«Նախորդ
ընտրություններին որոշակի խնդիրներ կային ընտրացուցակների, անձնագրերում` կնիքների
հետ կապված, որոնք սակայն էական ազդեցություն չունեցան ընտրությունների
արդյունքների վրա»,-
Aysor-ի հարցին, թե «ՀՀԿ-ն
հայտարարում է, որ աննախադեպ, նախորդներից տարբերվող ընտրություններ է
անցկացնելու, ինչո՞վ է տարբերվելու այս ընտրությունները նախորդներից, ի՞նչ
խնդիրներ են արձանագրվել նախորդներին, որ այս դեպքում դրանք վերացվելու են», ասաց ԱԺ ՀՀԿ խմբակցության պատգամավոր Ռուզաննա Մուրադյանը:
Նրա
խոսքով` ընտրական գործընթացի կազմակերպման ողջ ընթացքում նախորդ ընտրություններում
գրանցվեցին ընտրությունների կազմակերպման և անցկացման լավ արդյունքներ:
«Թե'
նախընտրկան, թե' ընտրական և թե' հետընտրական փուլերը աչքի ընկան
կազմակերպվածության բարձր մակարդակով. դա էին վկայում նաև միջազգային դիտորդների
գնահատականներն ու կարծիքները»,- նշեց Ռ.
Մուրադյանը:
Վերջինիս
կարծիքով, առաջիկա ընտրությունները կապահովեն ավելի ակտիվ քաղաքացիական
ակտիվություն, քանի որ յուրաքանչյուր քաղաքացի պետք է գիտակցի, որ ընտրում է մեր
երկրի գերագույն հրամանատարին, և գնում է ընտրության այն գիտակցումով, թե առաջիկա
5 տարիներին ում է վստահելու իր երեխաների ապագան, իր
ընտանիքի, ազգի և պետության ապահովությունը, կայունությունն ու զարգացումը:
15.01.2013,
13:04
Նյութի աղբյուրը` Aysor.am
No comments:
Post a Comment