Պարգևատրում Երախտագիտության մեդալով ՀՀ նախագահ Սերժ Սարգսյանի

Պետք է միասնական եւ վճռական գործենք, ապահովենք մեր երկրի ներդաշնակ եւ համաչափ զարգացումը.

«Դե Ֆակտո » N 139 ( 12/2017թ.) 

http://df.am/news/2625/ruzanna_muradyan_2017.html

Երկրի զարգացումը սկսվում է համայնքների զարգացումից.ՀՀԿ պատգամավոր

Տեսանութը կարող եք դիտել այստեղ՝

https://www.youtube.com/watch?time_continue=8&v=kdX_KHmn9Jg

«Սերժ Սարգսյանը խորությամբ տիրապետում է այն հեռանկարներին, թե ուր ենք մենք գնում». Ռուզան Մուրադյան

Տեսանյութը կարող եք դիտել այստեղ՝

https://www.youtube.com/watch?v=UYcpRWLA50k

«Այլևս չի լինելու մարդ-կուսակցություն. գաղափարը փոխվում է»

Տեսանյութը դիտել այստեղ՝


https://www.youtube.com/watch?time_continue=11&v=__qTiDyQPd4

ՀՀԿ-ում ուրախ կլինեն եթե Սերժ Սարգսյանը ցանկանա ստանձնել այդ բեռը

      Անցած շաբաթ օրը, համայնքների միության 6-րդ համաժողովում նախագահ Սերժ Սարգսյանի ունեցած ելույթը ՀՀԿ խմբակցության պատգամավոր Ռուզաննա Մուրադյանը համարում է նախագահի եւ ՀՀԿ-ի բաց գործելաոճի ու հրապարակային ե քննադատական խոսքի, շարունակություն: Հիշեցնենք, նախագահը խոսել էր գողացող համայնքապետերի մասին: Ասել, որ հունվարից այլեւս թույլ չեն տալու նման բաներ: Ռուզաննա Մուրադյանը չի ժխտում, մեր հասարակությունում դեռեւս կան արատավոր երեւույթներ: Եվ այն, որ իշխող ՀՀԿ-ն եւ հանրապետության նախագահն են այդ մասին բաց ու հրապարակային խոսում, ինքը համարում է խնդիրները լուծելու ճանապարհ, քանի որ լուծման հիմնական ճանապարհը հարցերի հստակ ձեւակերպումը եւ բացահայտումն է: Մեր զրուցակիցը հիշում է կուսակցության համագումարում, դրանից առաջ եւ հետո նախագահի հորդոր-հանձնարարականները`պետք է իրականությունը փոխենք`փոխելով ինքներս մեզ, պետք է մեր կատարած աշխատանքին ամենայն պատասխանատվությամբ մոտենանք, պետք է կարողանանք պատասխաններ տալ բացթողումների համար: Ասում է`նախագահի գնահատականներին միշտ էլ հաջորդել է գործողություն, այդ թվում նաեւ քրեական գործեր են հարուցվել, կարգազանցները պատժվել են: Ռուզաննա Մուրադյանը չի կիսում ընդդիմադիր-ընդդիմախոսների այն մոտեցումները, որ համայնքապետերը մինչ այժմ գողացել են եւ չեն պատժվել, քանի որ իշխող ՀՀԿ-ի համար ընտրությունների ժամանակ ձայներ են ապահովել: Ասում է. «Համայնքը մեր տունն է, երկրի զարգացումը սկսվում է համայնքից»: Այսպես են աշխատելու. կառավարությունն այլեւս ձուկ չի տալու, կարթ է տալու եւ ձուկ որսալ սովորեցնելու:

Մանրամասները` տեսանյութում

https://www.youtube.com/watch?v=kdX_KHmn9Jg 

Մեր զրուցակիցը համաձայն չէ, որ իշխանության վերին օղակներում պատրաստ չեն փոփոխություններին. «Ոչ միայն պատրաստ են, այլ իշխանությունն է առաջարկել այդ փոփոխությունները, որի ամբողջական ծրագիրը ներդրված է սահմանադրական բարեփոխումներում»: Ասում է`իշխանության եւ ընդդիմության`երկրի զարգացման այլընտրանքային մոտեցումներն, ի վերջո, պետք է ծառայեն մեկ նպատակի`երկրի զարգացմանը եւ նոր Սահմանադրությունն այդ հնարավորությունները ստեղծել է: Նկատում է`արդեն այդ փոփոխությունների իրականացման փուլում ենք: 

Մանրամասները` տեսանյութում 

https://www.youtube.com/watch?v=2f8dP0Cz-qo

Հետաքրքրվեցինք`իշխող ՀՀԿ-ի առաջարկած փոփոխությունների լիարժեք իրականացման համար կապ ունի՞, թե 2018-ին ով կզբաղեցնի երկրի վարչապետի պաշտոնը: Ռուզաննա Մուրադյանն ասում է`այո. վարչապետ պետք է լինի մարդ, որը կոմպետենտ է, փորձառու է, արդյունավետ կառավարման ունակություններ ունի եւ ի զորու է այդ ծրագիրն իրականացնելու: Հարցին ի պատասխան`Ձեր կարծիքով Կարեն Կարապետյա՞նն ավելի արդյունավետ կիրականացնի այս փոփոխությունները, թե՞ Սերժ Սարգսյանը, Ռուզաննա Մուրադյանն անուններ չտվեց: Միայն ասաց, որ ինքն ուրախ կլինի, եթե նախագահ Սերժ Սարգսյանը ցանկություն հայտնի ստանձնել այդ ծանր բեռն ու պատասխանատվությունը: Օրերս ընդդիմադիր «Ելք» խմբակցությունը հայտարարեց`նախագահի իր թեկնածուն խմբակցության պատգամավոր Արտակ Զեյնալյանն է: ՀՀԿ-ական պատգամավորը նորմալ է համարում, որ քաղաքական ուժերն արդեն հայտարարում են այս կամ այն պաշտոնում իրենց նախընտրած թեկնածուների մասին: Ինքը ոչ ոքի չի թերագնահատում, ոչ էլ գերագնահատում է. մնացածը`ժամանակը ցույց կտա: Ամփոփելով անցնող տարին, Ռուզաննա Մուրադյանն ասում է`շատ բան է արվել: Կան նաեւ չարվածները, որոնց մասին հենց իշխող ուժն է բարձրաձայնում`քննարկումների հրավիրելով հասարակության տարբեր շերտերի ներկայացուցիչներին: «Ընդհանուր առմամբ, բոլոր ոլորտներում առաջընթաց կա: Փաստ է, որ տեղում չենք դոփում: Օրինակ, սոցիալական ոլորտում շատ կարեւոր է աշխատող մայրերի համար դայակների ինստիտուտի ներդրումը: Դա պետության կողմից օգնող ձեռք է: Պաշտպանական ոլորտում «Ես եմ» եւ «Պատիվ ունեմ» ծրագրերը լավագույն նախաձեռնություններն են, որպեսզի կարողանանք արժեւորել մեր սպաներին`պետության պաշտպանության համար իբրեւ կարեւոր ռեսուրսի, ուսումնառության պահից մինչեւ թոշակի գնալու ժամանակ տարբեր սոցիալական ծրագրերով աջակցելով նրանց կայացմանն ու ապահովված կենցաղին: Կարեւոր քայլեր եղան նաեւ կրթության ոլորտում: Մասնավորաբար, մասնագիտական կրթության առաջնահերթությունը: Կարեւոր է ԵՄ-ի հետ ստորագրված նոր համաձայնագիրը: Հայաստանը նպատակաուղղված գնում է ԵԱՏՄ-ի եւ ԵՄ-ի միջեւ կամուրջ դառնալուն`հստակ առաջ տանելով մեր երկրի զարգացման եւ անվտանգության շահերը»,- ասաց Ռուզաննա Մուրադյանը: 

Նելլի ԳՐԻԳՈՐՅԱՆ 

Ամբողջական հոդվածը կարող եք կարդալ այս հասցեով ՝   http://www.aravot.am/2017/12/18/926715/

Հարցս ՀՀ պաշտպանության նախարարի տեղակալ Արտակ Զաքարյանին «Այլընտրանքային ծառայության մասին» ՀՀ օրենքի նախագծի վերաբերյալ

Ելույթս «Զբաղվածության մասին» ՀՀ օրենքում փոփոխությունների վերաբերյալ

Դեկտեմբերի 5-ի ելույթս ԱԺ հայտարարությունների ժամին

Կրթություն-աշխատաշուկա-տնտեսություն կապը երկրի զարգացման կարևորագույն 

հենքն է

Այս օրերին հանրային քննարկումների փուլում է գտնվում Կրթության մինչև 2030 թվականը զարգացման  պետական ծրագրի նախագիծը, որը, ինչպես կրթության մասին օրենքում է նշվում, կրթության   բնագավառում  պետական  քաղաքականության  կազմակերպական  հիմքն է: Այս ծրագրում կրթության բոլոր ոլորտները, ուղղությունները, աստիճանները և վերջնաարդյունքները, որին ուզում ենք հասնել շատ կարևոր են, բայց Ազգային Ժողովում կազմակերպված լսումները և քննարկումները ցույց տվեցին, որ առաջնահերթ կարևոր է մասնագիտական կրթության նկատմամբ բոլոր կողմերի ուշադրությունը:

Յուրաքանչյուր զարգացած երկրում աշխատուժի 60-65 տոկոսը միջին մասնագիտական կրթության որակավորում ունեցող մասնագետներ են, իսկ  Հայաստանում, բարձրագույն-միջին մասնագիտական կրթության բնագավառում սովորողների թվային հարաբերակցությունն այլ  է:  Այսօր մենք պետք է կարողանանք ապահովել կրթություն-աշխատաշուկա-տնտեսություն եռամիասնության մեջ այն ընդհանուր կապը, որը պետք է մեկը մյուսից հետո ապահովի շարունակականություն, ինչը տնտեսության, հետևաբար նաև երկրի զարգացման գրավականն է:

Վրջերս նաև Հայաստանի և Եվրոմիության միջև  կնքված համապարփակ և ընդլայնված գործընկերության համաձայնագրում ևս  անդրադարձ է կատարվում  մասնագիտական կրթության աջակցմանը, և կուզենամ այս ոլորտին մենք մոտենանք այն տեսանկյունից, որը այսօր դնում են գործատուները աշխատողներին ընտրելուց առաջ,  և կցանկանայի որ գործատուների կողմից պահանջները ներգրավեին նաև կրթական բովանդակությունների մեջ: Այստեղ է, որ ուզում եմ մեր ուժերը կենտրոնացնենք սոցիալական գործընկերության զարգացման ուղղությամբ, և դրա համար ստեղծենք բարենպաստ պայմաններ նաև կրթության զարգացման պետական ծրագրում, այն պարզ տրամաբանությամբ , որ այսօր յուրաքանչյուր գործատու լավ գիտի, թե ինչպիսի աշխատող է իրեն պետք, ինչ հմտություններով , ինչ մասնագիտական կարողություններով, հետևաբար նրա ցանկությունները չպետք է մնան ցանկությունների մակարդակում , այլ պետք է նաև տրվի հնարավորություն՝ գործատուներին մասնակից լինելու իրենց իսկ կողմից առաջարկած նոր պահանջների կրթական բովանդակությունների ձևավորմանն ու իրականացմանը:

Կոչ եմ անում այս ոլորտը մեկ անգամ ևս բերել բոլորիս ուշադրության կենտրոն, հաշվի առնելով այն կարևոր փաստը, որ կրթություն-աշխատաշուկա-տնտեսություն կապը երկրի զարգացման կարևորագույն հենքն է:

Նյութի աղբյուրը՝ http://henaran.am/330236.html

Հայ զինվոր մրցույթի ամփոփումը Դիլիջանի Մ.Մելքոնյանի անվան ռազմամարզական դպրոցում

2017 թ.ի նոյեմբերի 8-ին Դպրոց-կենտրոնների միության և ՀՀ երիտասարդական հիմնադրամի կողմից ՀՀ բոլոր մարզերի դպրոցներում իրականացվող <<Հայ զինվորը...>> խորագրով մրցույթն ամփոփվեց Դիլիջանի ՀՀ ՊՆ Մ.Մելքոնյանի անվ. ռազմամարզական վարժարանում: 

Լավագույն աշխատանքներ ներկայացրած դպրոցների ներկայացուցիչներին հատուկ և առաջին կարգի մրցանակներն ու պատվոգրերը հանձնեց ՀՀ Պաշտպանության նախարար Վիգեն Սարգսյանը, իսկ 2-րդ և 3-րդ կարգի մրցանակները,ինչպես նաև խրախուսական նվերները հանձնվեցին ՀՀ ՊՆ փոխնախարար Արտակ Դավթյանի, Մ.Մելքոնյանի անվ. ռազմամարզական վարժարանի տնօրեն Գեղամ Սարգսյանի և իմ կողմից:

Եթե որևէ պաշտոնյայի որդի չծառայի, բոլորը կարող են դիմել Արտակ Զաքարյանին

https://www.youtube.com/watch?v=qPlkqNo7lqE

Զորակոչվելու հարցում բոլորի նկատմամբ նույնական մոտեցումը փակում է կոնկրետ կոռուպցիոն սողանցքը, մի՞թե սա վատ է

ԱԺ պատգամավոր Ռ.Մուրադյանի նոյեմբերի 14-ի ելույթը ԱԺ հայտարարությունների ժամին Զինվորական ծառայության և զինծառայողի կարգավիճակի մասին» օրենքի փոփոխություններով նախատեսվող տարեկետման իրավունքի խիստ սահմանափակումը դժգոհության առիթ է ստեղծել հասարակության, հատկապես ուսանողության որոշ շերտերում: Համաձայն ՀՀ Սահմանադրության՝ յուրաքանչյուր քաղաքացի պարտավոր է մասնակցելու ՀՀ պաշտպանությանր: Հետևաբար, զինվորական ծառայությունից հրաժարվելր՝ պայմանավորված գիտական գործունեությամբ, հակասում է ՀՀ Սահմանադրությանը, ինչպես նաև խաթարում պետության սահմանների անվտանգությունն ու հանդիսանում պառակտիչ գործոն: Անշուշտ, արդար է արդարություն պահանջելը, սակայն արդարության պահանջը պետք է ճիշտ հասցեատեր ունենա, արդարությունը չպետք է պահանջել արդարության համար մարտնչողներից, ինչպես դա արեցին այսօր որոշ մեր ընդդիմադիր քաղաքական գործիչներ: ՀՀ վարչապետը, Պաշտպանության նախարարը այս օրենքի նախագծով ներկայացնում են այնպիսի շտկումներ և ուղղումներ, որոնք ի վերջո վերացնում են նախկինում առկա բոլոր սողանցքները: Այս քաղաքական գործիչների քաղաքական գործունեության առհավատչյան այսօրվա ժողովրդի տված քվեն է, այն ժողովրդի, ով ուղղակիորեն արտահայտեց իր կարծիքը նրանց կողմից իրականացված քարոզարշավից հետո: Եվ այսօր մենք դրա փաստացի վկաներն ենք այստեղ, և դրա արդյունքում ժողովրդի ձայնը ներկայացնողները, ինչպես նաև այս քաղաքական գործիչների գործունեությունն ու գաղափարները այստեղ ներկայացնողները: Ես պետք է խնդրեմ մեր գործընկերներին գնահատականներ տալուց առաջ մտածեն, որ ի վերջո բոլորի վրա այս օրենքի տարածելը ինչ է, եթե ոչ հենց բանակից ազատվելու սողանցքի կամ կոռուպցիոն ռիսկերի չեզոքացում: Զորակոչվելու հարցում բոլորի նկատմամբ նույնական մոտեցումը փակում է կոնկրետ կոռուպցիոն սողանցքը, մի՞թե սա վատ է:Եվ մի՞թե նման մոտեցումը չի ապահովում հենց այն, ինչը սովորաբար բնորոշում են որպես սոցիալական արդարություն: Հետևաբար, սոցիալական արդարության մասին և սոցիալական արդարության գաղափարը քաղաքական հարթակում ներկայացնելու մասին խոսելուց առաջ և գնահատականներ տալուց առաջ եկեք նայենք մարդկանց անցած ճանապարհը, նրանց գործունեությունը և այսօրվա նրանց ներկայացրած ծրագրերը: Ուսանողների հետ հանդիպման ժամանակ նշվել է, որ ուսանողների կողմից բարձրացված հիմնական մտահոգությունները ոչ թե օրենքի կարգավորման առարկա են, այլ կարգավորվելու են ենթաօրենսդրական ակտերով: Վարչապետն ու պաշտպանության նախարարն ընդգծել են, որ նախատեսվելու է օրենքից բխող կառավարության մոտ յոթ տասնյակ որոշումների ընդունում, և ակցիայի նախաձեռնող խմբի ներկայացուցիչներին առաջարկվել է ընդգրկվել այդ որոշումների նախագծերը մշակող աշխատանքային խմբում ու ներկայացնել իրենց առաջարկներն ու մոտեցումները: Ուսանողների կողմից առաջարկությունը չի ընդունվել, ուստի և կասկածի տակ է դրվում նաև ինչ-որ տեղ այդ մղումները: Հարգելի́ ուսանողներ, խոսքս ուղղում եմ Ձեզ: Ձեր գիտական մտքի թռիչքը շատ կարևոր է Հայաստանի զարգացման համար, իսկ առավել կարևոր է Հայաստանի անվտանգության ապահովման համար: 

Նյութի աղբյուրը՝

http://www.aravot.am/2017/11/14/919954/

Նոյեմբերի 14-ի ելույթ ԱԺ հայտարարությունների ժամին

Տարեկետումը չի սահմանափակում սովորողի ցանկությունները

Տարեկետման համակարգում փոփոխությունները չեն սահմանափակում սովորողի ցանկությունները, կրթության եւ գիտության նկատմամբ հակումները: Այս կարծիքին է ՀՀԿ խմբակցության պատգամավոր, Կրթության եւ գիտության հարցերի հանձնաժողովի անդամ Ռուզաննա Մուրադյանը: Aravot.am-ի հետ զրույցում անդրադառնալով այսօր սկսված ուսանողների բողոքի ցույցին, Ռուզաննա Մուրադյանն ասում է, որ ինքն իր դիսերտացիան, օրինակ, պաշտպանել է 2002 թվականին, մինչդեռ ԲՈՒՀ-ն ավարտել է 1985 թվականին. «Այսինքն, երբ քո մեջ ինչ-որ բան է կուտակվել եւ ցանկանում ես մասնագիտական որոշակի ճանապարհով անցնել, չեմ կարծում, թե անմիջապես ԲՈՒՀ-ից հետո շարունակելն ավելի լավ արդյունք է տալու, քան ինչ-որ ժամանակ աշխատելը եւ այդ ընթացքում ձեռք բերած փորձը դնել գիտական հայտնագործության հիմքում»: Հիշեցնենք, պաշտպանության ոլորտի նոր օրենսդրությունն ընդունվեց խորհրդարանական նախորդ քառօրյայում: 

Նյութի աղբյուրը՝ http://www.aravot.am/2017/11/07/918510/ 

Հայելի ակումբ. «Կրթության ոլորտի ֆինանսավորումն ինչքան շատ լինի, միևնույն է քիչ է լինելու»

https://www.youtube.com/watch?v=Ov0E7ygi2Js

Համագործակցության հուշագիր ԿՏԱԿ-ի և ԴԿՄ-ի միջև

Նոյեմբերի 3-ին Ծաղկաձորի Գրողների միության հանգստյան տանը ՀՀ ԿԳՆ «Կրթական տեխնոլոգիաների ազգային կենտրոն» ՊՈԱԿ-ի (ԿՏԱԿ) և «Դպրոց-կենտրոնների միություն» իրավաբանական անձանց միության (ԴԿՄ) միջև ստորագրվել է կրթության բնագավառում համագործակցության վերաբերյալ Փոխըմբռնման հուշագիր, որի հիմնական նպատակն է ԿՏԱԿ-ի և ԴԿՄ-ի միջև խորացնել համագործակցությունը և իրականացնել արդյունավետ փորձի փոխանակումը:  Փոխըմբռնման հուշագիրը կնքվել է մեկ տարի ժամկետով և նախատեսում է իրականացնել մի շարք աշխատանքներ, այդ թվում.

•աջակցել Եվրահանձնաժողովի Իթվինինգպլյուս ծրագրի ընդլայնմանը Հայաստանում,
• աջակցել «Դպրոցների համագործակցության վիրտուալ համայնք» ազգային ծրագրի ներդրմանն ու տարածմանը,
•նպաստել դպրոցներում համացանցից անվտանգ օգտվելու հմտությունների զարգացմանը,
•իրականացնել հայաստանյան և համահայկական կրթական ներուժի զարգացմանն ու ամրապնդմանն ուղղված գործունեություն:

Նյութի աղբյուրը՝ 

http://edu.am/index.php/am/news/view/6815

Հանդիպում ՀՀ ԿԳ նախարար Լ.Մկրտչյանի հետ

Դպրոց-կենտրոնների միության նախաձեռնությամբ օգոստոսի 29-ին կազմակերպվեց հերթական աշխատանքային հանդիպումը ՀՀ ԿԳ նախարար Լևոն Մկրտչյանի և դպրոց-կենտրոնների տնօրենների հետ, որի ընթացքում քննարկվեցին կրթության ոլորտում առկա մի շարք հիմնախնդիրներ:

Ելույթ Զինվորական ծառայության և զինծառայողի կարգավիճակի մասին օրենքի նախագծի վերաբերյալ

https://youtu.be/QhiIQtFvGC4

Ելույթ Ինտերնետով հրապարակային և անհատական ծանուցման մասին ՀՀ օրենքում լրացում և փոփոխություն կատարելու մասին օրենքի նախագծի վերաբերյալ

Ելույթ ՀՀ կառավարության և Կորեայի Հանրապետության կառավարության միջև մշակույթի, սպորտի և կրթության բնագավառում համագործակցության մասին համաձայնագիրը վավերացնելու մասին

Ելույթ Ազգաբնակչության էկոլոգիական կրթության և դաստիարակության մասին ՀՀ օրենքի նախագծում փոփոխություններ կատարելու վերաբերյալ

Ռ.Մուրադյանի հոկտեմբերի 3-ի ելույթը հայտարարությունների ժամին

Համաձայն ՀՀ Կրթության մասին օրենքի. «Կրթության ոլորտում պետական քաղաքականության հենքն ազգային դպրոցն է, որի գլխավոր նպատակը մասնագիտական պատշաճ պատրաստվածություն ունեցող և համակողմանիորեն զարգացած, հայրենասիրության, պետականության և մարդասիրության ոգով դաստիարակված անձի ձևավորումն է»: 

Այսօր մենք գիտենք, որ մրցունակության կարևորագույն գործոնը մարդկային կապիտալն է, հանրակրթությունը արդյունավետ և մրցունակ կապիտալ ստեղծելու հիմքն է, իսկ դպրոցի հենասյունը ուսուցիչն է: Մարդկային հզոր ներուժ ունեցող կապիտալի ձևավորման գործում այսօր ժամանակի մարտահրավերներին համընթաց 21-րդ դարի նոր կոմպետենցիաների պահանջով արդեն քննադատական մտածողություն ունեցող, միջմշակութային հաղորդակցման և համագործակցության կարողություններ ունեցող, ՏՀՏ հմտություններին տիրապետող անձի ձևավորման գործում մենք ունենք նոր խնդիրներ, որոնց լուծողը դարձյալ ուսուցիչն է:Սա է պատճառը, որ մեր պետությունը պատշաճ ուշադրության և հոգածության  ներքո է պահում ուսուցչին՝ որպես այն կարևորագույն մասնագետի, որը ստեղծում, ամրապնդում, ամրացնում է պետության հիմքը և ձևավորում է քաղաքացիներ, ովքեր պատրաստ պետք է լինեն պայքարելու հարափոփոխ աշխարհում, պայքարելու նոր մարտահրավերների դեմ և ունենալու ձեռքբերումներ և հաղթանակներ՝ ի նպաստ իրենց երկրի:

Տարիների ընթացքում մեր պետությունը ուսուցչի նկատմամբ իր երախտիքն արտահայտելու բազմաթիվ առիթներ է ստեղծել. շուրջ մեկ տասնամյակից ավել արդեն պետականորեն հոկտեմբերի 5-ին նշվում է ուսուցչի տոնը:Վերը թվարկածը իրավիճակի նկարագրություն է և ծրագրեր, որոնք ամրագրված են տարբեր փաստաթղթերում, բայց ցանկացած փաստաթղթում ամրագրված ծրագիր, եթե չդառնա իրականություն այն անձի մասնակցությամբ, ով հավատում է այդ ծրագրին և այն մոտեցումներով, որոնք իրականում բխում են մեր երկրի շահերից, ապա մենք կունենանք ընդամենը գրված լավագույն ծրագիր:Դրա համար բոլորիս կոչ եմ անում, որպեսզի կանգնենք ուսուցչի կողքին, մեր դեմքն ուղղենք դեպի ուսուցիչը, որպես հանրային արժեք՝ բարձրացնենք ուսուցչի վարկանիշը, որը դարերով ենք արել առանց որևէ պետական փաստաթղթի կամ օրենքի նախագծի:

Շնորհավո́ր տոնդ, սիրելի′ ուսուցիչ, չմոռանանք, որ հանճարն անգամ ուսուցիչ է ունեցել, դուք անանուն, ձեր սաներն անվանի ուսուցիչներ, խոնարհվում ենք ձեր առջև:

Նյութի աղբյուր՝ 

http://www.aravot.am/2017/10/03/911265/

http://iravunk.com/news/41052

http://m.slaq.am/arm/news/1204312

<Հայոց պետական խորհրդանշաններ> ծրագրի ամփոփիչ մրցանակաբաշխություն

ՀՀ Մշակույթի նախարարության աջակցությամբ Դպրոց-կենտրոնների միության կողմից ՀՀ բոլոր մարզերի դպրոցներում իրականացված «Հայոց պետական խորհրդանշաններ» խորագրով ծրագրի մրցանակաբաշխություն 

 

Տեսանյութն այստեղ՝ https://www.youtube.com/watch?v=Ygdl7eKgmD0&app=desktop

Արարատ TV-ով հեռարձակված «Ուսուցչի դերը հասարակական կյանքում» հաղորդման հյուրն է ԱԺ պատգամավոր Ռուզաննա Մուրադյանը

Հաղորդման լինքն այստեղ՝

https://www.youtube.com/watch?v=zizyKkQZCvg&app=desktop

«Աջակցություն Հայաստանի Հանրապետության Ազգային Ժողովին` խորհրդարանական վերահսկողությունը և ընտրողների հետ հաղորդակցությունը բարելավելու նպատակով» ծրագրի շրջանակում մեկնարկել է ռազմավորական պլանավորման վերաբերյալ առաջին խորհրդատվական սեմինար

Հանդիպում Ռումինիայի հայ խորհրդարանականների հետ

http://www.parliament.am/news.php?cat_id=2&NewsID=9470&year=2017&month=09&day=19&lang=arm

Ելույթ ««Կրթության բնագավառում խտրականության դեմ» կոնվենցիայի կողմ պետությունների միջեւ ծագող վեճերի լուծման համար պատասխանատու` հաշտեցման և միջնորդության հանձնաժողով ստեղծելու մասին» արձանագրությունը վավերացնելու վերաբերյալ

Նախագծի հարակից զեկուցող՝ Ռուզաննա Մուրադյան

Հարց ՀՀ Կենտրոնական բանկի նախագահի տեղակալ Ն. Երիցյանին

«Կատեգորիկ դեմ եմ դպրոցներում նման ձեռնարկներ ունենալուն»

Մամուլում տարածված տեղեկությունների համաձայն` ԱԺ ՀՀԿ խմբակցության պատգամավոր ՌՈՒԶԱՆՆԱ ՄՈՒՐԱԴՅԱՆՆ իրեն պատկանող հասարակական կազմակերպության միջոցով ձեռնարկ է տպագրել այն մասին, թե դպրոցականները ո՛չ ավել, ո՛չ պակաս պետք է հանդուրժողականություն ցուցաբերեն սեռական փոքրամասնությունների նկատմամբ: Սակայն, շրջանառվող լուրերը հենց նույն օրը հերքեց Ռ. Մուրադյանը` համապատասխան հայտարարությամբ: Այդուհանդերձ, բարձրացված աղմուկի մասին որոշակի հստակեցնող պատասխաններ «Իրավունքին» հաջողվեց ստանալ հենց տիկին Մուրադյանից: Նա նախեւառաջ նշեց, որ իր հերքումը հստակ էր եւ շեշտեց, որ չի՛ կարելի մի օրում քնել-արթնանալ եւ մեկին մի այնպիսի բան վերագրել, որ բոլորը զարմանան ու չհավատան: 

«ԻՆՉՊԵ՞Ս ԿԱՐՈՂ ԷՐ ԱՅԴ ԹԵՄԱՆ ԿԱՊՎԱԾ ԼԻՆԵԼ ԻՄ ԱՆՁԻ ՀԵՏ»

– Այդպես էլ չհասկացա, թե այդ աղմուկը ինչու բարձրացավ, երբ անգամ իրականությանը մոտ չէր: Ինչպե՞ս կարող էր այդ թեման կապված լինել իմ անձի, իմ արժեքային համակարգի հետ, այդ աղմուկ բարձրացնողներն ի՞նչ էին մտածել: Մի՞թե Ռուզաննա Մուրադյանի գործունեությունը մեկօրյա գործունեություն էր, չէ որ իմ թիկունքում տարիների կատարած աշխատանք կա եւ թողած արժեքներ: Հենց այնպես չէ մարդը կերտում իր կենսագրությունը` քայլելով որոշակի արժեքային աստիճաններով: Իմ մոտեցումները նման հարցերում միշտ եղել են ավանդական, ես ավանդական ընտանիքի զավակ եմ, ունեմ ավանդական ընտանիք, իմ երեխաների մեջ քարոզում եմ ավանդական արժեքներ: Հետեւաբար չէին կարող իմ մտահղացումները (որքան էլ հիմա ուզում են վերագրել իմ արժեքային համակարգին), որեւէ ձեւաչափով կապ ունեն այս թեմայի հետ: Եվ նույն կերպ, ուղղակի, զարմացած են այս պատմությունից մանկավարժական հանրության ներկայացուցիչները: Առհասարակ, պետք է խուսափենք նման ձեւով` առանց նայելու մարդու անցած ճանապարհին, հենց այնպես մարդուն պիտակ կպցնելը` լինի լավ, թե` վատ:

– Տիկին Մուրադյան, ամեն դեպքում, առանց կրակ, ծուխ չի լինում, ի վերջո, որեւէ դպրոցական ձեռնարկ տպագրե՞լ եք, թե` ոչ, եւ իրականում այն ի՞նչ բովանդակություն ունի:

– Ընդհանրապես չկա որեւէ ձեռնարկ` իմ կողմից վերջին տարիներին տպագրված: Եվ ինչպե՞ս կարող էր այն լինել, երբ այս թեման չկա մեր ծրագրում, մեր գաղափարների մեջ, մեր արժեհամակարգում: Իհարկե, տարբեր այլ թեմաներով ձեռնարկների պահանջարկ կա այսօր մանկավարժական հանրության կողմից, բայց դրանք բացառապես վերաբերում են դասղեկների աշխատանքին, ինքս նաեւ «Ծնողական համալսարան» հաղորդաշարն էի ստեղծել, որի շրջանակներում բարձրացված հարցերին վերաբերող ձեռնարկներ կարող են տպագրվել, օրինակ, երեխայի սովորելուն ուղղված եւ այլն: Բայց, ցավոք, դրա ժամանակը չունեմ, որ նստեմ եւ գրեմ: Ընդհանրապես, այս թեման ինձ մոտ նույնիսկ զայրույթ չի առաջացնում, որքան զարմանք, թե ինչպես կարող էին ինձ նման բան վերագրել:

«ԱՅՆ ԱՐԺԵՔՆԵՐԸ, ՈՐԻՆ ՓՈՐՁՈՒՄ ԵՆ ԱՆՈՒՂՂԱԿԻ ՁԵՎՈՎ ԻՆՁ ՄԱՍՆԱԿԻՑ ԴԱՐՁՆԵԼ, ԱՆՀԱՋՈՂ ՓՈՐՁ ԷՐ»

– Գաղտնիք չէ, որ հանդուրժողականության անվան տակ ժամանակ առ ժամանակ փորձում են դպրոց մտցնել սեռական փոքրամասնությունների եւ այլ ախտածին երեւույթների վերաբերյալ հարցերը: Հետաքրքիր է` Դուք ինչպե՞ս եք վերաբերում դրան:

– Կատեգորիկ դեմ եմ դպրոցներում նման ձեռնարկներ  ունենալուն, էլ չեմ ասում նման մտահղացումներ ունեցողների մասին: Դպրոցում պետք է աշակերտը սովորի եւ դաստիարակվի կրթական պետական չափորոշիչների շրջանակներում, իսկ մեր կրթական պետական չափորոշիչների շրջանակներում նման մոտեցումներ չկան: Մենք կարող ենք քարոզել մարդու իրավունքներ, ժողովրդավարություն, բայց դրան զուգահեռ, մենք չպետք է մոռանանք, որն է մեր տեսակը` հայի տեսակը, որտեղից ենք գալիս, ուր ենք գնում եւ ինչ արմատներից ենք սերում: 

– Այս դեպքում, ինչպե՞ս եք տեսնում պայքարը, որպեսզի վաղը, եթե ոչ Դուք, ապա մեկ ուրիշի կողմից նման մի ձեռնարկ չհայտնվի դպրոցներում:

– Ամեն մարդ թող ինքը մտածի, թե ինչպիսի պայքարի ուղի գտնի: Մենք ունենք Սահմանադրություն, որտեղ հստակ ամրագրել ենք` թե ինչ ասել է ընտանիք, եւ դրանով ամեն ինչ ասված է: Եթե հիշում եք, անգամ այդ սահմանումը գրելու ընթացքում բավականին քննարկումներ եղան: Ես այդ նույն ավանդական ընտանիքի ձեւակերպման կողմնակիցներից եմ եղել եւ պայքարել եմ դրա համար: Ես իմ գաղափարն առաջ եմ տարել, որ ընտանիք կարող է կոչվել միայն կնոջ եւ տղամարդու միասնությունը: Ի վերջո, կարծում եմ` հանրությունն ինձ չի էլ կարող պատկերացնել այլ գաղափարի կողմնակից, որովհետեւ իմ գործունեության մեջ որեւէ կետ չեք կարող գտնել, որը հանկարծ այլ ազդեցություն կարող է ունենալ: Այո՛, մենք պահպանողական ենք, գտնում ենք, որ մեր արմատները ամուր պետք է պահենք, եւ անընդհատ այդ արմատը պետք է սնուցել, որպեսզի հայի տեսակը նոր պտուղներ տա: Իսկ դա միայն ավանդական, պահպանողական մեր ուրույն արժեհամակարգի հիման վրա կարող է լինել: Այնպես որ, այն արժեքները, որին փորձում են անուղղակի ձեւով ինձ մասնակից դարձնել, անհաջող փորձ էր: Կարծում եմ` սա լավ ճանապարհ չի տանում եւ դատապարտված է ձախողման: Էլի եմ ասում` ես բազմիցս պաշտպանել եմ ավանդական ընտանիք ունենալու գաղափարախոսությունը, եւ հանկարծ ինձ փորձում են մեղադրել ինչ-որ մի բանում, որին անգամ մոտ չեմ իմ մտածողության որեւէ տիրույթում: 

«Ի՞ՆՉԸ ՊԵՏՔ Է ԲԱՑԱՀԱՅՏԵՐ ՎՊ-Ն, ԵՐԲ ՉԿԱ ԱՅՆ, ԻՆՉԻ ՄԱՍԻՆ ԽՈՍՈՒՄ ԵՆՔ»

– Շուտով «Ընտանեկան բռնությունների» թեման Ազգային ժողովում պատրաստվում են քննարկել ՀԿ-ների հետ: Ինչպիսի՞ն է այս հարցում Ձեր մոտեցումը:

– Դարձյալ` ավանդական: Բայց նաեւ դեմ եմ ընդհանրապես բռնությանը, ցանկանացած մարդու` լինի ընտանիքում, թե` դրսում: Երբ խոսքը կորցնում է իր ուժը, պետք չէ դիմել ավելի թույլ մեթոդի, որը բռնությունն է: Մենք պետք է մարդկանց գաղափարական մակարդակում բարձրացնենք այս հարցը, ոչ թե պարզապես ընդունենք ինչ-որ բան, որը միայն կանխարգելիչ նշանակություն է ունենալու: Պետք է մեր քաղաքացիների ինքնագիտակցությունը բարձրացնենք այն աստիճանի, որ խնդիրը չհասնի բռնությունը կանխելուն:

– Ի դեպ, նաեւ մամուլում տեղեկատվություն տարածվեց, որ երբ Վերահսկիչ պալատը սկսել է ուսումնասիրել Կրթության եւ գիտության նախարարության ֆինանսական գործունեությունը, բացահայտվել է, թե ինչ դրամաշնորհներ են տրվել կազմակերպություններին, այդ թվում` նաեւ Ձեզ պատկանող «Դպրոց-կենտրոններ միավորում» եւ «Կրթություն առանց սահմանի» ՀԿ-ներին: Ըստ նույն աղբյուրի` այս տարիներին ահռելի չափերի դրամաշնորհներ ու ֆինանսական աջակցություններ են ստացել Ձեր ՀԿ-ները ԿԳՆ-ից, նախագահի աշխատակազմից, երիտասարդական հիմնադրամից եւ այլն: Ի՞նչ կասեք այս մասին:

– Չկա նման գործընթաց, սա աբսուրդի թեմայից է: Ի՞նչ Վերահսկիչ պալատի բացահայտում, օդում ասված խոսքեր են: Ի՞նչը պետք է բացահայտեր Վերահսկիչ պալատը, երբ չկա այն, ինչի մասին խոսում ենք: Ամենակարեւորն այս ամբողջի մեջ այն է, որ երբ նայում ես իմ գործունեությանը կրթական ոլորտում, որեւէ մեկի համար ինչ-որ նոր մի բան չէ: Մինչդեռ մարդիկ փորձում են նոր որակներ տալ, ամբողջ մանկավարժական հանրությունը, որը մեր ծրագրերի անմիջական շահառուն է եւ մասնակիցը, կարող են փաստել այս ամենը: Սա, ուղղակի, ծիծաղ է առաջացնում եւ իրականությանը չի համապատասխանում: 

ՀՐԱՆՏ ՍԱՐԱՖՅԱՆ

http://iravunk.com/news/39272

Ցանկացած քննադատություն պետք է հիմնավոր լինի

Հարցազրույց ՀՀԿ խորհրդարանական խմբակցության անդամ ՌՈՒԶԱՆՆԱ ՄՈՒՐԱԴՅԱՆԻ հետ

-Հայտնի է, որ մինչ պատգամավոր լինելը զբաղվել եք մանկավարժական գործունեությամբ, տարիներ առաջ ստեղծել «Դպրոց-կենտրոնների միություն» իրավաբանական անձանց միությունը: Կներկայացնե՞ք, թե այսօր ի՞նչ գործունեություն է իրականացնում հիշյալ միությունը:

-«Դպրոց-կենտրոնների միություն» իրավաբանական անձանց միության անդամները տարբեր մարզերի դպրոցներ են, այն ՊՈԱԿ-ների միություն է, որի շահառուները մանկավարժներն ու աշակերտներն են: Միությունը կրթական ցանց է, որն ապահովում է համագործակցություն մարզերի, քաղաքների, սահմանամերձ դպրոցների միջեւ: 
Միությունը բազմաթիվ ծրագրեր է իրականացնում, որոնք ուղղված են մանկավարժների մասնագիտական կարիքների բավարարմանը, կատարելագործմանը: 
Որպեսզի առավել պարզ լինի ասելիքս, թվարկեմ մեր միջոցառումներից մի քանիսը: Այսօր մշակույթի նախարարության աջակցությամբ իրականացնում ենք «Հայոց պետական խորհրդանշաններ» խորագրով միջոցառումների շարք, որի մասնակիցները բոլոր մարզերի աշակերտներն են: 
Ծրագրի նպատակն է նպաստել  9-10-րդ դասարանի աշակերտների շրջանում ազգային պետական խորհրդանշանների արժեւորմանը, ազգային արժեհամակարգի ձեւավորմանը, ժառանգության գնահատմանն ու պահպանմանը: Հրավիրված փորձագետի կողմից մշակվել է «Հայոց պետական խորհրդանշաններ» խորագրով դասի պլան: Մանկավարժների հետ կազմակերպվել է սեմինար, թե ինչպես անցկացնել այս դասը, ինչի շնորհիվ աշակերտները կպատրաստեն հայոց պետական խոհրդանիշերին վերաբերող պաստառներ:

Կկազմակերպվի մրցույթ, կընտրվեն լավագույնները ու կստանան մրցանակներ: Սա մի ծրագիր է, որը երեխաների մեջ կձեւավորի պետական մտածողություն: Սա արդեն փորձված մեթոդ է, նույն սկզբունքով առաջիկայում կիրականացնենք նաեւ «Հայ զինվորը...» խորագրով մրցույթը։ Ծրագրի նպատակը մեր երեխաներին ռազմահայրենասիրական ոգով դաստիարակելն է, հայրենիքի պաշտպանության հանդեպ պատասխանատվության զգացումի բարձրացումը, հայոց ազգային բանակի եւ հայ զինվորի կերպարի արժեքի, դերի ու նշանակության կարեւորումը:

Հետաքրքիր ծրագրեր ենք իրականացնում, որոնք ուղղված են մեր երեխաների մասնագիտական կողմնորոշմանը։ Փորձեցինք աշակերտների ուշադրությունը հրավիրել ինժեներական մասնագիտությունների ՏՏ ոլորտի վրա:
Կազմակերպեցինք նաեւ «Ես հպարտ եմ» խորագրով մրցույթ։ Հայ երեխան պետք է իմանա, թե ինքն ինչով է հպարտ, հասկանա, որ դրանք իր ազգային արժեքներն են, իր արմատներն ու ավանդույթներն են, եւ գիտակցի, որ պետք է ամուր պահի իր արժեքները ու լինի դրանց ժառանգորդը: 
Աշխարհը փոփոխվում է, մեր երկիրը պետք է համընթաց գնա տեղի ունեցող փոփոխություններին, բայց միաժամանակ պարտավոր ենք պահել մեր ինքնությունն ու տեսակը, ամեն ինչ անել, որ այս փոփոխությունների մեջ մեր երեխաները չկորցնեն իրենց՝ հայի դիմագիծը: Արմատից կտրված ծառը չի կարող առողջ ու բարի պտուղ տալ: Մեր բոլոր ծրագրերը միտված են այս գաղափարախոսությանը:

Այս հարթակում քննարկվող խնդիրները իմ պատգամավորական ջանքերով գալիս են խորհրդարան, դառնում օրենսդրական նախաձեռնություններ՝ միտված կրթության ոլորտի բարելավմանը: Երկրիս հանդեպ ունեցած սրտացավությունն է, որ ինձ մղում է իմ ունակություններն ու հնարավորություններն ի սպաս դնել կրթական ոլորտի զարգացմանը, չէ՞ որ երկրի զարգացման հենքը ազգային ամուր դպրոցն է:

-Օրերս մամուլում եղավ մի հրապարակում, որի նպատակը ոչ թե միության կատարած աշխատանքն օբյեկտիվորեն ներկայացնելն էր, այլ ակնհայտ էր ստվերելու, ցեխ շպրտելու միտումը:

-Ցավում եմ, որ կարող են նաեւ ի հայտ գալ նման հոդվածներ: Դժվար է ասել, թե ինչու են նման պետականամետ, ազգաշահ միության աշխատանքները երբեմն թիրախավորվում ու քննադատության արժանանում: Ես ուզում եմ, որ մեր ծրագրերը արժանիորեն գնահատվեն, որովհետեւ դրանք իրականացնում են մեր մանկավարժներն ու աշակերտները:

Ցանկացած քննադատություն պետք է լինի հիմնավոր եւ օբյեկտիվ: Չմոռանանք, որ միության ու այնտեղ իրականացվող ծրագրերի մասնակիցները, շահառուները Հայաստանի մանկավարժներն ու աշակերտներն են, այսինքն՝ աշխատանքի հետեւում մի մարդ չի կանգնած, Ռուզաննա Մուրադյանը չէ, այլ մանկավարժական հանրույթն է:
«Դպրոց-կենտրոնների միություն» իրավաբանական անձանց միությունն ունի իր աշխատակազմը՝ տնօրեն, աշխատակիցներ, որոնք, չնայած չնչին աշխատավարձին՝ սիրով աշխատում են ու ապահովում բոլոր ծրագրերի, հավաքների, սեմինարների նախագծերի իրականացումը, վարում կազմակերպության կայքը:

Հեղինակ՝ Արմինե Սիմոնյան

http://haymedia.am/?p=26990&l=am%2Fcankacac+qnadatutyun+petq+e+himnavor+lini

Ռուզաննա Մուրադյանը հերքում է, որ փոքրամասնությունների պաշտպանության վերաբերյալ ձեռնարկ է տպագրել

Նման ձեռնարկ չկար և չէր էլ կարող նախաձեռնվել, Aysor.am-ի թղթակցի հետ զրույցում ասաց ՀՀԿ-ական պատգամավոր Ռուզաննա Մուրադյանը՝ անդրադառնալով մամուլի հրապարակումներին, թե իրեն պատկանող ՀԿ-ն փոքրամասնություններին հանդուրժողական լինելու վերաբերյալ ձեռնարկ է տպագրել։

 «Մենք մարդու իրավունքներին դեմ չենք, բայց ունենք սկզբունքներ, մոտեցումներ և արժքներ, որոնց դավանում ենք։ Մեր ծրագրերը եղել են կրթության ոլորտին նպաստող, քաղաքացու դաստիարակությանն ուղղված», - ասաց Ռուաննա Մուրադյանը։

Վերջինս ընդգծեց, որ գործադրվում են բոլոր ջանքերը՝  ժողովրդավար քաղաքացիներ դաստիարակելու համար։

«Դա իր մեջ շատ արժեքներ է պարունակում, բայց եկեք մենք մեզանով այդ արժեքները չմեկնաբանենք և վերագրենք որևէ մեկին։ Պետք է թույլ տալ, որ նախ յուրաքաչնյուր մարդ ինքը որոշի իր ուղղվածությունը, և կարողանանք ճիշտ քաղաքականություն մշակել, հատկապես, երբ խոսքը վերաբերում է երեխային, մի խեղաթյուրեք», - ասաց նա։

Ավելի վաղ, «Ժողովուրդ» օրաթերթում հրապարակումներ եղան, համաձայն որոնց, Ռուզաննա Մուրադյանի ղեկավարած ՀԿ-ն ձեռնարկ է տպագրել, որով նպատակ է ունեցել սեռական փոքրամասնությունների հանդեպ հանդուրժողականություն քարոզել։

Նյութի աղբյուր՝

https://www.aysor.am/am/news/2017/09/11/%D5%8C%D5%B8%D6%82%D5%A6%D5%A1%D5%B6%D5%B6%D5%A1-%D5%84%D5%B8%D6%82%D6%80%D5%A1%D5%A4%D5%B5%D5%A1%D5%B6/1308927

Ռուզաննա Մուրադյանը` փոքրամասնությունների ձեռնարկի մասին

Նյութի աղբյուրը՝
https://www.youtube.com/watch?time_continue=9&v=orC114raaLU

Ռուզաննա Մուրադյանն առաջարկեց պետպատվերի շրջանակում ներառել անհետաձգելի օգտագործման դեղորայքը

Կառավարության կողմից ներկայացված «Գործունեության իրականացման ծանուցման մասին և կից ներկայացված օրենքների փաթեթի քննարկմանը «Հայաստանի Հանրապետական կուսակցություն» խմբակցության պատգամավոր Ռուզաննա Մուրադյանը հետաքրքրվեց շտապ և անհետաձգելի բժշկական օգնությունից: 

«Որքան լինենք հրատապ, կարողանանք հիվանդին նախատեսված բնակավայր տեղափոխել, այնքան շատ կյանքեր կկարողանանք փրկել»,-ասաց նա:

Պատգամավորը պատմեց՝ վերջերս ականատես է եղել, երբ կաթված ստացած հիվանդին տեղափոխել են հիվանդանոց, այնտեղ ասվել է, որ եթե 3 ժամվա մեջ հասցնեն դեղ ներարկել, առողջական վիճակը կկարգավորվի:

«Արտասահմանյան որոշակի բժշկական հաստատություններում կա արդեն այդ դեղը, որ պատրաստ պահում են ներարկման համար, եթե հիվանդին ինսուլտով տեղափոխում են»,-ասաց նա:

Նա առաջարկեց պետպատվերի շրջանակներում տեղավորել նման դեղորայքի ձեռքբերումը:

Առողջապահության փոխնախարար Սերգեյ Խաչատրյանը պատասխանեց, որ նման դեպքերում տեղում անհրաժեշտ առաջին օգնություն է ցուցաբերվում, որոշակի գործողությունների և միջամտությունների իրականացում է լինում, հիվանդին մոտակա կենտրոն են տեղափոխում: 

Սակայն նա համաձայնեց. «Դեղորայքի ցանկը վերանայման կարիք ունի»:

Նյութի աղբյուրը՝  http://www.slaq.am/arm/news/1199570/

Հարց ՀՀ առողջապահության փոխնախարար Ս.Խաչատրյանին

Ռուզաննա Մուրադյանը հերքում է, որ սեռական փոքրամասնությունների նկատմամբ հանդուրժողականություն է քարոզել

«Ժողովուրդ» օրաթերթը և armlur.am կայքը այսօր՝ 08/09/2017թ., հրապարակել են հոդված՝ «Սեռական փոքրամասնությունները, Ռուզան Մուրադյանը և ԿԳՆ-ն. ուշագրավ պատմություն» վերնագրով: Օրեր առաջ, սույն հոդվածի բովանդակության վերաբերյալ «Ժողովուրդ» օրաթերթի լրագրողները հարցազրույցի տեսքով պարզաբանում են ստացել պատգամավոր Ռուզաննա Մուրադյանից, որում նա հերքել է սույն տեղեկատվությունը: Չնայած դրան՝ այսօր այս ապատեղեկատվությունը տեղ է գտել մամուլում, իսկ կայքում, նույնիսկ, չի անդրադարձ չի կատարվել հերքմանը: Հայտարարում ենք, որ Ռուզաննա Մուրադյանի անվան շուրջ տարածվող, հանրությանը մոլորության մեջ գցող, հասարակության շրջանում հակակրանք բորբոքող այս նյութը իրականության հետ որևէ աղերս չունի: 

Խնդրում ենք թերթի և armlur.am կայքի խմբագրությանը, ինչպես նաև նյութը տարածած մյուս լրատվամիջոցներին հերքել այս ապատեղեկատվությունը: Ռուզաննա Մուրադյանը ևս մեկ անգամ հերքում է, որ սեռական փոքրամասնությունների նկատմամբ հանդուրժողականություն չի քարոզել, նման բովանդակությամբ ձեռնարկ չի տպագրել, և անբարոյականություն է որակում իր անձը նման քարոզ իրականացնելու գործընթացի հետ կապելը: 

Կոչ ենք անում ավելի ուշադիր հետևել պատգամավորի գործունեությանը, փորձել գտնել գոնե մեկ կետ, որտեղ նա խախտել է հայակենտրոն, ավանդական իր դիրքորոշումը, հայեցի բարքերին հակասող որևէ քայլ է իրականացրել այն ոլորտներում, որտեղ երբևէ ծավալել է գործունեություն՝ կլինի դա կրթական ոլորտ, օրենսդրական դաշտ, հասարակական սեկտոր, թե, պարզապես, միջանձնային հարաբերություններ:

Նյութի աղբյուր՝ http://www.slaq.am/arm/news/1199011/

Վստահեցնում եմ, որ բարձրաձայնված ոչ մի խնդիր անտեսված չի մնա. ԿԳ նախարար

ՀՀ կրթության և գիտության նախարար Լևոն Մկրտչյանը հանդիպել է «Դպրոց-կենտրոնների միություն» իրավաբանական անձանց միության ներկայացուցիչների հետ, որի ընթացքում քննարկվել են նոր ուսումնական տարվա հնարավոր խնդիրներն ու հիմնական առաջնահերթությունները: Իր ելույթում նախարարը նշել է, որ դպրոցները պետք է մշտապես կապի մեջ  լինեն միմյանց հետ և ապահովեն փորձի փոխանակում, քանի որ, ըստ Լևոն Մկրտչյանի, միայն այդ կերպ է  հնարավոր արդյունավետ բարեփոխումներ ապահովել համակարգում: Նախարարը կարևորել է նման հանդիպումների անցկացումը՝ ընդգծելով, որ միայն բաց հարթակում կարող են տարաբնույթ քննարկումներ լինել, որպեսզի այդ թվում բազմավաստակ մանկավարժները հնարավորություն ունենան իրենց դիտարկումները հստակ և հրապարակային արտահայտել: «Կրթության հիմնախնդիրները և, մասնավորապես, կրթության որակի բարձրացման հարցը հուզում է հասարակության բոլոր շերտերին: Վստահեցնում եմ,  որ բարձրաձայնված ոչ մի խնդիր անտեսված չի մնա, քանի որ  կրթության որակը, ուսուցչի և դպրոցի հեղինակությունը կբարձրանա միայն այդ խնդիրների լուծումից հետո: Ներկայումս համակարգը գտնվում է լուրջ վերափոխումների շեմին: Մոտ ապագայում հանրությանը կներկայացվի մինչև 2030 թվականի Կրթության զարգացման պետական ծրագիրը: ՅՈՒՆԵՍԿՕ-ն ներկայացրել է կրթության զարգացման հիմնական ուրվագծերը, և ինչպես ժամանակին դրված էր «Կրթություն բոլորի համար» քաղաքականությունը, ապա ներկայումս նոր՝ կրթակարգերի առկայություն է ավելի շատ պահանջում և հեռանկարային ուղղվածություն է սահմանվել մինչև 2030 թվականը: Սա նշանակում է, որ յուրաքանչյուր երկիր, մեկ անգամ ևս գնահատելով իր ռեսուրսները, պետք է հասկանա՝ դեպի ուր նպատակաուղղել կրթական համակարգը»,-նշել է նախարարը՝ իր ելույթում անդրադառնալով բնագիտական առարկաների կարևորման, օտար լեզուների մեթոդիկայի որակական պահանջների բարձրացման, կառավարման քարտեզի արմատական լուծման, դպրոցների ֆինանսավորման նոր մեխանիզմների մշակման, ուսուցիչների սոցիալական վիճակի բարելավման և այլ խնդիրների: «Բոլոր այս խնդիրներից զատ, անհրաժեշտ է վերանայել կրթական չափորոշիչները և իրականացնել ուսումնական ծրագրերի և ուսուցիչների աշխատանքի բեռնաթափման աշխատանքներ՝ միաժամանակ պահպանելով կրթության որակը: Շատ կարևոր է նաև տարակարգերի խնդիրը. ուսուցչին անհրաժեշտ է վերադարձնել իր մոտիվացիան, և, օրինակ, 1-4-րդ տարակարգերի մեջ պահպանել վարձատրության համամասնության սկզբունքը: Եթե, օրինակ, ուսուցիչը գիտությունների թեկնածու է, ուրեմն վերջինս պետք է հնարավորություն ունենա թռիչքաձև բարձրացնել իր տարակարգը»,-ընդգծել է նախարարը:

«Դպրոց-կենտրոնների միություն» իրավաբանական անձանց միության նախագահ Ռուզաննա Մուրադյանն իր հերթին նշել է, որ ԿԳ նախարարի հետ նախորդ հանդիպումից հետո մի շարք բարձրաձայնված հարցեր ստացել են իրենց լուծումները: Նրա խոսքով՝ այս անգամ ևս միությունը պատրաստվում է ներկայացնել առաջարկների փաթեթ, քանի որ ըստ Ռուզաննա Մուրադյանի, միայն ազատ քննարկումների արդյունքում է հնարավոր գտնել համարժեք և արդյունավետ լուծումներ:

Ներկաները մի շարք հարցեր են ուղղել ԿԳ նախարարին, որոնք հիմնականում վերաբերել են ուսուցիչների վերապատրաստման, փոքր թվաքանակ ունեցող դպրոցների, ուսուցչի թափուր տեղի համար անցկացվող մրցույթի և այլ խնդիրների:

ԿԳՆ

http://www.yerkir.am/news/view/135536.html

Ուսուցչի սոցիալական վիճակը բարելավելով կբարձրանա նրա հեղինակությունը

Նյութի աղբյուրը՝ https://www.youtube.com/watch?v=MZd0-e6Y8SI&app=desktop

Հարցս պարոն Տ.Մուկուչյանին «Կենտրոնական ընտրական հանձնաժողովի գործունեության մասին» զեկույցի վերաբերյալ

Ելույթ Հեռուստատեսության և ռադիոյի ազգային հանձնաժողովի գործունեության վերաբերյալ

Հարց ՀՀ էներգետիկ ենթակառուցվածքների և բնական պաշարների նախարարի տեղակալ Հ.Հարությունյանին

Հանձնաժողովի նիստին

ՀՀ Ազգային ժողովի գիտության, կրթության, մշակույթի, երիտասարդության եւ սպորտի հարցերի մշտական հանձնաժողովի անդամները մայիսի 29-ին կայացած նիստում առաջին ընթերցմամբ քննարկեցին ՀՀ կառավարության հեղինակած «Հեռուստատեսության եւ ռադիոյի մասին» ՀՀ օրենքում փոփոխություններ եւ լրացում կատարելու մասին» եւ «Պետական տուրքի մասին» ՀՀ օրենքում փոփոխություններ կատարելու մասին» օրենսդրական փաթեթը, որի ընդունումը պայմանավորված է Հայաստանում թվային ռադիոհեռարձակման անցնելու ժամկետների փոփոխության անհրաժեշտությամբ:

Ուսուցչի աշխատանքի խրախուսման մեխանիզմների մշակում. Ռուզաննա Մուրադյանը` կառավարության ծրագրի մասին.

ՀՀ ԱԺ-ն այսօր ձայների մեծամասնությամբ ընդունեց կաավարության 2017-2022 թթ-ի ծրագիրը: «Իրավունքը» ՀՀԿ պատգամավոր Ռուզաննա Մուրադյանից  պարզեց`որո՞նք են առաջնահերթ  խնդիրները  ծրագրում` ըստ նրա: Կառավարության ծրագրի թիրախները քաղաքացու կյանքի որակի  բարելավումն է: «Ես կառանձնացնեմ ուսուցչի աշխատանքի խրախուսման. վարձատրության մեխանիզմների մշակումը, որի մասին տարիներ շարունակ  խոսել ենք: Կարեւոր եմ համարում նաև դպրոցների ֆինանսավորման համակարգի նոր ներդրումը: Խնդիր, որը բարձրաձայնել են տարիներ շարունակ կրթական ոլորտի մասնագետները»,- ասաց ՀՀԿ պատգամավորը:

Տիկին Մուրադյանը  կառավարության ծրագրում կարեւոր է համարում նաև   սոցիալական, առողջապահական  ծրագրերի հասցեական լինելը: 

-Այն  ֆինանսները, որոնք հատկացվում են կրթության ոլորտին, բավարա՞ր են Ձեր կողմից մատնանշված խնդիրները  լուծելու համար: 

Այն, որ մենք արդեն 100%-ով անցնում ենք բյուջետային ծրագրավորման,  այսինքն` վերջնարդյունքից գալիս ենք դեպի ֆինանսական միջոցներ... կարծում եմ` առաջիկայում կրթության ոլորտին հատկացվղ գումարները բավարար չեն լինելու: Այսօր կրթության ոլորտին տրվող գումարները պետք է ծախսվեն  արդյունավետ,  ծախսման ուղղությունը պետք է փոխվի: 

http://iravunk.com/news/33008

Մանրամասները` տեսանյութում:

ՍՈՆԱ ԴԱՎԹՅԱՆ

https://www.youtube.com/watch?v=bFfH3aDHUaw

Ինչպե՞ս է ՀՀԿ-ն կառուցելու խելացի Հայաստան. Ռուզաննա Մուրադյանը` կառավարության ծրագրի մասին

«Որակական փոփոխությունները, ճիշտ եք, ուղղակիորեն կապված են ֆինանսների հետ: Բայց մյուս կողմից էլ կապված են առկա ֆինանսները ճիշտ կառավարելու, ճիշտ տնօրինելու, առաջնահերթությունները ճիշտ սահմանելու հետ: Այդ առումով, կառավարության ծրագրում, հիմքերն արդեն նախորդ ինն ամիսների ընթացքում դրվել են: Որոշ ծրագրեր շարունակական կլինեն, կիրագործվեն նաեւ նոր ծրագրեր, որոնք ուղղակիորեն կազդեն կրթության բովանդակության վրա»,-Aravot.am-ի հետ զրույցում ասաց ՀՀԿ խմբակցության պատգամավոր Ռուզաննա Մուրադյանը: Տիկին Մուրադյանից հետաքրքրվել էինք`ինչպե՞ս է իշխող ՀՀԿ-ն պատրաստվում կառուցել վարչապետի խոստացած խելացի Հայաստանը, ինչպե՞ս են որակական փոփոխություններ ապահովելու, երբ ներկայացված նախագծում եւս կրթության ու գիտության ոլորտին տրամադրված գումարները էականորեն զիջում են միջազգային չափանիշներին: Զարգացած եւ զարգացող երկրների կրթության եւ գիտության ոլորտների տրամադրվում է ՀՆԱ-ի 3-4 տոկոսը: «Հարց է դրված`ՀՀ քաղաքացուն տալ այնպիսի կրթություն, որը կազդի թե իր, թե իր շրջապատի կյանքի որակի վրա: Ուստի շատ կարեւոր է, որ նոր կրթական ծրագրերում ներդրվեն այնպիսի առարկաներ, որոնք նոր խոսք են, ժամանակի մարտահրավեր են: Իսկ դրանք ներդրված են, մասնավորապես, ձեռնարկատիրական, ֆինանսական կրթություններին ուղղված ծրագրերը: Ես կարեւորում եմ նաեւ մաթեմատիկական եւ բնագիտական առարկաներին մեծ տեղ տալու բաղադրիչը, դա կյանքի հետ կապելը»,- ասաց մեր զրուցակիցը` հավելելով, որ ինքը դրանով բնավ չի ստորադասում հեռավոր անցյալի`մեր կրթությանը մաս կազմելը: Ասում է, պետք է նկատի ունենանք, որ ամեն դեպքում, այսօր ապագայի քաղաքացիներ ենք պատրաստում: Կառավարության ծրագրի առանցքը Ռուզաննա Մուրադյանը համարում է այն, որ ուսուցչի դերակատարությունը եւ նշանակությունը վերագնահատվելու է, խրախուսման տարբերակներ են ներդրվելու: 

Ամբողջական հոդվածը կարող եք կարդալ այս  հասցեով՝ http://www.aravot.am/2017/06/21/893100/ 

Հարցազրույց ՀՀ կառավարության ծրագրի վերաբերյալ

https://www.youtube.com/watch?v=SLE-sH_I-mY&feature=share

21.06.2017թ.

Ելույթ ՀՀ կառավարության ծրագրի վերաբերյալ

21.06.2017թ.

Համաժողով Փարիզում

Հունիսի 6-7-ը Փարիզում մասնակցեցի <<21-րդ դարի կոմպետենցիաները>> թեմայով միջազգային ֆորումին, որին մասնակցում էին 150 երկրի ներկայացուցիչներ: Լայն հնարավորություն ստեղծվեց տարբեր երկրների խորհրդարանականների համագործակցության համար:

«Հայաստանի դերը «Մետաքսե ճանապարհ» հայեցակարգի համատեքստում»

Լուրերը, թե ՀՀԿ-ում կան թևեր ու նրանց մեջ լարված հարաբերություններ են՝ սուտ է

Հարցազրույց ՀՀԿ խորհրդարանական խմբակցության պատգամավոր Ռուզաննա Մուրադյանի հետ

-Ժամանակ առ ժամանակ շրջանառվում են լուրեր ՀՀԿ-ում ներքին թևերի գոյության ու նրանց միջև առկա ներքին լարվածության մասի, մասնավորաբար, չեն ավարտվում ՀՀԿ կանանց ներքին լարվածության մասին պատմվող լուրերը: Այդ խոսակցությունները վերսկսվեցին, երբ նոր ձևավորված խորհրդարանը ձեռնամուխ եղավ ԱԺ նախագահ, փոխնախագահներ, հանձնաժողովների նախագահների ընտրությանը, ու լուրեր տարածվեցին, թե որոշ ՀՀԿ-ականներ դեմ քվեարկեցին իրենց թիմակիցներին: Այդ շարքում նաև ձեր անունը հիշատակվեց: Ի՞նչ է սա՝ փոթորիկ մեկ բաժակ ջրո՞ւմ, թե՞ կրակն առանց ծուխ չի լինում:

-Այդ ամենն ուղղակի մտացածին պատմություններ են, որոնք ժամանակ առ ժամանակ հրապարակ են նետվում: Մի դեպքում սկսում են խոսել իբրև թե կան երիտասարդների ու հնաբնակների լարված հարաբերություններ, մեկ այլ դեպքում՝ ՀՀԿ-ական կանանց շուրջ են պատմություններ հյուսվում: Այդ ամենը մեկ բառով ասած՝ սուտ է: Այստեղ ես միտում եմ տեսնում, փաստորեն, փորձում են խաթարել ՀՀԿ շարքերի ամրությունը, մոռանալով, որ ՀՀԿ-ն քաղաքական դաշտում գործող միակ ամուր, կուռ քաղաքական կառույցն է, ու նման կեղծ լուրեր շրջանառելով չեն կարող խաթարել մեր ներքին միասնությունը: Իսկ ՀՀԿ-ի ամրության, մեր թիմում առկա փոխըմբռման մասին են վկայում մեր հաղթանակները: Խորհրդարանական ընտրություններում ՀՀԿ-ի տարած հաղթանակը եղավ շնորհիվ մեր համախմբված աշխատանքի: ՀՀԿ-ն միակ կուսակցությունն էր, որը նախընտրական շրջանում կոնկրետ ձևակերպեց իր խնդիրները, տվեց առկա իրավիճակի գնահատական ու մատնանշեց կոնկրետ լուծումներ:

Իմ տպավորությամբ այդ կեղծ էժանագին լուրեր տարածում են այն կուսակցությունները, որոնք փորձում են ստվերել քաղաքական դաշտում գործող հզոր կուսակցությանը՝այդ կերպ թաքցնելով իրենց իսկ ներսում առկա չլուծված խնդիրները: Իսկ այդպիսիք կան, մենք տեսանք, որ այլ կուսակցությունների ներսում նման թևեր կան, և տեսանք, թե ինչպես պառակտվեցին: Բայց ինձ համար զարմանալի է, որ մամուլը նման չստացված կուսակցությունների ֆոնին սլաքն ուղղվում է կայացած կուսակցությանը:

Ինձ խիստ վրդովվեցնում է նաև ՀՀԿ կանանց մասին շրջանառվող սին, հորինովի լուրերը: Հարգելիներս ՀՀԿ կանանց շարքերում լարվածություն չկա: Չգիտեմ, ո՞ւմ շահերից է բխում նման լուրերի տարածումը, բազմիցս եմ ասել՝ դրանք հորինվածքներ են, գուցե լուրեր են տարածում այն մարդիկ, որոնք ունակ չեն թիմային աշխատանքի: Ցավում եմ, որ իմ անունը ևս շրջանառվեց: Հանձնաժողովի նախագահների քվեարկության ժամանակ որոշ լրատվամիջոցներ սկսեցին խոսել՝ այսինչը չի քվեարկել այնինչի օգտին՝ սուտ է: Ինքս հաշվիչ հանաձնաժողովի անդամ եմ, քվեարկել եմ մեր քաղաքական թիմի որոշման համաձայն և որևէ մեկը բարոյական իրավունք չունի սին ենթադրություն անել, թե Ռուզաննա Մուրադյանը դեմ է քվեարկել Արփինե Հովաննիսյանի դեմ: Ինչպե՞ս կարելի է կեղծիք տարածել: Չգիտեմ ում ջրաղացին են ջուր լցնում նման կեղծիքով: Ես քաղաքկան թիմի անդամ եմ և քվեարկել եմ մեր թիմի քաղաքական որոշման համաձայն:

Ես հպարտ եմ մեր թիմի յուրաքանչյուր անդամի հաջողությամբ, ու բարձր եմ գնահատում պրոֆեսիոնալիզմը, նրանցից ամեն մեկի հաջողությունը նաև թիմի և մեր երկրի հաջողությունն է, քանի որ ՀՀԿ-ն իշխանական կուսակցություն է ու պատասխանատու է մեր երկրի համար: Այնքան շատ է ՀՀԿ պատգամավորներիս աշխատանքը, այնքան մեծ է մեր քաղաքական թիմի պատասխանատվությունը մեր աշխատանքի ու մեր քաղաքական որոշումների հանդեպ, որ մենք չենք կարող մեր ժամանակն անտեղի ծախսել ու զբաղվել ներքին ինտրիգներ լարելով: ՀՀԿ-ն լուրջ կուսակցություն է, որն իր ուսերին տանում է երկրի պատասխանատվությունը, այնպես որ նման բամբասանքներին լուրջ չի վերաբերվում, մենք չենք կարող մեզ թույլ տալ տարվել նման ճղճիմ խոսակցություններով:

Ասեմ նաև,որ ՀՀԿ-ում շատ ճիշտ է ընթանում կուսակցաշինության գործընթացը. Մեր քաղաքական ուժը համալրվեց նոր, երիտասարդ կադրերով՝ հնաբնակաների կողին միջին սերունդն է, զուգահեռաբար շարքերը համալրում են նորերրը: Այս սկզբունքով է ՀՀԿ-ն առաջնորդվում իր կադրային քաղաքականության մեջ, ինչը կառավարման արդյունավետության երաշխիքներից մեկն է: Թող բոլորը լավ իմանան, որ ՀՀԿ-ում թևեր ու խմբեր չկան կա մեկ ամբողջական թիմ, որն ունի կայուն ու միասնական գործելոճ: Ինչն էլ տվեց իր ցանկալի արդյունքները և՛ համապետական, և՛ ավագանու ընտրություններում:

-Իսկ Կարեն Կարապետյանի կառավարության աշխատանքի արդյունքները գոհացնո՞ւմ են ՀՀԿ-ին:

-Մինչև կառավարության աշխատանքին գնահատական տալը նախ հիշենք, թե ի՞նչ իրավիճակում վարչապետ Կարապետյանը ստանձնեց կառավարության ղեկը: Կառավարության ձևավորվելուն հաջորդեց խորհրդարանի ընտրությունների նախընտրական փուլը, ապա քարոզարշավը, որն հիմնականում անցավ Կարեն Կարապետյանի գլխավարությամբ, Խորհրդարանի ընտրություններից շատ չանցած սկսվեց մեկ այլ ընտրական գործընթացներ, այս անգամ Երևանու ավագանու ընտրությունները: Այսինքն, մենք հիմա միայն թոթափվել ենք մեկը մեկին հաջորդած ընտրական գործընթացներից ու հունի մեջ ենք մտնում: Հետևաբար, կառավարության գործունեությանն արդարացի գնահտական տալու համար նախ պետք է սահմանենք իրատեսական ժամկետներ, պետք չէ կեղծ պատրանք ստեղծել, որ ժողովրդին էլ չթվա, թե ընտրություններից մեկ ամիս անց արդեն պետք է տեսանելի լինեն արդյունքները: Այդպես չի կարող լինել: Կարելի է ասել ամեն ինչ նոր է սկսվում: Ուրեմն, արդյունքները գնահատելն էլ դեռ վաղ է, դեռ ժամանակ տանք մեր կառավարությանը ու սպասենք արդյունքներին, որից հետո կարելի է միայն խոսել հանգամանորեն ու իրատեսականորեն: Ինչպես տեսաք Կառավարության կազմում ընդանենը մեկ փոփոխություն եղավ, Ազգային ժողովի փոխնախագահ ընտրված Արփինե Հովհաննիսյանի փոխարեն արդարադատության նախարարի պաշտոնում նշանակվեց Դավիթ Հարությունյանը: Այսինքն, կուսակցությունը որոշեց Կարեն Կարապետյանի ղեկավարած կառավարությանը հնարավորություն տալ առանց էական փոփոխությունների շարունակել իր աշխատանքը: Շուտով ականատես կլինեք նաև կառավարություն-ԱԺ նոր ձևաչափով համագործակցության , որն իմ կարծիքով լինելու է շատ արդյունավետ, մենք կօգտվենք սահմանադրորեն մեզ վերապահված իրավունքներից ու արդյոնավետ կաշխատենք:

-Խորհրդարանական համակարգի անցման ողջ ծանրությունն ընկած է այս խորհրդարանի ուսերին: Ու դա է պատճառը, որ հաճախ արդարացիորեն հարց է հնչում՝ այս նորաստեղծն ունի՞ այդ ներուժը:

– Թե ինչպիսի խորհրդարան ունենք՝ հարցի պատասխանը կարող եմ տալ երկու տարի հետո, քանի որ ճիշտ չեմ համարում այսօրվանից՝ առաջին հայացքից գնահատել մի բան, որի աշխատանքը դեռ նոր պետք է տեսնենք: Այսինքն՝ ժամանակ է հարկավոր: Իսկ մինչ այդ մի բան նկատելի է, որ խորհրդարան են եկել նոր թարմ ուժեր, քաղաքական բոլոր թիմերում կան փոփոխություններ, 41 նոր պատգամավորներ ունենք, իսկ նորը փոփոխություն է, որն ինքնանպատակ չէ: Նորը չի կարող իր հետ նոր մոտեցում, թարմ մտածողություն ու նոր գործելաոճ չբերել: Իհարկե, անցած խորհրդարանում ևս քիչ չէին պրոֆեսիոնալ, բանիմաց պատգամավորները, բայց ինձ ուրախացնում է, որ եկողները ևս պատրաստված մարդիկ են: Ի դեպ, սա այն փոփոխությունն է, որը նաև մեր ժողովուրդն էր ակնկալում:

Այնպես որ, նոր խորհրդարանն իր նոր կազմով ինձ հույսեր է ներշնչում: Ինչպես ՀՀ նախագահ Սերժ Սարգսյանն ասաց՝ մենք մտնելու ենք բեկումնային մի ժամանակաշրջան, որն իր բնույթով լինելու է խոստումնալից, բայց նաև պատասխանատու: Հուսով եմ, որ կուենանք շատ ակտիվ ու պատասխանատու խորհրդարան:

–Մինչ պատգամավոր ընտրվելը դուք եղել ենք կրթության ոլորտի լավագույն մասանագետներից մեկը, հետևաբար որպես ոլորտը լավ իմացող անձ ի՞նչ կասեք օպտիմալացում կոչվող գործընթացի մասին: Կառավարության այս որոշումը միանշանակորեն չի ընդունվում, կա կարծիք, որ դրա իրականացումը բավական լուրջ ցնցումներ է առաջացնելու համակարգում, կորցնելու ենք լավ մասնագետների: Արդա՞ր ճանապարհով է գնում կառավարությունը:

-Մտհոգությունն իրականում գալիս է նախկինից, շատերի հիշողության մեջ դեռ թարմ է 2004-ին կատարված օպտիմալացումը, ինչի հետևանքով բավականին մեծ թվով ուսուցիչներ կրճատվեցին: Այսօր մարդկանց մոտ կա մտավախություն, թե հիմա էլ կարող են կրճատվելուլ ու անգործ մնան: Նման բան չկա: Այսօր կառավարության կողմից իրականացվողը այլ նպատակ ունի, ինչը ես կանվանեմ համակարգի արդյունավետացում: Կատարվող գործընթացը չպետքէ ազդի կրթության որակի բարելավման վրա, և հակառակը՝ պետք է նպաստի կրթության որակի բարձրացման վրա:

Այս գործընթացը լինելու է միայն քաղաքային դպրոցներու, և ոչ գյուղական: Այսինքն, եթե գյուղում ունենք մեկ դպրոց, ուր սովորում են քիչ թվով աշակետներ, այն չի փակվելու, պահպանվելու է, ինչպես գյուղի եկեղեցի: Ասացի, որ այս գործընթացը վերաբերելու է քաղաքների դպրոցներին, բայց անգամ այդ դեպքում քայլերը շատ ուշադիր պետք է կատարվեն: Ի վերջո, օպտիմալացման նպատակը արդյունավետ կառավարում իրականացնելն է, իսկ ի՞նչ է դա նշանակում, երբ ռեսուրսները ճիշտ են ընտված, երբ ֆիզիկական, նյութական, մարդկային ռեսուրսները դրան համապատասխանում են ու կա այդ ամենը համակարգող հստակ ծրագիր: Մի կարծեք, թե տեղի է ունենալու դպրոցների մեխանիկական միացում. դպրոցների այսպես ասած, ֆիզիկական միացում չի կարող լինել: Ամենակարևոր սկզբունքը, որ մեր առաջ պիտի դնենք հետևյալն է՝ օպտիմալացումից չպետք է տուժի երեխան, ծնողը, և առավելապես չպետք է տուժի որակյալ մանկավարժը: Դա նաև իմ հորդորն է կառավարությանը: Եվ ես վստահ եմ, որ մեր կառավարությունը հենց այդ ճանապարհով ու այդ տրամաբանությամբ էլ առաջնորդվում է:

http://armarlur.com/70537-2/

Ա. ՍԻՄՈՆՅԱՆ

ԱԺ 6-րդ գումարման աշխատանքների մեկնարկ

Սկսվեցին Ազգային ժողովի 6-րդ գումարման աշխատանքները:Բարի ընթացք և արդյունավետ գործունեություն բոլորիս:

Այսօր ունենք ձեռքբերումներ, որոնք տարիներ առաջ խնդիր էին

-Երևանի ավագանու ընտրությունների նախընտրական քարոզարշավը մոտեցավ իր ավարտին: Ինչպես եք գնահատում քարոզչության ընթացքը:

- Քարոզարշավի բուռն ընթացքը ցույց տվեց, որ ժողովրդավար ընտրություններ կազմակերպելու ուղղությամբ մենք այս անգամ էլ առաջընթաց գրանցեցինք: Նախընտրական շրջանն աչքի ընկավ քարոզչության մեթոդների, ձևերի, տեխնոլոգիաների բազմազանությամբ: ՀՀԿ թիմի քարոզչութունը Տարոն Մարգարյանի գլխավորությամբ անցնում էր շատ անմիջական մթնոլորտում, Երևանի տարբեր թաղամասերում բնակիչների հետ անցկացվող  յուրաքանչյուր հանդիպումը կարծես թե արված աշխատանքի վրա հենված բաց և թափանցիկ հաշվետվություն էր բնակիչներից յուրաքանչյուրին, հաշվետվություն, որտեղ ոչ միայն կատարված աշխատանքներն էին ներկայացվում, այլև չլուծված խնդիրները և դրանք համատեղ լուծելու քաղաքական կամքը: Ակնհայտ էր, որ յուրաքանչյուր քաղաքացի սրտացավ և անմիջական տանտիրոջ զգացողությամբ փորձում էր կիսվել իր հոգսերով և խնդիրներով:Ներկայիս գործող քաղաքապետի և իր թիմի նկատմամբ ժողովրդի ջերմ ընդունելությունը մի բանի մասին է վկայում, որ մեծ աշխատանք է արված, որի արդյունքը օր օրի տեսնում են և Երևան քաղաքի բնակիչները, և այցելուները: Ժողովրդի հետ բաց երկխոսության, երևանցու խնդիրներին ականջալուր լինելու այս անմիջական մթնոլորտը գալիս է ասելու, որ քաղաքապետը սիրում է Երևան քաղաքն իր տան նման՝ հարազատ ընդունելով Երևան քաղաքի յուրաքանչյուր բնակչին, և փոխադարձաբար, յուրաքանչյուր երևանցի էլ զգում է քաղաքապետի սրտացավությունը, հոգատարությունը և քաղաքը բարեկարգելու նրա պատրաստակամությունը:

Մի բան պարզ է և ակհայտ՝ ներկայիս գործող քաղաքապետ Տարոն Մարգարյանը շատ լավ գիտի Երևան քաղաքի խնդիրները, երբեք չի խուսափել դրանք մատնանշելուց, հստակ պատկերացնում է նաև դրանց լուծումները, որոնք ներկայացված են նախընտրական ծրագրում, իսկ այս տարիների ընթացքում նրա ձեռքբերած փորձառությունը, այն էլ հաջողված փորձառությունը՝ դա արդեն իսկ մեծ առավելություն է:

Ինչ վերաբերում է Երևան քաղաքին, ապա ակնհայտ է, որ Երևանն օր օրի ծաղկում է, դառնում է ավելի բարեկարգ, համաչափ զարգացող, մատչելի բոլորի համար: Բարեկարգված բակերի, փողոցների, մայթերի ու այգիների ավելացած և օր օրի ավելացող ծավալները, քաղաքի լուսավորվածության աստիճանը, քաղաքաշինության, տրանսպորտի, կանաչապատման, սանիտարական մաքրման, քաղաքային կահավորման, մատչելի միջավայրի, առողջապահության, կրթության, սպորտի, մշակույթի, զբոսաշրջության և այլ ոլորտների  ձեռքբերումներն ակնառու են, որոնք հնարավոր են դարձել Երևանի քաղաքապետարանի ամենօրյա հետևողական աշխատանքի, մշտական հոգածության և, իհարկե, բոլորիս սրտացավ վերաբերմունքի ու մասնակցության շնորհիվ: Այսօր Երևանի շուրջ 30000 երեխա հնարավորություն ունի ստանալ անվճար նախադպրոցական կրթություն: Վերանորոգվել և բարեկարգվել են Երևանի դպրոցների մեծ մասը, և կարող ենք արդեն վստահաբար փաստել, որ ներկայումս չջեռուցվող դպրոց չունենք:Սրանք այն ձեռքբերումներից են, որոնք խնդիրներ էին համարվում մի քանի տարի առաջ, և այս ամենը չտեսնելն ուղղակի բարի կամքի բացակայության նշան է:  

Չեմ ուզում մանրամասն թվարկել նախընտրական ծրագրում առկա բոլոր ուղղությունները, որոնք Տարոն Մարգարյանն իր փորձառու թիմի հետ ներկայացրել է տարբեր հարթակներում թե բակային հանդիպումների ընթացքում և թե մամուլում: Բնակիչների առաջ հաշվետու լինելու Տարոն Մարգարյանի և իր ողջ կազմի պատրաստակամությունը, ոչ մեկին չանտեսելու, նույն վարչական շրջանում մի քանի անգամ հանդիպումներ կազմակերպելու, շատ խիտ աշխատանքային գրաֆիկով աշխատելու փաստը գալիս է ասելու, որ թիմը մեծ պատասխանատվությամբ է մոտենում իր աշխատանքին: Այդպիսին է եղել այս տարիների ընթացքում Երևանի քաղաքապետարանի գործելաոճը՝ հաշվետվողական,  բաց ու թափանցիկ: Ընդհանրապես, ժողովրդավար կառավարման ամենակարևոր գործիքը հրապարակայնությունն է, և Երևանի քաղաքապետարանի հրապարակային գործունեության լավագույն օրինակը Երևան քաղաքի բյուջեի հրապարակայնացումն է քաղաքապետարանի կայքում, որը բաց  է  հանրության առաջ:

-Ինչ կասեք ընդդիմադիր ուժերի հնչեցրած տարբեր մեղադրանքներին ՀՀԿ քարոզչության վերաբերյալ:

- Այլևս չարությամբ, զրպարտելով, անհարկի մեղադրանքներ հնչեցնելով, ապատեղեկատվություն տարածելով, բառերի հետևից անիմաստ ընկելով՝ միևնույն է հնարավոր չէ քողարկել արված մեծ աշխատանքը. երևանցին կարողանում է տեսնել, կշռադատել, համեմատել տարիների արված աշխատանքը և գնահատել այդ զարգացումը:

Այսօր մեր ժողովրդի քաղաքացիական գրագիտության  մակարդակը շատ է բարձրացել, այլևս պետք չէ օգտագործել քարոզչության այն սև փիառը, որով փորձում են ընդդիմադիր ուժերը դիվիդենտներ հավաքել: Մրցակցության մեջ պոպուլիստական հայտարարություններն ընդամենը իջեցնում են տվյալ քաղաքական ուժի վարկանիշը:

Մեր օրերում քաղաքացիական գրագիտության մակարդակ ունեցող մեր քաղաքացիները քաղաքական պայքարի նոր որակ են արդեն պահանջում: Ընդհանրապես, քաղաքական պայքարի փորձը ցույց է տալիս, որ ուժեղ է այն քաղաքական թիմը, ով կարողանում է ռեալ գնահատել իր ուժերը, ներկայանալ իր ծրագրերով ու փորձառու թիմով և ճիշտ գնահատել իր կարողությունները կյանքի կոչելու իրենց իսկ նախանշված ծրագրերը:   

Նյութի աղբյուրը՝  http://iravunk.com/news/29653