Գալուստ Սահակյանի առաջադրումը ԱԺ նախագահի պաշտոնում ընդհանուր հաջողություն է ամբողջ ժողովրդի համար. Ռուզաննա Մուրադյան

 12:38 • 27.04.14

Ազգային ժողովի «Հանրապետական» խմբակցության պատգամավոր Ռուզաննա Մուրադյանը կարծում է, որ Ազգային ժողովի նախագահի պաշտոնը եթե զբաղեցնի նույն խմբակցության ղեկավար, Հայաստանի Հանրապետական կուսակցության փոխնախագահ Գալուստ Սահակյանը, ապա դրանից ժողովուրդը միայն կշահի:

«Ես կարծում եմ, որ դա ի նպաստ է լինելու ժողովրդի և ԱԺ-ում առկա բոլոր խմբակցությունների, որոնց կողմից, կարծում եմ, ամենաընդունելի թեկնածուներից մեկն է»,-նման կարծիք Ռուզաննա Մուրադյանը հայտնեց Tert.am-ի հետ զրույցում:

Հիշեցնենք, որ երեկ ՀՀԿ Գործադիր մարմնի նիստից հետո Հայաստանի Հանրապետական կուսակցության խոսնակ, ԱԺ նախագահի պաշտոնակատար Էդուարդ Շարմազանովը լրագրողներին տեղեկացրել էր, որ ԱԺ նախագահի պաշտոնում կուսակցության նախագահի առաջարկով առաջադրվել, ապա ՀՀԿ խորհրդի նիստի միաձայն հավանությանն է արժանացել «Հանրապետական» խմբակցության ղեկավար Գալուստ Սահակյանի թեկնածությունը:

Ռուզաննա Մուրադյանը, ի պատասխան մեր այն դիտարկմանը, որ Գալուստ Սահակյանն իր հարցազրույցներից մեկում խոստացել է ԱԺ նախագահ դառնալու դեպքում լինել ավելի զգայուն ու ավելի լավը, ասաց. «Գալուստն ավելի լավ դառնալու տեղ չունի, որովհետև ինքը շատ լավն է: Հանրապետական կուսակցության խորհրդի նիստում բոլորը միաձայն հավանություն տվեցին նրա թեկնածությանը: Մենք էլ ենք շատ ուրախ այդ առիթով, ու սա ապացույց է, որ մարդու վաստակը, փորձառությունը, նրա մեծ արժեք լինելը գնահատվում է և պետք է ծառայեցվի ժողովրդին»,-ասաց նա և ընդգծեց, որ Գալուստ Սահակյանի առաջադրումը համարում է ընդհանուր հաջողություն ամբողջ ժողովրդի համար:


 http://www.tert.am/am/news/2014/04/27/ruzanna-muradian/

Գալուստ Սահակյանի առաջադրումը ԱԺ նախագահի պաշտոնում ընդհանուր հաջողություն է ամբողջ ժողովրդի համար

Ազգային ժողովի «Հանրապետական» խմբակցության պատգամավոր Ռուզաննա Մուրադյանը կարծում է, որ Ազգային ժողովի նախագահի պաշտոնը եթե զբաղեցնի նույն խմբակցության ղեկավար, Հայաստանի Հանրապետական կուսակցության փոխնախագահ Գալուստ Սահակյանը, ապա դրանից ժողովուրդը միայն կշահի:
«Ես կարծում եմ, որ դա ի նպաստ է լինելու ժողովրդի և ԱԺ-ում առկա բոլոր խմբակցությունների, որոնց կողմից, կարծում եմ, ամենաընդունելի թեկնածուներից մեկն է»,-նման կարծիք Ռուզաննա Մուրադյանը հայտնեց Tert.am-ի հետ զրույցում:

Հիշեցնենք, որ երեկ ՀՀԿ Գործադիր մարմնի նիստից հետո Հայաստանի Հանրապետական կուսակցության խոսնակ, ԱԺ նախագահի պաշտոնակատար Էդուարդ Շարմազանովը լրագրողներին տեղեկացրել էր, որ ԱԺ նախագահի պաշտոնում կուսակցության նախագահի առաջարկով առաջադրվել, ապա ՀՀԿ խորհրդի նիստի միաձայն հավանությանն է արժանացել «Հանրապետական» խմբակցության ղեկավար Գալուստ Սահակյանի թեկնածությունը:

Ռուզաննա Մուրադյանը, ի պատասխան մեր այն դիտարկմանը, որ Գալուստ Սահակյանն իր հարցազրույցներից մեկում խոստացել է ԱԺ նախագահ դառնալու դեպքում լինել ավելի զգայուն ու ավելի լավը, ասաց. «Գալուստն ավելի լավ դառնալու տեղ չունի, որովհետև ինքը շատ լավն է: Հանրապետական կուսակցության խորհրդի նիստում բոլորը միաձայն հավանություն տվեցին նրա թեկնածությանը: Մենք էլ ենք շատ ուրախ այդ առիթով, ու սա ապացույց է, որ մարդու վաստակը, փորձառությունը, նրա մեծ արժեք լինելը գնահատվում է և պետք է ծառայեցվի ժողովրդին»,-ասաց նա և ընդգծեց, որ Գալուստ Սահակյանի առաջադրումը համարում է ընդհանուր հաջողություն ամբողջ ժողովրդի համար:

http://www.tert.am/am/news/2014/04/27/ruzanna-muradian/

Խելացի ու ճիշտ քաղաքականություն վարելու համար պետք է սիրել մարդկանց

 «Դե Ֆակտո» N 94 (2014թ.)

2014-04-25 14:59

ԱԺ Հանրապետական կուսակցության  պատգամավոր,
մանկավարժական գիտությունների թեկնածու` Ռուզաննա Մուրադյան։

- Տիկի’ն Մուրադյան, երկար տարիներ Ձեզ նվիրել եք մանկավարժական գործունեությանը։ Ի՞նչը  Ձեզ ստիպեց զբաղվել քաղաքականությամբ։

-1985 թվականին ավարտելով Խ.Աբովյանի անվան Հայկական պետական մանկավարժական ինստիտուտի  ֆիզիկայի ֆակուլտետը՝ անմիջապես անցել եմ աշխատանքի դպրոցում նախ՝ որպես ուսուցիչ, այնուհետև՝ որպես ուսմասվար։ Իսկ վերջին տասներեք տարիներին ղեկավարել եմ Երևանի Գր. Զոհրապի անվան հ. 43 ավագ դպրոցը։ Մասնակցել եմ տարբեր միջազգային կրթական ծրագրերի և կրթական ոլորտում հանդես եկել մի շարք նախաձեռնություններով։  2002թ.-ին պաշտպանել եմ գիտական թեզը՝ ստանալով մանկավարժական գիտությունների թեկնածուի գիտական աստիճան, մի շարք գիտամեթոդական հոդվածների, գրքերի, մեթոդական ուղեցույցների և ձեռնարկների հեղինակ եմ։ 2006թ. ճանաչվել եմ տարվա լավագույն տնօրեն։ Հիմնադրել եմ  “Կրթություն առանց սահմանի” հասարակական կազմակերպությունը, որի միջոցով իրականացրել եմ բազմաթիվ կրթական ծրագրեր՝ ի նպաստ Հայաստանում ընթացող կրթական բարեփոխումներին։  2011 թվականից ղեկավարում եմ “Դպրոց-կենտրոնների միություն” իրավաբանական անձանց միությունը, որը համագործակցության ցանց է ՀՀ բոլոր մարզերի դպրոցների միջև և գործուն հարթակ  Հայաստանում առկա առաջավոր փորձի տարածման, միջազգային լավագույն  փորձի ներդրման, մանկավարժների մասնագիտական կարիքների բավարարման, ինչպես նաև կրթական համակարգում առկա խնդիրների վերհանման, արձագանքման և լուծման համար։ Բացի հասարակական աշխատանքից՝ քաղաքական գործունեությամբ զբաղվել եմ դեռևս 2004թ.-ից՝ ղեկավարելով  ՀՀԿ Կանանց խորհրդի գաղափարա-քարոզչական հանձնախումբը։ 

 Հաջողության կարող են հասնել այն քաղաքական գործիչները, որոնց գործողություններըհամահունչ են ժամանակի պահանջներին։

- Ինչպես ասում են՝ քաղաքականությունը չի կարող գործառել առանց որևէ բարոյական հիմքի։ Ի՞նչսկզբունքներով եք Դուք առաջնորդվում քաղաքականության մեջ։

-Քաղաքական գործունեությամբ զբաղվելը պետության ամրապնդմանը, կայացմանը, զարգացմանը  անմիջական մասնակիցը լինելու հնարավորություն է։ Քաղաքական գործչի առաջնահերթ խնդիրն է՝ իմանալ, հասկանալ և կռահել դեպքերի զարգացման ընթացքը,  որի հիմքում մարդն է։ Խելացի ու ճիշտ քաղաքականություն վարելու համար բավական չէ մարդկանց իմանալ, պետք է սիրել նրանց, իսկ սերը հենց բարոյականության հիմքն է։  Եվ, իհարկե, ինչպես ասել է Ժան Ժակ Ռուսոն “Այն ամենը, ինչ բարոյական չարիք է, չարիք է նաև քաղաքականության մեջ”։

- Բնավորության ի՞նչ գծեր ավելացան կամ Ձեր մեջ բացահայտեցիք պատգամավոր ընտրվելուց հետո։

-Ես համաձայն չեմ, որ մարդու բնավորությունը փոխվում է կյանքի ընթացքում։ Ընդհանրապես, վերլուծելով իմ անցած ճանապարհը, ընկերներս նշում են, որ ինչպես որ ակտիվ էի որպես դպրոցի տնօրեն, մանկավարժ, այնպես էլ ակտիվ եմ հիմա՝ որպես պատգամավոր։ Պատգամավորների աշխատանքները վերլուծվում և գնահատվում  www.parliamentmonitoring.am կայքում, և ինձ համար մեծ պատիվ է, որ այդ գնահատման արդյունքում ես  ամենաակտիվ պատգամավորների տասնյակում եմ։ 

Ես հպարտ  ու երջանիկ եմ իմ ընտանիքով։

- Ինչպիսի՞ն է Ռուզաննա Մուրադյանը ընտանիքում։ Արդյո՞ք հասցնում եք բավարար ժամանակհատկացնել ընտանիքին։

-Ընտանիքն այն միջավայրն է, որտեղ ես լիարժեք  հանգստանում եմ, ստեղծագործում եմ, ինչպես նաև փորձում եմ ժամանակ գտնել լավ կատարել իմ դերը և′ որպես կին, և′ որպես մայր ու տատիկ։ Ընտանիքում անցկացրած ժամանակահատվածը ինձ համար օրվա մեջ ամենասպասված ժամանակն է։ Ես հպարտ  ու երջանիկ եմ իմ ընտանիքով, որտեղ տիրում է սեր, նվիրվածություն, հարգանք ու հոգատարություն միմյանց նկատմամբ։ Իսկ թոռնիկներս՝ Նարեկը, Դավիթը և Աշոտը, բոլորովին այլ երանգ են հաղորդում իմ երջանկությանը։

 -Ի՞նչ կմաղթեք հայ կանանց։

-Ասում են՝ չկա ավելի հեշտ բան, քան սովորական կնոջը բացառիկ դարձնելը։ Բավական է սիրել նրան։ Ցանկանում եմ, որ բոլոր կանայք լինեն սիրված ու բացառիկ։

Հարցազրույցը՝ Լուսինե Հովհաննիսյանի

ՀՌԱՀ-Ը ՀԱՄ ՁԱՆՁՐԱՑՐԵՑ ՀԱՄ ՆՅԱՐԴԱՅՆԱՑՐԵՑ ՊԱՏԳԱՄԱՎՈՐՆԵՐԻՆ

Ապրիլի 23-ին  ԱԺ Կրթության գիտության, սպորտի, երիտասարդության եւ մշակույթի հանձնաժողովի նիստում տեղի ունեցավ սուր քննարկում հեռուստառադիոյի ազգային հանձնաժողովի 2013 թվականի հաշվետվության վերաբերյալ:

Նախ հանձնաժողովի նախագահ Գագիկ Բունիաթյանը որոշեց կարդալ իր ամբողջ հաղորդումը, որը տպագիր տեսքով բաժանված էր պատգամավորներին: Մի քանի րոպե լսելուց հետո հանձնաժողովի անդամներն արդեն ձանձրացան, իսկ ԱԺ հանձնաժողովի նախագահ Արտակ Դավթյանը ընդհատեց Բունիաթյանին նշելով, որ այն ինչ նա կարդում է, բոլորի առջեւ դրված է եւ թերեւս կարելի է անցնել հարց ու պատասխանի: Սակայն այս փուլում եւս հանձնաժողովի նախագահից որեւէ ինֆորմացիա ստանալը բավականին դժվար էր, քանի որ պարոն Բունիաթյանը չէր կարողանում հստակ տրված հարցերին տալ հստակ պատասխան: Այսպես պատգամավոր Ռուզաննա Մուրադյանի այն հարցին, թե ի՞նչ է փոխվել ոլորտում եւ ՀՌԱՀ աշխատանքում նախորդ տարվա համեմատ, Բունիաթյանը միայն նշում էր <շատ բան>, իսկ թե հատկապես ի՞նչ, այդպես էլ պարզ չդարձավ ոչ մեկին: Մի քանի անգամ նույն հարցը տարբեր ձեւերով կրկնելուց հետո Ռ. Մուրադյանը նկատելով, որ չի ստանում իր հարցի պատասխանը ստիպված եղավ ընդհատել Բունիաթյանին: Անգամ այս դեպքում ԱԺ հանձնաժողովի նախագահ Ա. Դավթյանի նույն հարցի նոր ձեւակերպումը, թե ինչով է պարոն Բունիաթյանի այս տարվա հաշվետվությունը տարբերվում նախորդ տարվանից դա էլ չփրկեց պարոն Բունիաթյանին:

ԱԺ-ում ՀՌԱՀ նախագահ Գագիկ Բունիաթյանը սազը ձեռքին գովք էր անում հեռուստառադիո-ընկերություններում գովազդի պուպուշ լինելու հանգամանքը, նշելով, որ որեւէ անբարեխիղճ գովազդ չի հնչել եթերում: Սրա հետ կապված, ԱԺ ՀՀԿ-ական պատգամավոր Ռուզաննա Մուրադյանը հարց ուղեց ՀՌԱՀ նախագաին ճշտելու, թե երբ է վերանալու հեռուստատետեսությամբ հեռարձակվող լոտո-աշխատավարձի այն գովազդը, ըստ որի մարդկանց դրդում են չաշխատելու եւ աշխատավարձ ստանալու.«Ի՞նչ է սա նշանակում, մարդկանց անգործությա՞ն եք տանում: Այս կերպ աշխատավարձ բառը արժեզրկում են»: ՀՌԱՀ նախագահը շտապեց տեղեկացնելու, որ այդ գովազդն արդեն դուրս է եկել եթերից եւ գովազդի ձեւը փոխվել է. «Օրենքի խախտում չկա, այլ միայն բարոյական խնդիր էր, մեզ լսեցին եւ հոլովակը փոխեցին, կոմպրոմիսային տարբերակ գտանք»:

Նմանատիպ բախտի արժանացան ներկա պատգամավորների այլ հարցերը, իսկ հարակից զեկուցող Հայկ Բաբուխանյանը նշեց, որ ՀՌԱՀ-ի կողմից ԱԺ-ին ներկայացրած տարեկան հաշվետվությունը չափից շատ սեղմ է, չի բացահայտում թե ինչպիսի քաղաքականություն է իրականցնում իր ոլորտում ՀՌԱՀ-ն, ինչպիսի օրենսդրական նախաձեռնություններ է մշակում եւ ընդհանրապես ՀՌԱՀ-ի հաղորդումը եւ այսօրվա քննարկումները բազմաթիվ հարցեր բաց թողեցին: Հայկ Բաբուխանյանը նշեց, որ ՀՌԱՀ-ն պետք է բարելավի իր աշխատանքը հասարակական կառույցների հետ եւ ոչ թե մեկուսանա նրանցից:

Մի խոսքով այն տպավորությունը ստեղծվեց, որ ՀՌԱՀ-ն ողջ տարվա ընթացքում մի երեք-չորս լիցենզիայի հարց է լուծել եւ մի երկու դատավարության մասնակցել: Արդյոք նման գործառույթ իրականացնելու համար մեր բազմաչարչար բյուջեի փխրուն ուսերին պետք է նստացնել մի հսկայական կառույց իր անդամներով, սպասարկող անձնակազմով, քարտուղարուհիներով ու վարորդներով եւ այլն: Չէ որ այսպիսի գործառույթ հաջողությամբ կարող էր իրականացնել ասենք տրանսպորտի եւ կապի նախարարությունում մի փոքրիկ բաժին:

Ա. ՀԱԿՈԲՅԱՆ

Նյութի աղբյուրը՝ http://www.iravunk.com/index.php?option=com_content&view=article&id=15578%3A2014-04-23-12-42-37&catid=41%3Alurer&Itemid=57

Սեմինար մանկավարժների հետ կրթության օրենսդրության վերաբերյալ

Ապրիլի 21, 2014թ.

Հանրակրթական ուսումնական հաստատության ղեկավարման իրավունք /հավաստագիր/ ստանալու նպատակով դիմող անձանց համար կրթության օրենսդրության հարցերի քննարկում, դասընթացի ավարտական վկայականների հանձնում:

 

«Ես միշտ եմ այդպես հագնվել, մեր տանը միայն ես չեմ աշխատում»

«Պառլամենտ մոնիթորինգ» կայքի տվյալներով՝ ՀՀԿ խմբակցության պատգամավոր Ռուզաննա Մուրադյանը ամենաակտիվ պատգամավորների տասնյակում է: Ռուզաննա Մուրադյանը, երբ դեռ նոր էր դարձել պատգամավոր, ԿԸՀ-ին ներկայացրած հայտարարագրում նշել է, որ շարժական եւ թանկարժեք գույք, արժեթուղթ կամ այլ ներդրում, դրամական միջոցներ չունի: Պատգամավորը նշել է, որ ունի ընդամենը 1 բնակարան` 61.5 քմ մակերեսով: Տարեկան դրամական եկամուտներն էլ կազմել է 307 հազար դրամ՝ աշխատավարձ: Ուստի Aravot.am-ի հետ զրույցում հետաքրքրվեցինք, թե այս ընթացքում, ինչ ՀՀԿ պատգամավոր է դարձել՝  նոր ավտոմեքենա կամ բնակարան, որեւէ թանկարժեք իր ձեռք չի՞ բերել: Տիկին Մուրադյանը պատասխանեց. «Եթե նայել եք իմ կենսագրությունը, պիտի տեսնեք, որ ես մանկավարժ եմ եղել, որեւէ բիզնես չունեմ, թանկ գույքերի չեմ տիրապետում եւ չունեմ: Լավ կլիներ, որ ունենայի եւ ցույց տայի»: Նա ասաց, որ մեքենա ունեն, բայց ունի ամուսինը. «Մեր մեքենան չի փոխվել: Այն, ինչ ունենք, նույնը մնացել է, ոչ մի փոփոխություն չի եղել: Չեմ կարծում, որ պատգամավորի աշխատավարձով հնարավոր է այդպիսի շքեղ գույք ձեռք բերել կամ միանգամից մեծ հարստություն կուտակել»: Հարցին՝ բա մյուս Հանրապետականները ո՞նց են իրենց թույլ տալիս պատգամավորի աշխատավարձով այդքան հարստություն կուտակել՝ Ռուզաննա Մուրադյանը պատասխանեց. «Հարցրեք մնացածներին»: ԱԺ նիստերին Ռուզաննա Մուրադյանը միշտ ներկայանում է՝ ասես հենց նոր է վարսավիրանոցից դուրս եկել՝ մազերը ուռուցիկ հարդարված, թանկարժեք կոստյումներով: Մեր հարցին՝ Ձեր աշխատավարձով ինչպե՞ս եք հասցնում խնամքին այդքան տեղ տալ, դա էլ է մեծ գումար պահանջում՝ տիկին Մուրադյանը պատասխանեց. «Յուրաքանչյուրիս արտաքին տեսքը առաջին հերթին  նաեւ հարգանք է լսարանի նկատմամբ: Իսկ այսօր մեր լսարանը շատ ավելի մեծ է, եւ մենք պատասխանատու ենք ամբողջ ժողովրդի առաջ: Պետք է ասեմ, որ անկեղծ ասած, իմ զգեստապահարանում էլ շատ բան չի փոխվել: Եթե դուք նայեք իմ նկարները, տարբեր միջոցառումներին նայեք իմ զգեստապահարանը, կտեսնեք, որ շատ բաներ կրկնվում են: Ես միշտ եմ այդպես հագնվել եւ միշտ եմ կարեւորել ղեկավար կնոջ արտաքին տեսքը՝ իր կառավարման արդյունավետության մեջ, որովհետեւ արտաքինով ընդունում են, խելքով ճանապարհում են: Իսկ արտաքինի հարդարված, խնամված լինելը եւ դասական ոճը հարգանք է առաջին հերթին քո եւ երկրորդ հերթին՝ դիմացինի նկատմամբ, ով քեզ հետեւում է, լսում է եւ ով քեզանից ակնկալիք ունի»: Ինչ վերաբերում է այդ ամենի համար աշխատավարձը բավականացնելուն, Ռուզաննա Մուրադյանն ասաց. «Մեր տանը միայն ես չեմ աշխատում, նաեւ ունենք երեխաներ, ունեմ ամուսին: Իրենք միշտ հոգացել են իմ կարիքները եւ մինչեւ հիմա էլ հոգում են»: Ակտիվ պատգամավորների տասնյակում տեղ գտնելու հետ կապված ՀՀԿ պատգամավորն ասաց, որ ինքը փորձում է ճիշտ պլանավորել իր ժամանակը եւ կարողանում է ժամանակ հատկացնել պատգամավորի իր գործունեությանը, դրա համար էլ ակտիվ է. «Հուսով եմ, որ ակտիվությունը գնահատվել է ոչ միայն ԱԺ դահլիճում բարձրացրած հարցերի քանակով, օրենսդրական առաջարկների քանակով, ելույթներով, այլ նաեւ ակտիվության մեջ պիտի գնահատվի նաեւ ընդհանուր հասարակական ակտիվ գործունեությունը՝ մինչ օրենսդրական նախաձեռնությունները պառլամենտ մտցնելը: Այսինքն՝ հանդիպումները, քննարկումները, նոր օրենսդրական նախաձեռնությունների առաջարկները: Ճիշտն ասած, ես շատ պատասխանատու եմ ինձ զգում այդպիսի գնահատականի համար: Կարծում եմ՝ իմ գործելաոճն է այդպիսին: Ես, երբ նախկինում դպրոցի տնօրեն էի, դարձյալ ակտիվ տնօրենների ցանկում էի եւ 2006-ին ճանաչվեցի ՀՀ լավագույն տնօրեն: Մարդու գործելաոճն իր բնույթով եւ բնավորությամբ չի փոխվում, դրսեւորման ձեւն է փոխվում»: Մենք հետաքրքրվեցինք՝ Դուք քաղաքական դաշտում նոր մարդ եք, մինչ այդ դպրոցի տնօրեն եք եղել, մանդատը Ձեզ ի՞նչ տվեց՝ տիկին Մուրադյանը պատասխանեց. «Իմ կյանքում փոփոխությունն այն է, որ ավելի պատասխանատվությունը մեծանում է արդեն ոչ թե լոկալ որոշակի խնդիրների լուծման, որին առնչվում էիր քո աշխատանքի բերումով, այլ նաեւ ընդհանուր դաշտն է մեծացել: Կրթության դաշտից դուրս ես գալիս քաղաքականության դաշտ, առողջապահական, սոցիալական: Որքանով այսօր մարդկանց խնդիրներին, կարիքներին, հուզող հարցերին ես անդրադառնում, այդքանով նաեւ ճանաչելի ես  դառնում: Իսկ իմ ուշադրությունից դուրս չեն այդ ոլորտները, որովհետեւ առաջին հերթին պիտի փորձենք կոնկրետ խնդիրներին կոնկրետ լուծումներ տալով՝ առաջարկներ ներկայացնենք»:   

Ամբողջական հոդվածը կարող եք կարդալ այս հասցեով՝ http://www.aravot.am/2014/04/21/453245/ 

Քաղաքական վերադասավորումնե՞ր, թե՞ «պորտֆելների պայքար» փաթեթավորման հարց է

ՀՀԿ-ի «նոր տեսանկյունը, հայացքն ու պահանջները» եւ ընդդիմության «հին օրերի երգը» 

Զրույց ՀՀԿ խմբակցության պատգամավոր Ռուզաննա Մուրադյանի հետ

 - Ինչպե՞ս եք վերաբերվում Հովիկ Աբրահամյանի` վարչապետի պաշտոնում նշանակմանը: Ձեր կարծիքով՝ նա ավելի լավ ԱԺ նախագա՞հ էր, թե՞ լավ վարչապետ կլինի: 
- Հովիկ Աբրահամյանն այն պատասխանատու եւ գործունյա պաշտոնյան է, ով լավագույնս տիրապետում է կառավարման հմտություններին եւ ունի հարուստ փորձառություն, եւ ինչպես որ ԱԺ լավ նախագահ էր, այնպես էլ, համոզված եմ, լավ վարչապետ կլինի: Վստահ եմ, որ նոր վարչապետն այն կարող ուժն է, որը կնվազեցնի հասարակության մեջ առկա սոցիալական լարվածությունը, կամրապնդի երկրի քաղաքական կայունությունն ու զարգացումը: 
- Քառյակից սպասվող քաղաքական վտանգը ՀՀԿ-ի համար, Ձեր կարծիքով, Հովիկ Աբրահամյանի նշանակմամբ չեզոքացա՞վ: 
- Իշխանությունը միշտ էլ հակված է եղել կառուցողական երկխոսություն ծավալելու` անկախ նրա ձեւաչափից, եւ իր որոշումները կայացրել է ի շահ ժողովրդի: Իշխանությունը պատասխանատվություն է կրում ոչ միայն իր, այլ նաեւ ընդդիմության համար: Իսկ նոր վարչապետի նշանակումն ավելի շատ ոչ թե կանխարգելման միտում ուներ, այլ իրավիճակի ճիշտ գնահատման եւ բարելավման:
 - Նախագահն ուշագրավ հայտարարություն արեց` ասաց, որ վարչապետին տրվել է ազատ գործելու հնարավորություն, նաեւ, որ արգելվում են կաշառակերությունը, կոռուպցիան: Տիգրան Սարգսյանն ազատ չէ՞ր գործում, ո՞ւմ հրահանգով էր աշխատում, կամ կաշառակերությունն ու կոռուպցիան մինչեւ հիմա մեզ մոտ օրենքով թույլատրվա՞ծ էին: 
- Անշուշտ, ՀՀ նախագահի հայտարարությունը զարմանալի չէր: Նախկինում էլ բազմիցս խոսվել եւ լուրջ քայլեր են արվել այդ արատների վերացման ուղղությամբ, ուստի եւ նոր կառավարության ձեւավորման նախնական փուլում էլ առաջնահերթ խնդիրների վրա առավել ուշադրություն դարձնելու կարիք կա:
- Անընդհատ խոսվում է կառավարությունում էական փոփոխությունների մասին. ի՞նչ է դա նշանակում, կլինեն նոր դեմքեր` նոր ծրագրո՞վ, թե՞ նոր դեմքեր` հին ծրագրով: 
- Այնպես չէ, որ հին ծրագրերը լավը չեն, դրանց մեջ էլ կան բավականին լավ ծրագրեր, որոնք կունենան իրենց շարունակականությունը, իսկ հիմնական մոտեցումն այն է, որ ծագած խնդիրների արդյունավետ լուծման համար անհրաժեշտ են նոր տեսանկյուն, նոր հայացք եւ նոր պահանջներ:
- Ի՞նչ եք մտածում ՕԵԿ-ի` կոալիցիայից դուրս գալու, ընդդիմություն դառնալու եւ «Դեմ եմ»-ի պայքարին միանալու մասին:
- Քաղաքական տարբեր գործընթացներում յուրաքանչյուր քաղաքական ուժի կայացրած որոշումը տվյալ իրավիճակում տեսանելի է որոշում կայացնողների համար, եւ կարծում եմ, որ հասկանալի է նաեւ իրենց քաղաքական թիմի անդամների համար: Հուսանք, որ առաջիկայում ՕԵԿ-ի վերջնական որոշումը չի հիասթափեցնի նրան վստահողներին: 

Զրույցը` ՆԵԼԼԻ ԳՐԻԳՈՐՅԱՆԻ «Առավոտ» օրաթերթ 

Ամբողջական հոդվածը կարող եք կարդալ այս հասցեով՝ http://www.aravot.am/2014/04/18/452382/ 

Մայրության տոնն Արցախի մայրերի հետ

ՀՀԿ Կանանց խորհրդի այցելությունը ԼՂՀ` Մայրության և գեղեցկության տոնին 

ընդառաջ

10.04.2014թ

Մայրության տոնի առթիվ առաջին շնորհավորանքը՝ նոր մայրացած կանանց

Մայրության և գեղեցկության տոնի կապակցությամբ Երևանի քաղաքապետի տիկին Գոհար Մարգարյանն այցելել է Երևանի Շենգավիթ բժշկական կենտրոնի և Մոր և մանկան առողջության պահպանման գիտահետազոտական կենտրոնի ծննդատներ՝ շնորհավորելու այս օրերին մայրացած կանանց։ 

«Շնորհավորում եմ ձեզ մայրանալու, ինչպես նաև մայրության տոնի առթիվ։ Լավագույն պարգևն արդեն իրականում ունեք՝ ձեր երեխաներն են։ Աստված պահապան ձեր ընտանիքներին»,- հանձնելով նվերները՝ մայրացած կանանց մաղթել է Գոհար Մարգարյանը։

Քաղաքապետի տիկնոջ հետ ծննդատներ այցելած ՀՀ ԱԺ փոխնախագահ Հերմինե Նաղդալյանը, ԱԺ պատգամավոր Ռուզաննա Մուրադյանը, Երևանի ավագանու անդամներ Նաիրա Նահապետյանը, Աստղիկ Գևորգյանը, զրուցելով մայրացած կանանց հետ, ուրախությամբ նկատել են, որ նրանց մեծ մասն այս օրերին լույս աշխարհ են բերել իրենց երկրորդ կամ երրորդ երեխային։

Միամսյակը պետք է հնարավորություն տա տղամարդկանց մրցակցելու իրենց ուշադրությամբ

Միամսյակի, հայ կանանց առավելությունների , նրանց հասարակական և քաղաքական գործընթացներում ունեցող դերի,   նրանց մեծարելու և անակնկալներ մատուցելու  մասին այս անգամ Gazeta.am-ի հետ  զրույցում խոսել է ՀՀ ԱԺ ՀՀԿ խմբակցության պատգամավոր Ռուզաննա Մուրադյանը:

- Տիկին Մուրադյան, Ձեզ հարազատ կանանց ի՞նչ անակնկալներ եք մատուցել միամսյակի կապակցությամբ: 

-Շատ եմ սիրում անակնկալներ և նվերներ  մատուցել հարազատներիս և ընկերներիս, որոնք ընտրում եմ՝ հաշվի առնելով նրանց ճաշակն ու նախասիրությունները:

- Ձեզ համար միամսյակը սպասված տոների շարքու՞մ է:

-Համոզված եմ, որ բոլոր կանանց համար էլ միամսյակը սպասված տոն է :

Կարծում եմ, որ հայ կանայք  միշտ էլ պիտի լինեն ուշադրության կենտրոնում ոչ միայն  մարտի 8-ից ապրիլի 7-ը, այլ ապրիլի 7-ից մարտի 8-ը, իսկ միամսյակը պետք է հնարավորություն տա տղամարդկանց մրցակցելու իրենց ուշադրությամբ: 

 - Հետաքրքիր դեպք՝ կապված միամսյակի հետ:

 -Հետաքրքիրը դեռ առջևում է… Այս տարի Կանանց միամսյակի շրջանակներում ՀՀԿ Կանանց խորհրդով ԼՂՀ խորհրդարանի հետ կազմակերպել ենք միջոցառում` շնորհավորելու Արցախի մայրերին:

- Ձեզ ավելի շատ հոգեհարազատ է մարտի 8-ը, թե՞ ապրիլի 7-ը:

- Կանանց և աղջիկներին նվիրված այս երկու տոներն էլ  լավագույն առիթ են գնահատելու գեղեցիկը, կարևորելու կնոջ և մոր դերը ընտանիքում և հասարակության մեջ, ինչպես նաև երախտագիտություն հայտնելու նրանց:

- Որո՞նք են հայ կանանց առավելությունները:

- Ինչպես ասել է Գ.Նժդեհը. «Մայրերի ափերի մեջ պիտի փնտրել ազգերի ճակատագիրը: Ազգերի զորությունը ընտանիքների մեջ է: Զորավոր է այն ազգը, որ ունի զորավոր ընտանիքներ. սիրով, միությամբ, առաքինի եւ հավատարիմ ապրող  ընտանիքներ, որոնց կայացման և ամրապնդման գործում մեծ է կնոջ դերը»:Այո, հայ կինը ընտանիքի, ազգի և պետության հենասյունն ու պահապանն է եղել դեռևս հին ժամանակներից ի վեր: Անուրանալի է նրա դերը  ազգային ավանդույթների և արժեքների պահպանման, սերունդների հայեցի դաստիարակության, պատմական դժվարին պահերին արիության ու ոգու ամրության դրսևորման գործում։  

-Ըստ Ձեզ՝ ինչո՞ւ Հայաստանում երկու տոն կա նվիրված կանանց:

-Կանանց կյանքի տարբեր բնագավառներում ունեցած ներդրումները, ձեռքբերումները և նվաճումները գնահատանքի են արժանի , կանանց գեղեցկությունը, խելացիությունը, շրջահայացությունը մեծարանքի  են արժանի,  կանանց մայր լինելու և ազգը շարունակելու վեհ կոչումը  երախտագիտության է արժանի… : Այսքան արժանիքների համար երկու տոնն ի՞նչ է: Միանշանակ, հայ կինն արժանի է, որ նրա յուրաքանչյուր օրը տոն դառնա:  

- Մեկ ամիսը բավարա՞ր է կանանց մեծարելու համար:

-Ո´չ մեկ օրը, ո´չ մեկ ամիսը, ո´չ էլ մեկ տարին….Կինը կյանքի աղբյուրն է, և միշտ է մեծարանքի արժանի: 

 -Միամսյակի կապակցությամբ ի՞նչ սպասելիքներ ունեիք և ի՞նչ անակնկալներ ստացաք:      

-Թոռնիկներիս հետ անցկացրած յուրաքանչյուր րոպեն ինձ համար արդեն տոն է:  Հերթական անգամ ամենամեծ անակնկալը ստացա թոռնիկներիս կողմից, երբ Նարեկը, Դավիթը և Աշոտը իրենց տատիկին ծաղիկներ նվիրեցին:

-Ի՞նչ կմաղթեք բոլոր կանանց:

-Բոլոր կանանց, մայրերին և աղջիկներին մաղթում եմ երջանկություն, իսկ երջանկությունն այն է, երբ քեզ սիրում են,  մեծ երջանկությունն այն է, երբ քեզ հասկանում են, իսկ իսկական երջանկությունն այն է, երբ դու ես սիրում, և թող, որ բոլոր կանայք շրջապատված լինեն իրենց սիրող և հասկացող,  իրենց կողմից սիրված մարդկանցով:

Հարցազրույցը՝ Դուսյա Ղազարյանի

Նյութի աղբյուրը՝ http://gazeta.am/index.php/hy_AM/news/18/14829-miamsyake-petq-e-hnaravoroutyoun-ta-txamardkanc-mrcakcelou-irenc-ousadroutyamb.html

Մայրության տոնի առթիվ առաջին շնորհավորանքները՝ նոր մայրացած կանանց

Մայրության և գեղեցկության տոնի կապակցությամբ Երևանի քաղաքապետի տիկին Գոհար Մարգարյանն այցելել է Երևանի Շենգավիթ բժշկական կենտրոնի և Մոր և մանկան առողջության պահպանման գիտահետազոտական կենտրոնի ծննդատներ՝ շնորհավորելու այս օրերին մայրացած կանանց։ 
«Շնորհավորում եմ ձեզ մայրանալու, ինչպես նաև մայրության տոնի առթիվ։ Լավագույն պարգևն արդեն իրականում ունեք՝ ձեր երեխաներն են։ Աստված պահապան ձեր ընտանիքներին»,- հանձնելով նվերները՝ մայրացած կանանց մաղթել է Գոհար Մարգարյանը։
Քաղաքապետի տիկնոջ հետ ծննդատներ այցելած ՀՀ ԱԺ փոխնախագահ Հերմինե Նաղդալյանը, ԱԺ պատգամավոր Ռուզաննա Մուրադյանը, Երևանի ավագանու անդամներ Նաիրա Նահապետյանը, Աստղիկ Գևորգյանը, զրուցելով մայրացած կանանց հետ, ուրախությամբ նկատել են, որ նրանց մեծ մասն այս օրերին լույս աշխարհ են բերել իրենց երկրորդ կամ երրորդ երեխային։

ՀՀԿ Կանանց խորհրդի այցելությունը ԼՂՀ` Մայրության և գեղեցկության տոնին ընդառաջ

07.04.2014թ.

Հայաստանի Հանրապետական Կուսակցության Կանանց խորհրդի անդամները ՀՀ Աժ փոխխոսնակ Հերմինե Նաղդալյանի գլխավորությամբ ապրիլի 7 –ին մեկնեցին Արցախ ` նոր մայրացած կանանց շնորհավորելու Մայրության և գեղեցկության տոնի առթիվ :

ՀՀԿ Կանանց խորհուրդը կազմակերպեց <Անուշ> օպերայի դիտում

ՀՀԿ Կանանց խորհուրդը կազմակերպեց <Անուշ> օպերայի դիտում ՀՀ մարզերի դպրոցների աշակերտների համար

02.04.2014թ.