Փետրվարի 3, 2014թ.
Ռ.ՄՈՒՐԱԴՅԱՆ
-Պրն նախարար, հոդված 5-ի 4-րդ կետում երբ խոսվում է մասնագիտական ստաժը հաշվարկելու կարգից, մասնագիտական ստաժի 1 տարվա արժեքը սահմանում է ՀՀ կառավարությունը, իսկ ստաժի հաշվարկման կարգն ո՞վ է սահմանում, չպետք է նշվի՞։ 1 տարվա արժեքն ինչպե՞ս է սահմանվելու, որովհետեւ տարբեր մասնագիտությունների դեպքում տարբեր է։
Մյուս հարցը՝ հոդված 6-ի 4-րդ կետում՝ «Սույն օրենքով սահմանված կենսաթոշակ ստանալու իրավունքը դադարում է պետական պաշտոն զբաղեցրած անձի աշխատանքի անցնելու պահից, եւ փակագծում նշված է նաեւ (ձեռնարկատեր, ձեռնարկատիրական գործունեությամբ զբաղվելու պահից կենսաթոշակ չի ստանում այդ անձը), եւ բացառությամբ գիտական, մանկավարժական, ստեղծագործական աշխատանքից։ Կան նաեւ ձեռնարկատիրական գործունեություններ, որոնք իրենց մեջ ներառում են հենց մանկավարժական գործունեություն, այդ մասն ինչպե՞ս է համընկնում իրար։ Խնդրում եմ ձեր բացատրությունը։
Ա.ԱՍԱՏՐՅԱՆ
-1-ին հարցի հետ կապված՝ օրենքով նախատեսված է, որ կսահմանվի կառավարության կողմից։ Հաշվի առնելով, որ այդ ժամանակահատվածներն ամենատարբեր գործունեության ոլորտներ պետական ծառայությունում կարող են ընդգրկել, եւ տարբեր ժամանակահատվածներ, այդ ամբողջը մանամասնությամբ, բնական է, որ հնարավոր չի լինի օրենքում սահմանել, դրա համար կառավարության որոշմամբ այդ կարգը եւ ժամանակահատվածները կսահմանվեն։
Ինչ վերաբերում է 2-րդ հարցին, քանի որ կենսաթոշակը տվյալ դեպքում կորցրած եկամուտը փոխհատուցելու միջոց է հանդիսանում, դրա համար ամրագրված է այդ դրույթը, որ եթե անձը շարունակում է աշխատել եւ ստանալ աշխատավարձ, ապա կենսաթոշակ չի վճարվի։ Իսկ այդ ձեր նշած հանգամանքը, որ կարող է լինել նաեւ մանկավարժականը, այս 3 դրույթներն ընդհանրապես, գիտական, մանկավարժական եւ ստեղծագործական աշխատանքը Հարկային օրենսդրությամբ դիտարկվում են, թե որոնք են դիտարկվում այդ ժամանակահատվածներում, եթե այնտեղ հարցադրումներ լինեն, լրացուցիչ պարզաբանելու, մենք կփորձենք նաեւ դա կարգավորել։
Է.ՇԱՐՄԱԶԱՆՈՎ
-Համեցեք, տիկին Մուրադյան։
Ռ.ՄՈՒՐԱԴՅԱՆ
-Խոսքը վերաբերում է ոչ միայն պետական պաշտոններում աշխատողներին, այլ նաեւ պետական պաշտոնից դուրս, եթե մարդն առանձին զբաղվում է ձեռնարկատիրական գործունեությամբ, դարձյալ զրկվում է պետական թոշակ ստանալու իրավունքի՞ց։
Ա.ԱՍԱՏՐՅԱՆ
-Պաշտոնատար անձը, այո, եթե աշխատում է, կենսաթոշակը չի վճարվում։
No comments:
Post a Comment