեն տրամադրվում բյուրոյի կողմից։ Ինչպե՞ս հասկանալ, որ ամբողջ կետն եք ասել ուժը կորցրած ճանաչել։ Շնորհակալություն։

Ա.ՕՍԻԿՅԱՆ

-Շնորհակալություն։ Մենք մեկ այլ հոդվածով սա կարգավորված ունենք, բայց բոլոր դեպքերում մեկ անգամ եւս կնայենք։ Հարցադրումը տեղին է։ Եթե մեկ այլ հոդվածով նմանատիպ դրույթ նախատեսված չլինի, ապա մենք ձեր առաջարկությունը հիմք կընդունենք, 1-ից 2-րդ ընթերցման ժամանակ հաշվի կառնենք։

Ինչ վերաբերում է գնահատմանը, ապա կարծում եմ դա այլ հարաբերությունների կարգավորման դաշտում է գտնվում։ Բայց բոլոր դեպքերում գնահատումն իրականացվում է փորձագետի կողմից համապատասխան գոյություն ունեցող չափանիշներին։ Եվ չեմ կարծում, որ այստեղ որեւէ կամայականության խնդիր կա։ Եթե լինում են որոշակի դժգոհություններ, ապա բոլոր դեպքերում վարորդները կամ մյուս կողմը վարույթի իրավունք ունի պահանջել նոր փորձաքննություն կամ նոր գնահատում։ Կարծում եմ սա ավելի շատ փորձագիտական դաշտում է եւ փորձագետի կողմից գնահատման հանգամանքով է պայմանավորված։

Բոլոր դեպքերում հարցի համար շնորհակալ եմ։ Մեկ անգամ եւս կփորձենք մենք բյուրոյում նամանատիպ խնդիրները բարձրացնել առաջիկա նիստերից մեկի ժամանակ։

Է.ՇԱՐՄԱԶԱՆՈՎ

-Արձագանքման համար՝ Ռուզաննա Մուրադյան։

Ռ.ՄՈՒՐԱԴՅԱՆ

-Պրն Օսիկյան, ես ուզում էի ճշտել՝ փորձագիտական խումբը մտնու՞մ է ձեր օրենքում թվարկած այդ կառույցներից որեւէ մեկի մեջ, թե՞ դա առանձին անկախ խումբ է։

Ա.ՕՍԻԿՅԱՆ

-Այո, անկախ փորձագետ է։ Բնական է, եթե լինի շահերի բախում, այստեղ որեւէ մեկը չի կարող հիմք ընդունել։ Այստեղ անկախ փորձագետի գնահատում է։ Այլ բան է չափանիշները կամ մոտեցումները, որոնք ընդհանուր են։ Բայց բոլոր դեպքերում հարցը քննարկման առարկա դարձնելը ճիշտ կլինի։ Շնորհակալություն։

----

Ռ.ՄՈՒՐԱԴՅԱՆ

-Պրն Օսիկյան, ես ուզում եմ քաղաքացիություն ստանալու մասին 13-րդ հոդվածի մի դրույթի մասին խոսել, որտեղ ասվում է, որ ՀՀ քաղաքացիություն ստանալու դիմումը մերժվում է, եթե տվյալ անձը իր գործունեությամբ վնասում է պետական եւ հասարակական անվտանգությանը, հասարակական կարգին, հանրության  առողջությանը եւ բարքերին, այլոց ազատություններին եւ իրավունքներին, պատվին եւ բարի համբավին։ Արդյոք շատ չի՞ վերացական ձեւակերպված կամ դա ինչպե՞ս է չափվելու։ Միգուցե ասեք ինչքանո՞վ է չափելի դա եւ պե՞տք է նշվի նաեւ տվյալ պահին կամ որոշակի ժամանակահատվածում, որովհետեւ դա հասկանալի չի ամբողջ կյանքի համար է, թե՞ ինչպես։ Շնորհակալություն։

Ա.ՕՍԻԿՅԱՆ

-Շնորհակալություն։ Կարծում եմ շատ հստակ է եւ համապատասխան իրավասու մարմիններն ունեն որոշակի գործառույթներ, ունեն իրենց պարտականությունները եւ, եթե կան նման հանգամանքներ, ընդ որում, այդ ձեւակերպումները նաեւ ամրագրված են Սահմանադրությամբ, ապա այն մարմինները, որոնք զբաղվում են կամ որոշակի եզրակացություններ են տալիս այս դեպքերում, ապա քաջատեղյակ են եւ ամեն կոնկրետ դեպքում բավարար է, որպեսզի կարողանան իրենց եզրակացությունը ձեւակերպեն։ Կարծում եմ բավարար է։

Է.ՇԱՐՄԱԶԱՆՈՎ

-Արձագանքման համար՝ Ռուզաննա Մուրադյան։

Ռ.ՄՈՒՐԱԴՅԱՆ

-Շնորհակալություն։ Բայց նկատի ունեմ այդ ամբողջը որեւէ ժամանակահատվածի ուսումնասիրության արդյունքու՞մ պիտի լինի, թե՞ ընդհանրապես։ Սա չի հասկացվում։ Ընդհանրապես, եթե նման խախտում կա, ապա ե՞րբ։ Քաղաքացու դիմումը տալուց հետո, առաջ, դրանից վեց ամիս առաջ, վեց ամիս հետո, ե՞րբ։

Ա.ՕՍԻԿՅԱՆ

-Բնական է եզրակացություն տալու պահին, եթե տվյալ անձը քաղաքացիություն ստանալով կարող է վնասել հասարակական, պետական անվտանգությունը, ապա այդ պահի դրությամբ եզրակացություն տալու պահի դրությամբ։

Է.ՇԱՐՄԱԶԱՆՈՎ

-Տիկին Մուրադյան, մենք գնահատում ենք ձեր ակտիվությունը։ Դուք ելույթի հնարավորություն կունենաք, այնուհետեւ մինչ այդ էլ հարակից զեկուցողին կարող եք հարց ուղղել։ Ես նաեւ գնահատում եմ, որ այսօր քաղաքական մեծամասնությունը, ինչպես միշտ, շատ ակտիվ է աշխատում։ Ա

ԱՆԳԱՄ ՇԱՏ ԳՈՒՄԱՐՆԵՐԻ ԴԵՊՔՈՒՄ ՄԱՐԴԻԿ ՉԵՆ ԿԱՐՈՂ ՈՉ ԳՆԵԼ ԱՆՑՅԱԼԸ, ՈՉ ԷԼ ԽՄԲԱԳՐԵԼ

Եթե հետեւենք վերջերս փողոցներում տեղի ունեցող իրադարձություններին ու զարգացումներին, ապա կհասկանանք, որ գնալով հայ ազգը կորցնում է դարերի խորքից եկած իր ինքնատիպությունն ու սեփական դիմագիծը: Երիտասարդ աղջիկները զբաղվում են ինքնապախարակմամբ ու սոցիալական ցանցերով տարածում են սեփական անձի վերաբերյալ նեղ անձնական կյանքից տարբեր մանրամասներ, կարծես դրանով եւս մեկ անգամ ապացուցելով իրենց անճարությունն ու անկարողությունը:

Իզուր չեն ասում, որ երեխային դեռ օրորոցից է պետք դաստիարակել: Որոշ ծնողներ էլ կասեն, թե նամուսով աղջիկ ունեն, թե որ իրենք ադաթով շարժվող ընտանիք են եւ նմանատիպ այլ բաներ: Սակայն արի ու տես, որ նույն ադաթավոր ու իբր պարկեշտ աղջիկը ընկնելով անհասկանալի ծագումնաբանություն ունեցող  շրջապատ ու գայթակղվելով եւվրոստանդարտների բարքերով, փողոցում նստած, ամոթը կորցրած կարդում է այնպիսի հայտարարություններ, որ անգամ իրենց փոխարեն ամաչելով՝ ստիպված մեջբերում ենք. ՛՛Ուզում եմ՝ ինձ չասեն գնամ կոֆե դնեմ: Ուզում եմ բարձր ձայն հանել սեքսի ժամանակ, առանց անբարոական պիտակվելու՛՛ եւ այլն:

Դրսից հովանավորվող ֆեմինիստական շարժման դրսեւորումների մասին զրուցեցինք ԱԺ ՀՀԿ խմբակցության անդամ Ռուզաննա Մուրադյանի հետ:

՛՛ Ես ընդհանրապես  կողմնակից եմ պրոֆեսիոնալական շարժմանը,  եւ բոլորվին չեմ ուզում այդ պրոֆեսիոնալիզմի մեջ տեսնել, այսպես կոչվող,  սեռը: Հետեւաբար սեռի ծայրահեղացումը չեմ կարծում, որ կարող է շատ լավ ազդեցություն  ունենալ: Առավել կողմնակից եմ նրան, որ մարդուն դիտարկենք որպես ռեսուրս, որպեսզի մենք հենվենք նրա պրոֆեսիոնալիզմի վրա, որպեսզի նրան տեսնենք որպես պրոֆեսիոնալ մեկը, որը կկարողանա մասնակցել երկրի զարգացմանը, մասնակցի իր կարողությունների իրացմանը: Եթե մենք առանձնացնենք կանաց մի շարժում, հետո տղամարդկանց շարժում,  հասարակությունը պետք է տարանջատենք, որը չեմ կարծում լավագույն պայքարի միջոցներից է: Կարծում եմ. որ մեր ազգային հոգեկերտվածքը մեզ թույլ չի տալիս, որ մենք այսքան ծայրահեղանանք այս նույն սեռերի հարցում: Ինչ խոսք, ընդունում եմ, որ գենդերային խդիրներ կան: Սակայն գենդերային քաղաքականությունը ավելի լավացնելու, որոշ ոլորտներում կանանց թիվը ավելի մեծացնելու հարցում, պետք չէ դնել ու ամեն ինչ այսչափ ծայրահեղացնել, որովհետեւ մեր հոգեկերտվծքից մենք  կշեղվենք:

Երիտասարդությանը մենք պետք է զինենք ավելի առաջնորդության գիտելիքներով, որն իր մեջ ներառում է անձի ինքնակառավարումը, մարդու ուժեղ կողմերի վերհանումը: Երբ մենք երիտասարդին սովորեցնենք դեռ փոքր տարիքից կարողանալ ճիշտ կառավարել իր անձը, կարողանալ ճիշտ նպատակներ սահմանել, նաեւ ճիշտ ծրագրեր կազմել իր նպատակներին հասնելու ուղղությամբ, ապա յուարքանչյուր երիտասարդ՝ դա լինի կին, թե տղամարդ, երիտասարդ տղա թե աղջիկ, կկարողանա կյանքում հստակ դնել նպատակներ ու փորձել հստակ իրացնել դրանք:

ՍՈՍԵ ՉԱՆԴՈՅԱՆ

http://www.iravunk.com/index.php?option=com_content&view=article&id=5865:2013-03-21-10-20-26&catid=41:lurer&Itemid=57

«Չկա մի ոլորտ, որտեղ մենք չունենանք հաջողություններ». ՀՀԿ պատգամավոր

Նախընտրական շրջանում տեղի նախագահի թեկնածուներից մեկի՝ ԱԻՄ առաջնորդ Պարույր Հայրիկյանի դեմ կատարված մահափորձի, քարոզարշավի ընթացքի, Սերժ Սարգսյանի՝ ընտրողների հետ հանդիպումների վերաբերյալ ԳԱԼԱ-ն զրուցել է ՀՀԿ խմբակցության պատգամավոր Ռուզաննա Մուրադյանի հետ:

-Տիկին Մուրադյան, ինչպե՞ս կգնահատեք քարոզարշավի ընթացքը, ըստ Ձեզ, ինչո՞ւ այն խաթարվեց մահափորձով:

-Քարոզարշավն անցնում է գաղափարային պայքարի շրջանակներում: Յուրաքանչյուր թեկնածու ներկայացնում էր իր տեսակետը, գաղափարը: Օրինակ՝ Հրանտ Բագրատյանը առավել շատ ներկայացնում էր իր տնտեսական բարեփոխումների ծրագիրը՝ մեջբերելով թվեր ու փաստեր, Պարույր Հայրիկյանը հիմնականում ազգային ինքնորոշման ուղիներն էր ներկայացնում, Րաֆֆի Հովհաննիսյանի ծրագրի հիմքում իրավական-սահմանադրական ոլորտն էր, ակտիվ քաղաքացու գաղափարը, դե իսկ Սերժ Սարգսյանի ծրագրի հիմքում ապահով Հայաստան ունենալու գաղափարն էր: Այնպես որ, գնում էր գաղափարական պայքար, ու չկար լարված պայքարի մեկ այլ վիճակ, որի արդյունքում նման մահափորձ իրականացվեր կամ այլ հետևեություններ անեինք: Հետևաբար, որևէ վարկած որևէ մեկն առաջ քաշել չի կարող: Իրավապահ մարմինները կզբաղվեն այդ հարցով: Կարծում եմ՝ Պարույր Հայրիկյանի առողջությունը կվերականգնվի, և ոչ մի բան չի խաթարի ընտրությունների բնականոն ընթացքը:

-Այս մահափորձը ինչպե՞ս կազդի Հայաստանի վարկանիշի վրա:

- Թե հիմա ինչ գնահատականներ կտան միջազգային կառույցները, չեմ կարծում, որ դա պետք է որակվի որպես ՀՀ ընտրական գործընթացի ձախողում, բայց այդ մահափորձը չի կարող չազդել մեր երկրի ընդհանուր քաղաքական զարգացումների վրա, որովհետև այդ մահափորձն ուղիղ ուղղված էր մեր իշխանությունների ու մեր պետականության, ինչու չէ՝ մեր ժողովրդի դեմ:

-Ի՞նչ նկատի ունեք՝ ասելով, որ այն ուղղված էր մեր իշխանությունների դեմ:

-Որովհետև ուզեցին խանգարել այսքան բնականոն ու խաղաղ ընթացող ընտրական գործընթացը, մի բան, որին հակված են եղել իշխանությունները, որ մեկ աստիճանով ավելի քաղաքակիրթ ընտրություններ կազմակերպվեն:

-Տիկին Մուրադյան, ցանկացած համապետական ընտրություններից առաջ, ընթացքում և հետո, երբ աղմկոտ իրադարձություն է տեղի ունենում, սովորաբար շատերը հակված են լինում մտածել, որ դա հատուկ էր կազմակերպված՝ մարդկանց ուշադրությունը շեղելու համար: Իսկ դուք ի՞նչ եք կարծում:

-Քանի դեռ բացահայտված չէ այդ մահափորձը, մենք չենք կարող նման հետևություններ անել:

-Այնուամենայնիվ, իշխանությունների համար խնդիր է՝ հնարավորինս վերացնել ընտրությունների հանդեպ քաղաքացիների անտարբերությունը: Կարո՞ղ է այս միջադեպն աշխուժություն մտցնել ընտրությունների հանդեպ:

-Ես չեմ կարծում, որ այդքան թանկ միջոցներ պետք է օգտագործվեր ժողովրդի հետաքրքրությունը գրավելու համար: Իմ կարծիքով ժողովուրդը հետաքրքրված է ընտրություններով: Դա ցույց է տալիս Հանրապետական կուսակցության թեկնածուի՝ Սերժ Սարգսյանի հանդիպումները, որովհետև դրանք անցնում են բուռն, շատ ակտիվ, հարց ու պատասխանի միջոցով, մարդիկ էլ շատ հետաքրքրված են, գալիս են հույսով: Եվ վերը հնչեցված գնահատականի հետ ես համաձայն չեմ, որ անտարբերության հարցը լուծելու սուր խնդիր կա դրված, որովհետև մարդիկ գիտակցում են, որ տրված է լավ հնարավորություն լավացնելու իրենց կյանքը առաջիկա 5 տարիներին:

Ինչպե՞ս եք գնահատում Սերժ Սարգսյանի հանդիպումները քաղաքացիների հետ, որի ընթացքում հնչում են նաև  հանդիմանություններ՝ ուղղված այն քաղաքացիներին, որոնք դժգոհում են ու խնդիրներից են խոսում:

-Սերժ Սարգսյանի հանդիպումները քաղաքացիների հետ ընթանում են բացառապես անկաշկանդ մթնոլորտում, և մարդիկ եթե ասելիք ունեն, ասում են իրենց ասելիքը: Մարդիկ շատ հետաքրքրված են ուզում են ծանոթանալ ծրագրային դրույթների հետ, որպեսզի համոզվեն՝ արդյոք իրենց երազանքները ներառված են այդտեղ թե ոչ:Ինչ վերաբերում է հանդիմանություններին, ապա միջոցառման ժամանակ տեղին չէր, որ կինը եկել էր ու լաց էր լինում: Չէ՞ որ կարելի է ասել, որ մեր քաղաքացիներն էլ չեն կարողանում երբեմն օգտագործել ժամանակը, տեղը, հնարավորությունը՝ ճիշտ հարցը բարձրացնելու համար:Այսինքն երկու կողմից պետք է նայել: Ինչևէ՝ նորմալ է, դա էլ կարող է լինել: Հնարավոր չէ, որ մեր բոլոր խնդիրները միանգամից լուծված լինեին, հետո որոշեինք՝ մենք շարունակում ենք սատարել գործող նախագահին, թե ոչ:

-Ինչո՞ւ գործող նախագահի քարոզարշավի համար ընտրվեց լսարանային ֆորմատը, մանավանդ որ ոչ բոլոր քաղաքացիներն են կարողանում ներկա լինել այդ հանդիպումներին:

-Լսարանային ֆորմատն է ընտրվել, որովհետև նախագահի անձը ներկայացնելու խնդիր չկա, քանի որ ճանաչելիության խնդիր չկա, իսկ լսարանային ձևը օգնում է ավելի մոտիկից հարաբերվել: Բանկանաբար տեղերի թիվը սահմանափակ է, բայց եթե մարդը ունի ցանկություն, ունի հարց, ապա հնարավոր չէ, որ նրան չընդգրկեն այդ լսարանում:

-Գործող նախագահի համար հոգեբանորեն դժվար չէ՞ մասնակցել այս քարոզարշավին, այն առումով, որ նրանից մարդիկ պահանջելու են հաշվետվություն՝ ինչ է արել անցած 5 տարիների ընթացքում:

-Միշտ աշխատող մարդուն են գնահատում: Նախագահի պարագայում, ոչ թե մտավախությամբ, այլ հույսով ենք մասնակցում Սերժ Սարգսյանի քարոզարշավին, քանի որ նա մասնակցում է շատ ու շատ բաներ կատարած մարդու հոգեբանությամբ:Մենք բոլոր ոլորտներում ունենք առաջընթաց: Խնդիրներն էլ տեսանելի են ու բացահայտված գործող նախագահի կողմից: Մենք մեծ հաջողություններ ենք արձանագրել կրթության, սոցիալական ապահովության, առողջապահության, քաղաքաշինության ոլորտներում: Չկա մի ոլորտ, որտեղ մենք չունենանք հաջողություններ:

-Աբովյանում քարոզարշավի ժամանակ գործող նախագահը նշեց, որ խնդիրները հեշտ կլուծվեն, եթե միջավայրը թույլ տա: Ի՞նչ է նկատի ունեցել Սերժ Սարգսյանը:

Ցանկացած խնդիր ունի երկու կողմ, խնդիրները միայն նախաձեռնողի միջոցով չպետք է լուծվեն, այլ նաև մեր արձագանքի միջոցով:Երբևէ քաղաքացիական հասարակության մասնակցությունը պետական որոշումների կայացմանը այսքան բարձր մակարդակի վրա չի եղել: Դրա մասին են վկայում միջազգային շատ ու շատ զեկույցներ: Ոչ ոք չի ասում, որ խնդիրներ չկան. կա աղքատություն, կա արտագաղթ: Բայց այդ խնդիրները նոր չեն առաջացել չէ: Այդ խնդիրները եղել են դեռ անկախության տարիներից սկած: Եթե լուծվի ապահով Հայաստանի խնդիրը, մարդիկ չեն արտագաղթի: Իսկ միջավայրի առումով, երբ նախագահը հանդիպեց տարբեր գերատեսչությունների ղեկավարների հետ, նա ասաց, որ հենց ինքն է ուզում, ինքն է նախաձեռնում, որ թերություններ չլինեն, բայց այդ ամենը շատ արագ չի կարող լուծվել:

-Տիկին Մուրադյան, ո՞րն է Ձեր պատկերացմամբ ապահով Հայաստանը:

-Իմ ապահով ընտանիքն է, իմ ապահով սահմանները, իմ երեխանի ապահով ապագան է ու իմ ծնողների ապահով ծերությունն է: Մարդն է, որի կյանքը պետք է լինի բարեկեցիկ:

Մելանյա Մելքումյան

Նյութի աղբյուրը՝ http://www.galatv.am/news/view/item_585205.html

2.02.2013 | 14:01