Ռ.Մուրադյանի հարցը ՀՀ վարչապետ Տ.Սարգսյանին

Փետրվարի 26, 2014թ.

Ռ.ՄՈՒՐԱԴՅԱՆ

-Պրն Վարչապետ, դուք վերջերս եք վերադարձել Սոչիում ձեր ռուս գործընկերոջ հետ հանդիպումից, Դմիտրի Մեդվեդեւի հետ, եւ պաշտոնական լրահոսից մեզ հայտնի է, թե ինչ հարցեր եք քննարկել այնտեղ։ Կուզեինք, որ ավելի մանրամասնել եւ բացել փակագծերը Մաքսային միության մասով, «Ռոսնեֆթ»-ի հետ ձեռք բերված պայմանավորվածությունների, ինչպես նաեւ Ատոմակայանի շահագործման ժամկետների երկարացման հետ կապված։

Հ.ԱԲՐԱՀԱՄՅԱՆ

-Հարցին կպատասխանի ՀՀ վարչապետ՝ Տիգրան Սարգսյանը։

Տ.ՍԱՐԳՍՅԱՆ

-1-ին հերթին ուզում եմ արձանագրել, որ Մաքսային միության թեման առանցքային թեման էր, եւ մենք հնարավորություն ունեցանք մանրամասն քննարկել մինչեւ այսօր կատարված աշխատանքները, քանի որ 22 աշխատանքային խմբեր այսօր ստեղծված են ՀՀ կառավարության կողմից, որոնք անմիջական շփումների մեջ են գտնվում եվրասիական հանձնաժողովի աշխատանքային խմբի հետ, ինչպես նաեւ Ղազախստանի, Ռուսաստանի եւ Բելարուսի մասնագետների հետ, որոնք մի կողմից ուսումնասիրում են ՀՀ-ի պատրաստվածության աստիճանը՝ Մաքսային միությանն անդամակցելու, մյուս կողմից՝ օգնում են մեզ, որպեսզի մենք կարողանանք նախապատրաստել համապատասխան օրենքներ, որ այդ անցումը լինի սահուն։

2-րդը՝  մենք պայմանավորվել ենք, որ այդ աշխատանքը լինելու է բաց եւ թափանցիկ։ Արդեն 2 շաբաթ է, այդ աշխատանքային խմբի ղեկավարները հաշվետվություն են տալիս կատարված աշխատանքի մասին։

3-րդը՝ Հայաստանում կազմակերպվում են սեմինարներ, քննարկումներ բիզնեսի հետ, որպեսզի նրանց հասկանալի լինի, թե ինչ է նշանակում Մաքսային միության անդամակցելը եւ ինչպիսի՞ նորմատիվային դաշտում են նրանք հայտնվելու։

Հաջորդը՝ մենք պայմանավորվել ենք, որ նաեւ եվրասիական հանձնաժողովի մասնագետները կժամանեն Հայաստան եւ հանդիպումներ կունենան մեր մասնավոր հատվածի հետ, ներկայացնելով Մաքսային միության գործող ռեժիմները  եւ այն միջավայրը, որում պետք է հայտնվեն մեր տնտեսավարող սուբյեկտները։

Հաջորդը՝  մենք պայմանավորվել ենք, որ լինելու է գրանտային օգնություն ՀՀ կառավարությանը, որպեսզի այդ անցումը լինի անցավ մեզ համար, եւ որպեսզի մենք կարողանանք պատշաճ ձեւով նախապատրաստվենք, եւ որպեսզի մեր բիզնեսը լինի պատրաստ։

2-րդ կարեւոր խնդիրը, որը նույնպես առնչվում էր Մաքսային միության հետ, դա աշխատուժի ազատ տեղաշարժին էր վերաբերում։ Մենք պայմանավորվեցինք, որ մեր ճանապարհային  քարտեզի 2 պայմանագոր, որոնց մենք պետք է միանանք այն բանից հետո, երբ պատրաստ կլինի Մաքսային միությանը եւ միասնական տնտեսական տարածքին  անդամակցելու պայմանագիրը, մինչ այդ երկկողմանի կստորագրենք այդ 2 պայմանագրերը, որպեսզի մեր քաղաքացիների համար ստեղծվի ավելի բարենպաստ միգրացիոն  միջավայր, որպեսզի նրանք չառնչվեն այն դժվարությունների հետ, որոնք հունվարի 1-ից առաջացել են Ռուսաստանում՝ նոր միգրացիոն օրենսդրությունն ուժի մեջ մտնելու պատճառով։

Հ.ԱԲՐԱՀԱՄՅԱՆ

-2-րդ խոսափող։ Կշարունակեք հետո, պրն վարչապետ, եթե կիսատ մնաց։

Ռ.ՄՈՒՐԱԴՅԱՆ

-«Ռոսնեֆթ»-ի հետ կապված եւ Ատոմակայանի շահագործման հետ կապված հարցերը։

Տ.ՍԱՐԳՍՅԱՆ

-ՌԴ վարչապետի հանձնարարությամբ պատրաստվել էր համապատասխան հաշվետվություն։ Մենք այդ համատեղ հանդիպման ժամանակ լսեցինք նաեւ «Ռոսնեֆթ»-ի ղեկավարի՝ պրն Սետչինի հաշվետվությունը կատարված աշխատանքների վերաբերյալ եւ այն ծրագրի վերաբերյալ, որ պետք է իրականացվի ՀՀ-ում։ Խոսքը գնում է շուրջ 500 մլն դոլարի ներդրումային ծրագրի մասին։ Մեզ հստակ ներկայացվեցին այդ ծրագրի մանրամասները եւ այն խնդիրները, որ մենք մուտակա շաբաթների ընթացքում պետք է լուծենք «Ռոսնեֆթ»-ի հետ, որովհետեւ անհրաժեշտություն կա մի կողմից համապատասխան իրավական դաշտը նախապատրաստել դրան, մասնավորապես, նաեւ եղավ հայտ, որպեսզի ազատ տնտեսական գոտու ռեժիմները տարածվեն նաեւ այդ նոր ներդրումային  ծրագրի վրա։ Ես կարծում եմ, որ դա ՀՀ կառավարության համար ընդունելի առաջարկ է, որովհետեւ 1-ին տարիներին հիմնականում մեծածավալ ներդրումներ են լինելու եւ նոր սարքավորումներ են ներմուծվելուՀայաստան։

2-րդ խնդիրը գնում էր ենթակառուցվածքների նախապատրաստության մասին, մասնավորապես, այն կարողությունները, որոնք այսօր առկա են «Նաիրիտ» գործարանում, աշխատանքային ուժի օգտագործման  մասին, որովհետեւ մեր հարաբերական առավելությունն այսօր նաեւ կայանում է նրանում, որ մենք ունենք մասնագետների հզոր բանակ, որը կարող է է օգտակար լինել այս ծրագրի իրականացման համար։

Իսկ Ատոմակայանի վերաբերյալ մեր պայմանավորվածությունը կայանում է նրանում, որ անհրաժեշտ է, որպեսզի մենք գտնենք ճիշտ բանաձեւը, այդ աշխատանքների ֆինանսավորման։ Մեր առաջարկություններն ընդունվեցին վարչապետի կողմից եւ տրվեցին հանձնարարականներ ռուսական գերատեսչություններին, որպեսզի մոտակա 2 շաբաթների ընթացքում այդ հարցը վերջնականապես լուծվի։

Ռուզաննա Մուրադյանի փետրվարի 25-ի ելույթը ԱԺ հայտարարությունների ժամին Ամբողջական հոդվածը կ

Խոջալուի դեպքերից հետո արդեն 12 տարի պաշտոնական Բաքուն փաստերը կեղծելու ճանապարհով համառորեն հակահայկական հիստերիա է հրահրում՝ փորձելով այդ ողբերգական դեպքերի ողջ պատասխանատվությունը դնել հայերի վրա: 1992 թ. փետրվարի 26-ին, տեղի ունեցան Աղդամի իրադարձությունները (Ադրբեջանի կողմից որպես «Խոջալուի կոտորած» ներկայացվող), որոնց ժամանակ ադրբեջանական զինված կազմավորումները Խոջալու բնակավայրի մի խումբ բնակիչների սառնասրտորեն գնդակահարեցին իրենց վերահսկողության տակ գտնվող տարածքում: Ամեն տարի Ադրբեջանը այս օրերին աշխարհի տարբեր երկրներում ակցիաներ է անցկացնում: «1992 թ. Խոջալուում տեղի ունեցած փետրվարյան դեպքերը ադրբեջանցիների նկատմամբ հայերի իրականացրած ցեղասպանություն ճանաչելու կապակցությամբ»: Ադրբեջանցիների կողմից վերահսկվող տարածքներում տեղի ունեցած ողբերգական իրադարձության մասին գոյություն ունեցող փաստերը ամենայն անհերքելիությամբ հաստատում են, որ հայկական կողմը ֆիզիկապես չէր կարող մուտք գործել այն տարածքներ, որտեղ մարդիկ էին սպանվել, ապա` նրանց դիակները այլանդակվել: Խոջալուի սադրանքին հաջորդած հեղաշրջումից (1992 թ.) հետո Ադրբեջանի նոր ղեկավարությունը Աբուլֆազ Էլչիբեյի գլխավորությամբ խոջալեցիների նկատմամբ իր իսկ հրեշավոր հանցագործությունը թաքցնելու համար նախաձեռնեց իրադարձությունների նպատակաուղղված նենգափոխում` իր սադրանքը ներկայացնելով որպես ղարաբաղյան ուժերի կողմից խաղաղ բնակիչների «կոտորած»: Նենգափոխման այս քաղաքականությունը պաշտոնական Ադրբեջանի կողմից շարունակվում է առ այսօր: «Խոջալուի իրադարձությունների» աղավաղված քարոզչության միջոցով Ադրբեջանի իշխանությունները իրենց կողմից պետական մակարդակով քաղաքականությամբ փորձում են հարվածել հայկական երկու պետությունների միջազգային վարկին, ինչպես նաև այդ իրադարձությունների խեղաթյուրված մեկնաբանությունը պարտադրել երիտասարդ սերնդին` նպաստելով հայատյացությանն ու այլատյացության: Մենք խստագույնս դատապարտում ենք այդ ողբերգության հետ կապված փաստերի աղավաղման նենգամիտ քաղաքականությունը և ցեղասպանության հարյուրամյակին ընդառաջ միջազգային հանրությանը կոչ ենք անում չենթարկվելու Բաքվի և Անկարայի իշխանությունների կեղծիքներին: Այս ամենը ասելով՝ ուզում եմ բոլորիս ուշադրությունը մեկ անգամ ևս կենտրոնացնել մի հանգամանքի վրա. մենք ուզում ենք, որ աշխարհը մտահոգվի մեր թշնամիների գործողություններին գնահատական տալով, իսկ մեր ներքին գործողությունները՝ մեկս մյուսին անհիմն վատաբանելը, ճշմարիտ տեղեկատվության խեղաթյուրելը, ժողովրդին շփոթեցնելը, մոլորեցնելը բարենպաստ պայմաններ են ստեղծում արտաքին թշնամիների  համար: Այսօր Անդրանիկ Օզանյանի ծննդյան տոնն է, և դա մեկ անգամ ևս սթափվելու, համախմբվելու, ներքին թշնամուն մեր միջից հանելու, և արտաքին թշնամուն մեկ անգամ ևս հայերի հավաքական ուժի մասին հիշեցնելու լավագույն հնարավորությունն է: Բա՛վ է, հայեր ցրված մնաք մատներիս պես, բռունցքվելն է հավերժությունը Հայաստանի: 

Ամբողջական հոդվածը կարող եք կարդալ այս հասցեով՝ http://www.aravot.am/2014/02/25/435116/ 

ԱԺ պատգամավոր Ռ.Մուրադյանի 25.02 ելույթը ԱԺ-ում հայտարարությունների ժամին

    Ադրբեջանի պաշտոնական քարոզչությունը չի խորշում ոչ մի միջոցից, նպատակ ունենալով հայկական կողմին ի ցույց դնել որպես ողբերգության մեղավոր և համաշխարհային հանրության գիտակցությանը և սեփական ժողովրդի կարծիքին ներարկել հայատյացության թույնի մի նոր չափաբաժին:

         Խոջալուի դեպքերից հետո արդեն 12 տարի պաշտոնական Բաքուն փաստերը կեղծելու նպատակով համառորեն հակահայկական հիստերիա է հրահրում՝ փորձելով այդ ողբերգական դեպքերի ողջ պատասխանատվությունը դնել հայերի վրա:

1992 թ. փետրվարի 26-ին, տեղի ունեցան Աղդամի իրադարձությունները (Ադրբեջանի կողմից որպես «Խոջալուի կոտորած» ներկայացվող), որոնց ժամանակ ադրբեջանական զինված կազմավորումները Խոջալու բնակավայրի մի խումբ բնակիչների սառնասրտորեն գնդակահարեցին իրենց վերահսկողության տակ գտնվող տարածքում:

Նախագահ Մութալիբովին տապալելու նպատակով Ադրբեջանի ընդդիմադիր ժողովրդական ճակատը օգտագործեց ղարաբաղյան զինված ուժերի հարկադրված օպերացիան` նպատակաուղղված Խոջալուում տեղակայված ադրբեջանական կրակակետերի ճնշմանը, քանի որ այդտեղից էին մշտական հրետակոծման ենթարկվում հայաբնակ Ստեփանակերտն ու մերձակա գյուղերը: Դրա մասին վկայել է անձամբ Նախագահ Մութալիբովը 1992 թ. ապրիլի 2-ին ռուսական «Նեզավիսիմայա գազետա» թերթին տված հարցազրույցում:

Օպերացիայից առաջ ղարաբաղյան կողմը, մարդասիրական իրավունքի նորմերին համապատասխան, տեղեկացրել է Խոջալուի իշխանություններին պլանավորված օպերացիայի և  ադրբեջանական բնակչության տարահանման համար անվտանգ մարդասիրական միջանցք թողնելու մասին:

Այսօր Ադրբեջանը պատրաստվում է փետրվարի 26-28-ը աշխարհի տարբեր երկրներում ակցիաներ անցկացնել` «1992 թ. Խոջալուում տեղի ունեցած փետրվարյան դեպքերը ադրբեջանցիների նկատմամբ հայերի իրականացրած ցեղասպանություն ճանաչելու կապակցությամբ»: 

Ադրբեջանցիների կողմից վերահսկվող տարածքներում տեղի ունեցած ողբերգական իրադարձության մասին գոյություն ունեցող փաստերը ամենայն անհերքելիությամբ հաստատում են, որ ղարաբաղյան կողմը ֆիզիկապես չէր կարող մուտք գործել այն տարածքներ, որտեղ մարդիկ էին սպանվել, ապա` նրանց դիակները այլանդակվել:

Խոջալուի սադրանքին հաջորդած հեղաշրջումից (1992 թ.) հետո Ադրբեջանի նոր ղեկավարությունը Աբուլֆազ Էլչիբեյի գլխավորությամբ խոջալեցիների նկատմամբ իր իսկ հրեշավոր հանցագործությունը թաքցնելու համար նախաձեռնեց իրադարձությունների նպատակաուղղված նենգափոխում` իր սադրանքը ներկայացնելով որպես ղարաբաղյան ուժերի կողմից խաղաղ բնակիչների «կոտորած»: Այս քաղաքականությունը պաշտոնական Ադրբեջանի կողմից շարունակվում է առ այսօր:

Այս ամենը խոսում է այն մասին, թե ինչ մեծ դեր է հատկացված Խոջալուի դեպքերին ադրբեջանական պետական քարոզչության համակարգում:

«Խոջալուի իրադարձությունների» աղավաղված քարոզչության միջոցով Ադրբեջանի իշխանությունները փորձում են հարվածել հայկական երկու պետությունների միջազգային վարկին, ինչպես նաև այդ իրադարձությունների խեղաթյուրված մեկնաբանությունը պարտադրել երիտասարդ սերնդին` նպաստելով հայատյացությանն ու այլատյացությանը:

Մենք խստագույնս դատապարտում ենք այդ ողբերգության հետ կապված փաստերի աղավաղման նենգամիտ քաղաքականությունը` միջազգային հանրությանը կոչ անելով չենթարկվելու Բաքվի և Անկարայի իշխանությունների կեղծիքներին:

Ստացվում է, որ ուզում ենք, որ աշխարհը մտահոգվի մեր թշնամիների գործողություններին գնահատական տալով, իսկ մեր ներքին գործողությունները՝ մեկս մյուսին անհիմն վատաբանելը, ճշմարիտ տեղեկատվության խեղաթյուրելը, ժողովրդին շփոթեցնելը, մոլորեցնելը բարենպաստ պայմաններ են ստեղծում արտաքին թշնամիների  համար: 

Այսօր Անդրանիկ Օզանյանի ծննդյան տոնն է, որը մեկ անգամ ևս սթափվելու, համախմբվելու, ներքին թշնամուն մեր միջից հանելու, և արտաքին թշնամուն մեկ անգամ ևս հայերի հավաքական ուժի մասին հիշեցնելու լավագույն հնարավորությունն է:
՛՛Բավ է հայեր ցրված մնաք մատներիս պես, բռունցքվելն է հավերժությունը Հայաստանի՛՛:

Ռուզաննա Մուրադյանը` «որոշ «գործիչներ»-ին

«Ավելի լավ է զերծ մնալ անհիմն շահարկումներից»,- սա ՀՀԿ-ական պատգամավոր Ռուզաննա Մուրադյանի հորդորն է բոլոր այն անձանց, ովքեր կարծում են, որ Պարտադիր կուտակային կենսաթոշակային համակարգի ներդրման մասին նախագահի` «չենք զիջելու» ոգով հայտարարությունը, որոնք հնչեցին ԵԿՄ համագումարում, ազդեցություն կունենա ՍԴ-ի վերջնական որոշման վրա: ՀՀԿ-ական պատգամավորը նկատում է. «Ինչպես հայտնի է, Սահմանադրական դատարանը սահմանադրական արդարադատության բարձրագույն մարմինն է: Սահմանադրական արդարադատություն իրականացնելիս սահմանադրական դատարանն անկախ է և ենթարկվում է միայն Սահմանադրությանը»: ԵԿՄ համագումարում նախագահի հայտարարությունները ոչ միայն մասնագիտական քննադատությունների ենթարկվեցին, այլ, ընդհանրապես դիտարկումներ եղան, որ նախագահի կարգավիճակը չի թույլատրում քաղաքական հարցեր քննարկել ինչ-որ հկ-ի համագումարում: Aravot.am-ի հարցին էլ `չեք կարծում, որ այդ դիտարկումներն իրականությունից հեռու չեն, ՀՀԿ-ական պատգամավորն այսպես արձագանքեց. «Ժողովրդի կողմից ընտրված նախագահին հատուկ է իր ժողովրդին հանդիպելու, հաշվետու լինելու, հարցերին պատասխանելու, բաց երկխոսություն կազմակերպելու ժողովրդավարական գործելաոճը:Առավել գնահատելի է, երբ դա արվում է ոչ միայն նախընտրական շրջանում, այլ հատկապես ընտրություններից հետո ցանկացած ձևաչափով: ՀՀ նախագահ Սերժ Սարգսյանի ԵԿՄ համագումարի ելույթը և ժողովրդի հարցերին պատասխանելը հերթական ժողովրդավարական մոտեցումն էր: Թե որպես երկրի նախագահ, թե որպես Հանրապետական կուսակցության առաջնորդ ՀՀ նախագահը միշտ գործուն հարթակ է ստեղծել ժողովրդի հետ հանդիպումներում ազատ անկաշկանդ երկխոսության՝ տալով նրանց սպառիչ պատասխաններ: Նրա ելույթը հստակ ծրագրային էր՝ համալրված ժողովրդի կողմից բարձրացված հարցերի պատասխաններով: Եթե կան որոշ «գործիչներ», որոնք խուսափում են մարդկանց հետ շփումներից, ապա մենք ականատես եղանք Նախագահի պատրաստակամությանը ցանկացած ձևաչափում մարդկանց անհանգստացնող հարցերի շուրջ խոսելու»: 


Նելլի ԳՐԻԳՈՐՅԱՆ 

21.02.2014

Ամբողջական հոդվածը կարող եք կարդալ այս հասցեով՝ http://www.aravot.am/2014/02/21/434148/ 

«ԱԺ ընդդիմադիրների կողմից կառավարությանն անվստահություն հայտնելու գործընթացը դատապարտված է ձախողման»

«ՀՀԿ-ն իր գործունեության ողջ կենսագրությունը կերտել է՝ անցնելով ավելի լուրջ և բարդ մարտահրավերներ դիմակայելու ճանապարհով, որոնք ուղղված են եղել ի շահ ժողովրդի և պետության: Ի սկզբանե ՀՀԿ-ի գործելաոճն է եղել լինել ժողովրդի կողքին, ականջալուր ժողովրդի կողմից բարձրացրած խնդիրներին, խրախուսել ժողովրդին ազատ արտահայտել իր կարծիքը, որի արդյունքում, այսօր ունենք ակտիվ քաղաքացիական հասարակություն: Իսկ ԲՀԿ-ն եթե զգում է, որ հեռու է լայն մասսաներից, հետ է մնում ժողովրդի հետ աշխատանքում, կորցնում է կապը՝ուրեմն արժե , որ զուտ այս հարցով մի հատուկ համագումար արեցին և այս խնդիրը իրենց ղեկավարը դրեց իրենց առջև: Իհարկե ճիշտ չէ ,որ որոշ մարդիկ խորհրդարանական կաբինետներում պարապ նստեն և միմիայն մամուլում չարախոսություններ պատվիրելով զբաղվեն: Այս առումով համաձայն եմ Գագիկ Ծառուկյանի հետ»,- Aravot.am-ի հետ զրույցում այսպես արձագանքեց ՀՀԿ-ական պատգամավոր Ռուզաննա Մուրադյանը` մեր հարցին` ԲՀԿ-ի համագումարում Գագիկ Ծառուկյանն իր կուսակիցներին կոչ արեց աշխատասենյակներից դուրս գալ եւ աշխատել փողոցում, որտեղ որ ժողովուրդն է: Սա մարտահրավեր է՞ ր` նետված ՀՀԿ-ին: Նախորդ քառօրյային հետեւած ժամանակահատվածում` «գազի հարցով» ժամանակավոր հանձնաժողով ստեղծելու հարցի տապալումից հետո, խորհրդարանական ընդդիմադիրները նախաձեռնել են կառավարությանն անվստահություն հայտնելու գործընթաց: Վերջնական համաձայնություն դեռ չկա, սակայն, գաղափարին բոլորն են համամիտ եւ չի բացառվում, որ արդեն հաջորդ քառօրյային նման նախագիծ դրվի շրջանառության մեջ: Ինչպե՞ս եք վերաբերվում այդ նախաձեռնությանը, մեր հարցին էլ ՀՀԿ-ական պատգամավորն արձագանքեց. «Այսօր մի տեսակ այնպիսի տպավորություն է ստեղծվել, որ խնդիրների ներկայացման մասին կա երկու մոտեցում:Մի մոտեցման կողմնակիցները մտահոգ են խնդիրների լուծման համար և վեր են լուծում, առաջարկում են տարբերակներ, իսկ մյուս մոտեցման կողմնակիցները խնդիրը ներկայացնում են գովազդելու, մեծ ցնծությամբ հնչեցնելու և ժողովրդին ինչ-որ տեղ մոլորեցնելու համար:Եվ տպավորությունն այնպիսին է, որ պետության զարգացման ճանապարհին բոլոր հաջողությունները բոլորինն են, այլ քաղաքական ուժերի ձեռքբերումը, իսկ խնդիրները միայն ՀՀԿ-ինն է: Նորմալ է, քանզի ՀՀԿ-ն ստանձնել է պատասխանատվություն մեր երկրում գոյություն ունեցող խնդիրները լուծելու ուղղությամբ: Իսկ խորհրդարանական ընդդիմադիրների կողմից կառավարությանն անվստահություն հայտնելու գործընթացը դատապարտված է ձախողման, քանի որ դա հերթական քայլ է ընդդիմադիրի դերը օրակարգում պահելու համար»: 

Նելլի ԳՐԻԳՈՐՅԱՆ 

21.02.2014թ.

Ամբողջական հոդվածը կարող եք կարդալ այս հասցեով՝ http://www.aravot.am/2014/02/21/433839/ 

ՀՀԿ-ական պատգամավոր. Էդ միջանցքում ի՞նչ պիտի անի պատգամավորը կամ լրագրողը

ԱԺ միջանցքներում վերջերս հայտնված տեսախցիկների թեման խորհրդարանում տարաբնույթ քննարկումների տեղիք է տվել:  iLur.am-ն այս թեմայով զրուցեց ԱԺ ՀՀԿ խմբակցության պատգամավոր Ռուզաննա Մուրադյանի հետ

-Տիկին Մուրադյան, վերջին օրերին շատ է քննարկվում ԱԺ միջանցքներում տեղադրված տեսախցիկների թեման: Ձեզ չի՞ անհանգստացնում այն երեւույթը, որ մի «աչք» հետեւում է ամեն քայլափոխի:

-Ճիշտն ասած՝ բոլորովին չի անհանգստացնում, քանի որ ես կարծում եմ՝ պատգամավորն ԱԺ միջանցքում է, դահլիճում, թե ԱԺ շենքից դուրս, պետք է միշտ զգա, որ իրեն հետեւում են բոլորը. հետեւում է հասարակությունը, հետեւում են մարդիկ: Ես չեմ կարծում, թե պետք է ինչ-որ բան անենք, որ խոչընդոտի տեսախցիկների առկայությունը: Ես միշտ ԱԺ-ն համեմատում եմ խոշորացույցի տակ աշխատելուն: Ես գտնում եմ, որ սա մեծ խոշորացույց է, եւ բոլորը տեսնում են թե՛ լավ, թե՛ վատ գործելակերպը: Էդ միջանցքում ի՞նչ պիտի անի պատգամավորը կամ լրագրողը, որ խնդիր են դարձնում: Բոլորս գիտենք՝ բոլորս մեր աշխատանքով ենք զբաղված, ԱԺ կանոնակարգում գրված է մեր պաշտոնի նկարագիրը, դրանից դուրս բան չի կարող լինել: Հետեւաբար, չեմ կարծում, որ դրանից պետք է անհանգստանալ:

-Իսկ ո՞րն է տեսախցիկներ տեղադրելու իմաստը:

-Ես կարծում եմ՝ անվտանգությունը: Չեմ կարծում, թե դրանում ինչ-որ վատ, մտահոգվելու բան կա: Ինչու չէ՝ թող վերահսկողությունն ավելի ուժեղ լինի, լավ լինի:

-Ասում են՝ այդ տեսախցիկները տեղադրվել է իշխանական ներքին խարդավանքներից տեղյակ լինելու համար, որ տեսնեն՝ ով ում հետ շփվեց կամ ում աշխատասենյակ մտավ:

-Դրա համար տեսախցիկներ պետք չեն: Մարդկային հարաբերություններն այնպես են կառուցվում, որ մարդկային հարաբերություններից են ծնվում այդ ողջ ինֆորմացիաները, խարդավանքները եւ այլն: Ու այդ ամենը ցույց տալու համար տեխնիկական միջոցներ բոլորովին էլ անհրաժեշտ չեն: Ի վերջո, սա ընդհանուր աշխատանքի վայր է, որտեղ բոլորը շփվում են բոլորի հետ: Ու եթե այդ շփումների մեջ էլ պետք է բան դնենք, բան տեսնենք, նշանակում է՝ մենք ինքներս ճիշտ տեղում չենք: Սա տարբեր քաղաքական ուժերի՝ համախմբված աշխատանքային կոլեկտիվ է, որտեղ աշխատանքի բերումով բոլորս էլ բոլորի հետ շփվում ենք, եւ չեմ կարծում, որ դրանից մտահոգություններ լինեն: Բոլորը պետք է շփվեն տարբեր կառույցների, տարբեր քաղաքական ուժերի եւ ինչու չէ՝ ժողովրդի հետ: Այս ամենը տեսախցիկով կնայեն, թե մարդիկ կնայեն՝ կարեւոր չէ: Մենք թաքնված գործունեություն չենք ծավալում:

-Քաղաքական ենթատեքստ չկա՞:

-Ես չեմ ուզում, որ տեսախցիկներին էլ տանք քաղաքական բնույթ: Եկեք զերծ մնանք դրանից: Եթե տեսախցիկ տեղադրելուն էլ քաղաքական ենթատեքստ տանք, ապա ամեն ինչի, բոլոր տեսակի հարաբերությունների մեջ կմտնի քաղաքականությունը: Այսօր ամեն ինչ ծառայում է քաղաքականությանը, բայց չենք կարող քաղաքականությունը ծառայեցնել ամեն ինչին:

-ԱԺ-ում եղել են 1996թ. սեպտեմբերի 22-ի դեպքերը, եղել է հոկտեմբերի 27: Սակայն, այդ դեպքերից հետո տեսախցիկներ չտեղադրվեցին, ու հիմա են ԱԺ-ում հայտնվել տեսախցիկները:

-Տեխնիկական միջոցներն ու հնարավորությունները գնալով ավելի են շատանում: Այսօր մենք արդեն ունենք հայկական <iPad>-ները, մի բան, որ մենք չունեինք նախկինում, սրանից տասը տարի առաջ այդ մասին չէինք էլ մտածում: Այսօր մտեք սովորական դպրոց,  այնտեղ միջանցքներում կան տեսախցիկներ, ընդհանուր վերահսկվում է: Դա, ընդհանուր առմամբ, լավ է, երբ աշակերտը, մանկավարժը՝ իրենք էլ գիտեն, որ կա վերահսկողություն, ու ձգված են: Այսօր արտասահմանում ցանկացած հիմնարկում կան տեսախցիկներ: Ինչու՞ երբ այդ ամենը տեսնում ենք արտասահմանում, ընդունում ենք նորմալ, ողջունում ենք, բայց երբ գալիս ենք Հայաստան՝ արդեն ուրիշ կերպ ենք ընկալում:

-Ասում են՝ Արգամիչը կասկածում է ամենքին ու ցանկանում է հետեւել բոլորին:

-Չի կարելի անձնավորել: Եկեք զերծ մնանք անձնավորելուց: Չի կարելի ցանկացած ձեռքբերման, ցանկացած լավ մտահղացման մեջ վատը տեսնել: Ես բազմիցս դեմ եմ դրան: Ես ասում եմ՝ եթե խնդիր ենք փնտրում, ապա եկեք խնդիրներին կառուցողական մոտենանք, այլ ոչ թե եղած խնդիրները դեռ չլուծված՝ կողքից ինտրիգային խնդիրներ ենք հորինում, փնտրում, ստեղծագործում: Եկեք ստեղծագործական միտքը զարգացնենք լավ ձեռքբերումները պրոպագանդելու, մարդկանց մոտ ավելորդ խուճապ, ավելորդ մտահոգություն չառաջացնելու, այլ՝ վաղվա օրվա նկատմամբ արդեն իսկ արվածի հիման վրա նոր հույսեր արդարացնելու, նոր մոտիվացիաներ ստեղծելու վրա: Եկեք շնորհավորենք իրար, ուրախանանք: Լավ ձեռքբերում է: Թող լինի լրացուցիչ վերահսկողություն, ապահովություն:

Արման Գալոյան 

20.02.2014 17:27

Նյութի աղբյուրը`  http://www.ilur.am/news/view/25134.html#sthash.q7IXUmJX.dpuf

Ռ. Մուրադյան. Ինչպես ցանկացած բարեփոխում, այս բարեփոխման նկատմամբ էլ հասարակության վերաբերմունքը նույնն է

Պարտադիր կենսաթոշակային կուտակային համակարգի դեմ բողոքը տարբեր դրսևորումներ է ստանում: Տեսակետ կա, որ այն կարող է միավորման հիմք հանդիսանալ ինչպես ոչ իշխանական ուժերի, այնպես էլ ակտիվ քաղաքացիների համար:

Panorama.am-­ի հետ զրույցում, ՀՀԿ խմբակցության պատգամավոր Ռուզան Մուրադյանը նշեց, որ «ցանկացած բարեփոխում միշտ սկսվում է թերահավատությամբ և, հասկանալի է, որ միայն արդյունքներն են արդարացնում բարեփոխումների նպատակը»:

«Նման օրինակները շատ են, որոնցից մեկն էլ ավտոմեքենաների ապահովագրությունն էր, որը ներդրվեց մի քանի տարի առաջ և սկզբում նույնպես բուռն քննարկումների առարկա դարձավ: Այն տարբերվում էր կենսաթոշակային կուտակային համակարգի բարեփոխումից նրանով, որ կարճ ժամանակահատվածում արդյունքներն ապացուցեցին այդ բարեփոխման անհրաժեշտությունը:

Բնականաբար, ինչպես ցանկացած բարեփոխում, այս բարեփոխման նկատմամբ էլ հասարակության վերաբերմունքը նույնն է, և հարց է առաջանում, թե ի՞նչ կտա այն մեր հասարակությանն ու մեր երկրին»,­-նշեց նա:

Վերջինս համոզմունք հայտնեց, որ տարիներ հետո կենսաթոշակային կուտակային համակարգի բարեփոխման արդյունքները նույնպես ակնհայտ կլինեն՝ կվերանա աղքատությունը կենսաթոշակառուների շրջանում, կլուծվի կենսաթոշակային իրավունքների «փոխանցվելիության» խնդիրը, քանի որ նոր համակարգի համաձայն՝ և անձնական հաշիվներում կուտակված միջոցները, և վճարվող կենսաթոշակները հեշտությամբ կարող են տեղափոխվել երկրից երկիր:

«Կարևոր է նշել նաև, որ այժմ հաշվետերը հնարավորություն ունի յուրաքանչյուր ամիս հետևել իր հաշվին, հարկ եղած դեպքում փոխել հաշվի կառավարչին, վերահսկել իր կուտակումների ֆինանսական վիճակը: Այդ կուտակային համակարգի ներդրմամբ յուրաքանչյուր աշխատող ինքն է պատասխանատու լինելու իր կենսաթոշակի մակարդակի համար, այդ կուտակումներն արդեն յուրաքանչյուր աշխատողի անձնական սեփականությունն են լինելու, կենսաթոշակային հաշիվները չեն կարող բռնագանձվել և ժառանգության իրավունքով կարող են փոխանցվել հարազատներին»,­-ասաց տիկին Մուրադյանը:

«Կարծում եմ, որ էականն այստեղ ճիշտ տեղեկատվության տրամադրումն ու տարածումն է»,­- եզրափակեց նա:

http://panorama.am/am/interviews/2014/02/13/r-muradyan/

Կառավարությունը հաջողությամբ է կատարել իր առջև դրված ծրագրերը

13.02.2014թ.

«Բնական է` որտեղ կա աշխատանք, այնտեղ կարող են լինել նաև խնդիրներ, և այսօր կարևորը դրանց լուծումն է»,- Aysor.am­-ի հետ զրույցում մեկնաբանելով ԱԺ ոչ իշխանական ուժերի կողմից կառավարությանն անվստահություն հայտնելու հնարավորությունը, ասաց ԱԺ ՀՀԿ խմբակցության ներկայացուցիչ Ռուզաննա Մուրադյանը:

«Մենք չենք կարող անտեսել և անվստահություն հայտնել կառավարության գործունեությանը, քանի որ ընդհանուր առմամբ, կառավարությունը հաջողությամբ է իրականացրել իր առջև դրված ծրագրերը»,­- նշեց նա:

Նյութի աղբյուրը` http://www.aysor.am/am/news/2014/02/13/ruzanna-muradyan/

"Բարոյահոգեբանական մթնոլորտը կարող է ուղիղ ծառայել արտաքին թշնամուն"

Չորեքշաբթի, 05 Փետրվար 2014 11:54

ԱԺ 5-րդ գումարման գարնանային նստաշրջանը բավական թեժ սկսվեց: Ըստ կանոնակարգ օրենքի, յուրաքանչյուր նստաշրջանի առաջին չորսօրյա նիստում ստեղծվում է ժամանակավոր հաշվիչ հանձնաժողովը:  Խորհրդարանական ընդդիմությունը սվիններով ընդունեց ՀՀԿ խմբակցության ղեկավար Գալուստ Սահակյանի այն առաջարկը, ըստ որի` 11 հոգանոց հաշվիչ հանձաժողովի անդամներից հինգը պետք է լինեն ՀՀԿ-ից: Սրա հետ կապված սկսվեցին թեժ քննարկումներ: 
Հայտնի է, որ խորհրդարանական պատմության մեջ շատ նախագծեր ընդդիմադիր խմբակցությունները ցանկացել են տապալել ամենատարբեր ձեւերով, սակայն այն, ինչ արել էր արդեն ամերիկաներում իր հանգիստն ու ուսումը վայելող "Ժառանգություն" խմբակցության արդեն նախկին ղեկավար Զարուհի Փոստանջյանը, նրա մտքի թռիչքին կնախանձեր անգամ Ադրբեջանի նախագահ  Ալիեւը: Հիշեցնենք, որ երբ Ազգային ժողովում քվեարկության պետք է դրվեր գազի, նավթամթերքների, ադամանդագործության զարգացման ու հայ-ռուսական հարաբերությունների հարցը, տիկինը ԱԺ հերթական ընդմիջման ժամին սկսեց հափշտակել պատգամավորներից շատերի քվեարկության քարտերը, որի համար, ի դեպ, որեւէ պատասխանատվության չենթարկվեց: Որքանով է հարիր հատկապես կնոջը նման քայլերը` հարցին ի պատասխան ԱԺ ՀՀԿ խմբակցության պատգամավոր ՌՈՒԶԱՆՆԱ ՄՈՒՐԱԴՅԱՆԸ նշեց. 
- Ես ընդհանրապես դեմ եմ Աժ աշխատակարգը խանգարելուն եւ խաթարելուն: Բայց փորձը ցույց տվեց, ինչպես եւ ականատես եղանք, որ նախորդ նիստի ժամանակ քվեարկության դրված մի շարք հարցեր փորձեցին խաթարել: Եթե հարցը դիտարկեմ` որպես կին, ապա չէի  պատկերացնի, որ կարող են ԱԺ-ում լինել չգրված օրենքներ, որոնք դուրս են ոչ միայն կանոնակարգից, այլեւ նորմալ ու քաղաքակիրթ աշխատող պատգամավորի վարքագծից:
- Կցանկանայինք իմանալ Ձեր կարծիքը ՀՀ 2-րդ նախագահ Ռ. Քոչարյան եւ ՀՀ վարչապետ Տ. Սարգսյան հակամարտության մասին:
- Կարծում եմ, որ դա ընդամենը տեսակետների արտահայտման ձեւ էր, եւ էքս նախագահը եւս հայտնեց իր կարծիքը, իսկ կառավարության պատասխանն էլ եղավ հավուր պատշաճի: Այսօր մենք առավել  ուշադրություն պետք է դարձնենք, թե ինչպես է Ադրբեջանն իր ոտնձգություններով ու  դյուրագրգիռ վարքագծով բացասական  ազդում Հայաստանի վրա, սրան զուգահեռ` տեսնում ենք միջազգային հարթակում ՀՀ-ի եւ Արցախի հարցով  լուրջ ձեռքբերումներ: Միջազգային հայտնի իրավապաշտպան "Ֆրիդոմ Հաուզ" կազմակերպության կողմից Ադրբեջանը  համարվեց անազատ երկիր, իսկ դրա կողքին ԼՂՀ-ն համարվեց ավելի ժողովրդավարական երկիր, կարծում եմ, որ այդ հայտարարությունները հենց Ադրբեջանին դարձրին ավելի դյուրագրգիռ, որի արդյունքում սկսեց իր ոտնձգությունները: Տարածաշրջանում խաղաղության պահպանումը չպետք է լինի միայն Հայաստանի մտաhոգությունը, այլ ինչպես Ադրբեջանի, այնպես էլ այլ երկրների եւ միջազգային կառույցների մտահոգությունը: Հայաստանին միշտ տրվել են ընդհանուր, խաղաղեցնող  գնահատականներ` ԵԱՀԿ Մինսկի խմբի համանախագահների կողմից, բայց դա բացասաբար է անդրադառնում Ադրբեջանի վրա, որը շարունակում է իր սուտ քարոզչությունները` ռամիլսաֆարովյան գործելաոճով: Խաղաղ ճանապարհով հարցի լուծումը դրանք միայն բառեր չեն, այլ պետք է լինեն կոնկրետ գործողություններ:
- Չե՞ք կարծում, որ Ադրբեջանը հենց տեսնում է, որ մեր երկրի ներսում թեկուզ մի փոքր անկայունություն է, սկսում է իր անօրինական գործողությունները սահմանի վրա: Իսկ թեկուզ էքս նախագահի տարեվերջյան ու տարեսկզբյան հայտարարությունները պատահական չէին:
- Այո, երկրում տիրող բարոյահոգեբանական մթնոլորտը կարող է օգնել կամ խանգարել, կարող է ուղիղ ծառայել արտաքին  թշնամուն: Դրա համար պետք է զգոն լինենք ու հասկանանք` ինչն է մեր երկրի ու ազգի շահից բխում: Մեր արտաքին թշնամու դեմ կարող ենք պայքարել միայն ներքին համախմբման ճանապարհով: Չնայած բազում մարտահրավերների եւ խնդիրների` մեր երկիրը գնում է ժողովրդավարության զարգացման ճիշտ ընտրած ճանապարհով, ինչը բարձր է գնահատվում նաեւ միջազգային կառույցների կողմից: Այսօր մեր պետությունը լայն հնարավորություններ է ստեղծել քաղաքացիական հասարակության ձեւավորման եւ զարգացման համար` ազատ դաշտ ստեղծելով  յուրաքանչյուր քաղաքացու համար` իր կարծիքն արտահայտելու, քաղաքացիական նախաձեռնություններով հանդես գալու, խնդիրների եւ դրանց լուծումների շուրջ բաց երկխոսություն ծավալելու, էլ ինչ կարիք կա թշնամու ջրաղացին ջուր լցնել: Իսկ առաջ գնալու լավագույն ճանապարհը ոչ միայն շարունակ չարությամբ խնդիրներից խոսելն է, այլ ժամանակ առ ժամանակ հետ նայելն ու ձեռքբերումները գնահատելն է:  
- Ադրբեջանը թե՛ իր տարածքով, թե՛ ֆինանսապես ավելի հզոր է համարվում Հայաստանից` ելնելով մի շարք օբյեկտիվ եւ սուբյեկտիվ պատճառներից: Ինչո՞վ է պայմանավորված նրանց անընդմեջ հիսթերիան:
- Թե՛ միջազգային հանրության, թե՛ այլ երկրների կողմից Արցախի ինքնորոշմանն ու Հայաստանին տրված տարբեր դրական գնահատականները Ադրբեջանին հասցնում է հիսթերիայի, որի մասին արդեն ասացի: Վերջերս էլ, Կալիֆորնիայի նահանգը որոշեց, որ դպրոցներում Հայոց ցեղասպանության մասին ուսումնական պլանում պետք է ներառվի, իսկ օրերս էլ Ֆրանսիայի արդարադատության նախարարը հայտարարեց, որ պետք է անպայման ընդունվի Հայոց ցեղասպանության քրեականացումը ժխտելու օրինագիծը, որպեսզի այսուհետ աշխարհի համար ցեղասպանությունը դատապարտելի լինի: Օրինակները շատ են, որոնք կարող ենք անընդհատ ասել, իսկ Ադրբեջանն այս ամենը տեսնելով` իր սուտ ստեղծագործական քարոզչությունն է իրականացնում, որպեսզի դրանով մոլորեցնի միջազգային հանրությանը: Նրանք շատ անգամ փորձում են իրենց կեղտոտ արարքները հայերի վրա բարդել: Ավելին` այդ մասին նրանք գրում են նաեւ իրենց  պատմության գրքերում` փորձելով հայերի նկատմամբ ատելություն սերմանել իրենց սերնդի մեջ, թե իբրեւ մենք մարդասպան ենք: Իսկ մենք միշտ եղել ենք ոչ թե ընդդեմի, այլ հանունի կողմնակիցը:

ԱՐՄԵՆՈՒՀԻ ՀԱԿՈԲՅԱՆ

Նյութի ազղբյուրը` http://www.iravunk.com/index.php?option=com_content&view=article&id=13282:--q-------q&catid=60:harcazruycner

՛՛ԴԱ ԴՈՒՐՍ Է ՔԱՂԱՔԱԿԻԹ ՊԱՏԳԱՄԱՎՈՐԻ ՎԱՐՔԱԳԾԻՑ՛՛

Հայտնի է, որ խորհրդարանական պատմության մեջ շատ նախագծեր ընդդիմադիր խմբակցությունները ցանկացել են տապալել ամենատարբեր ձևերով, սակայն այն ինչ արեց արդեն ամերիկաներում իր հանգիտն ու ուսումը վայելող "Ժառանգություն" խմբակցության արդեն նախկին ղեկավար Զարուհի Փոստանջյանը, նրա մտքի թռիչքին կնախանձեր անգամ Ադրբեջանի նախագահ  Ալիեւը: Հիշեցնենք, որ երբ Ազգային ժողովում քվեարկության պետք է դրվեր գազի, նավթամթերքների, ադամանդագործության զարգացման ու հայ-ռուսական հարաբերությունների հարցը, տիկինը, ԱԺ հերթական ընդմիջման ժամին, սկսեց հափշտակել պատգամավորներից շատերի քվեարկության քարտերը, որի համար, ի դեպ, որեւէ պատասխանատվության չենթարկվեց: Որքանո՞վ է հարիր նման քայլը հատկապես կնոջը հարցին ի պատասխան` ԱԺ ՀՀԿ խմբացության պատգամավոր ՌՈՒԶԱՆՆԱ ՄՈՒՐԱԴՅԱՆԸ նշեց.

- Ես ընդհանրապես դեմ եմ Աժ աշխատակարգը խանգարելուն եւ խաթարելուն: Բայց փորձը ցույց տվեց, ինչպես եւ ականատես եղանք, որ նախորդ նիստի ժամանակ քվեարկության դրված մի շարք հարցեր փորձեցին խաթարվել: Եթե հարցը դիտարկեմ, որպես կին, ապա չէի  պատկերացնի, որ կարող են ԱԺ-ում լինել չգրված օրենքներ, որոնք դուրս են ոչ միայն կանոնակարգից, այլեւ նորմալ ու քաղաքակիրթ աշխատող պատգամավորի վարքագծից:

Պատգամավորի հետ հարցազրույցն ամբողջությամբ կարդացեք «Իրավունք Հետաքննություն» թերթի համարում:

ԱՐՄԵՆՈՒՀԻ ՀԱԿՈԲՅԱՆ

http://www.iravunk.com/index.php?option=com_content&view=article&id=13238%3A2014-02-04-14-36-15&catid=41%3Alurer&Itemid=57

ԱԺ պատգամավոր Ռուզաննա Մուրադյանի 04.02.2014թ.ելույթը հայտարարությունների ժամին

Խոնարհվում եմ վերջերս սխրագործություն կատարած Արմեն Հովհաննիսյանի, ինչպես նաև մեր բոլոր հերոսների, հերոս զավակներ ծնած հայ ծնողների առջև, համոզված եմ, որ բոլոր ժամանակերում անսասան է հայոց կամքը, և անհաղթահարելի է հայոց ոգին՝ անկախ թշնամու սադրանքների:

Ինչու՞ է մշտապես ադրբեջանական կողմը խաթարում հայ-ադրբեջանական սահմանների հարաբերական անդորրը, պարբերաբար խախտում հրադադարի պահպանման ռեժիմը և չի ստանում համարժեք գնահատական միջազգային կառույցների կողմից:  Ժամանակն է, որ Ադրբեջանի կողմից սադրիչ գործողությունները, նրա ապակառուցողական դիրքորոշումը դառնան միջազգային կառույցների քննարկման թեման իրավիճակը օբյեկտիվորեն գնահատելու համար: Ակնհայտ է, որ ԵԱՀԿ Մինսկի խմբի համանախագահները՝ հնչեցնելով համահարթեցնող, կողմերին հավասարաչափ մեղադրող հայտարարություններ, փորձում են հնարավորինս հավասարակշռված մոտեցում դրսևորել՝ ի նպաստ լարվածության հանդարտեցման:  Մենք գիտակցում ենք այս մոտեցման արժեքը, սակայն այս մոտեցումը չարաշահում են Ադրբեջանի իշխանությունները:

Մեր ցանկությունն է, որ դատապարտվի կոնկրետ խախտումներ իրականացնող կողմը:

Պետք է նշել, որ վերջին ժամանակների իրադարձությունները կարծես շոկի մեջ են գցել Ադրբեջանին.  Լոս Անջելեսի քաղաքային խորհուրդը միաձայն ճանաչել է Լեռնային Ղարաբաղի հանրապետությունը՝ որպես անկախ ինքնիշխան պետություն, Արցախը հռչակվել է ավելի ժողովրդավար, «Ֆրիդոմ Հաուզ» ամերիկյան իրավապաշտպան հայտնի կազմակերպությունը Ադրբեջանը որակել է որպես «անազատ» երկիր` դասելով նրան այն պետությունների շարքին, որտեղ «բացակայում են հիմնական քաղաքական սկզբունքները, ժողովրդավարությունը, իսկ քաղաքացիական ազատությունները զանգվածաբար եւ պարբերաբար ոտնահարվում են», վերջերս նաև ԱՄՆ-ի Կալիֆորնիա նահանգի օրենսդիր մարմնի կրթական հարցերով հանձնաժողովը միաձայն ընդունեց Հայոց ցեղասպանության վերաբերյալ նյութերը ուսումնական ծրագրերում ներառելու մասին բանաձևը: Ահա թե որն է ադրբեջանական հիստերիայի պատճառը:

Տպավորություն է, որ անպատժելիության մթնոլորտ է տիրում արդեն քաջ ծանոթ սաֆարովյան գործելաոճով գործող Ադրբեջանի համար, ում հատուկ է հերոսացնել ստահակներին և սուտ քարոզչություններ տարածել:

Սա է նրանց ազգային արժեքը, իսկ մի ժողովուրդ, մի բանակ, որն ընդունակ չէ առաքինության՝ ուշ թե շուտ կպարտի իր գոյությունը:Նրանք միշտ առաջնորդվել են ընդդեմ սկզբունքով, ուր չկա սեր, հանդուրժողականություն, քաջություն, մարդասիրություն: Իսկ հայ արիներն առաջնորդվում են հանուն մտածողությամբ, հանուն հայրենապաշտության և ազգի զոհաբերության գաղափարների: Մենք չենք գործում ընդդեմ որեւ է ազգի կամ մարդատեսակի, պետության կամ հանրության, գաղափարի, կրոնի կամ հավատքի, մշակույթի կամ լեզվաքաղաքականության. սա է հայ ռազմիկի ձևավորման նախահիմքը:

 Այո′, մեր «հանուն» նպատակներին ընդդեմ գործողներն անգամ մեզ չեն կարող շեղել մեր արարող կենսակերպից՝ դեպի ավերող եւ ընդդեմ գործելակերպի